NRK Meny
Normal

Slik vil Kristoff ha VM-laget

Alexander Kristoff tok ut VM-laget for NRK etter avslutningsetappen av Arctic Race i Narvik.

Kristoff

VIKTIG OPPLADNING: No er det VM i USA som er det viktigaste rittet igjen denne sesongen for Alexander Kristoff. Der får han med seg fem norske lagkameratar.

Foto: Grøtt, Vegard Wivestad / NTB scanpix

– Eg trur både eg og landslagssleiinga er veldig samstemte på uttaket, seier Alexander Kristoff.

Han har akkurat trilla inn i mål i Narvik på siste etappe av Arctic Race of Norway. No er alt fokus retta inn mot VM i Richmond i september. Og Kristoff veit godt kva slags hjelperyttarar han vil ha med seg på årets siste store mål der Noreg kan få heile seks plassar til rådigheit.

Vil ha med Stake Laengen

– Eg vil ha med Edvald (Boasson Hagen) og Sven (Erik Bystrøm). Og eg trur Lars Petter (Nordhaug) kan gjere ein god jobb.

– Dei to siste plassane er litt opne, Vegard Stake Laengen har vist god køyrestyrke før og burde kanskje fortent ein plass. Han kan gjere ein god jobb, seier Alexander Kristoff til NRK, samtidig visste han ikkje at nettopp Stake Laengen i dag signerte for profflaget IAM.

Kristoff

FORTENER PLASS: Alexander Kristoff meiner Vegard Stake Laengen (til høgre) fortener ein plass i VM-troppen. Laengen blei i dag klar for profflaget IAM.

Foto: Grøtt, Vegard Wivestad / NTB scanpix

– Er han blitt proff igjen? Gratulerer til han.

Kristoff kom i mål på den siste etappen på ein 20. plass. Han var langt i frå å kjempe om samanlagtsigeren som i fjor, då han blei nummer to. I år hamna Kristoff nede på ein 25. plass.

– Eg er fornøgd med å ha tatt ein etappesiger, i tillegg vann eg den grøne trøya, så eg må seie at eg er fornøgd.

– Kva blir oppladninga no før VM?

– Det er to store ritt før VM. Vattenfall Classic i Hamburg og eitt ritt i Montreal i Canada, seier Kristoff som har fire ritt på kalenderen før fellesstarten i VM 27. september.

Den gode innsatsen i Arctic Race av kontinentallaga kan slå positivt ut, men framleis er det enno litt usikkert om Kristoff får to eller fem hjelperyttarrar i VM.

– Greitt å vere hjelperyttar

Edvald Boasson Hagen blir vårt andre store håp i VM-fellesstarten, men kan måtte finne seg i å spele annenfiolin i USA.

Er det greitt at du blir hjelperyttar og vannberar?

Kristoff seier

HJELPERYTTAR: Edvald Boasson Hagen kan måtte finne seg i å bli i skuggen til Alexander Kristoff også i VM. Men slepp iallfall å tape spurten som han gjorde på den fyrste etappen av Arctic Race of Norway.

Foto: Grøtt, Vegard Wivestad / NTB scanpix

– Ja, i utgangspunktet er det Alexander som har køyrt best i år, så får me sjå kven som er i best form på VM-laget når den tid kjem, seier Boasson Hagen til NRK avslutninga i Narvik.

Boasson Hagen blei beste nordmann i samandraget av Arctic Race of Norway på ein fjerdeplass. Han var 1,02 bak den estiske samanlagtvinnaren Rein Taaramäe.

Siste nytt

  • Gasly blir ny Red Bull-fører

    Pierre Gasly erstatter Daniel Ricciardo i Red Bull neste sesong. Det bekrefter Formel 1-laget. Den franske 22-åringen kjører nå for Toro Rosso, som Red Bull eier. Han har en fjerdeplass fra Bahrain som sitt beste løp i karrieren. Ricciardo skal kjøre for Renault neste sesong.

    MOTOR-F1-REDBULL/GASLY
    Foto: Brandon Malone / Reuters
  • Remis for Carlsen mot Aronian

    Magnus Carlsen måtte nøye seg med remis mot armenske Levon Aronian da han spilte med svarte brikker i tredje runde av Sinquefield Cup i sjakk mandag. Carlsen står med to poeng etter tre runder, og ligger på delt førsteplass. I fjor ble Carlsen nummer to i turneringen.

    Magnus Carlsen
    Foto: Patrick Huerlimann / AP
  • Liverpool bestod testen

    Mange spådde en vrien bortekamp for Liverpool og det ble det også. Crystal Palace gav seg ikke, selv med ti mann etter Wan Bissakas røde kort, men i jakten på utligningen viste istedet Mohammed Salah og Sadio Mané frem kontringsfotball fra øverste hylle. Sistnevnte scoret, og doblet dermed ledelsen James Milner sørget for fra straffemerket før pause.

    salah
    Foto: Kirsty Wigglesworth / AP

Sendeplan

Kl. Program Kanal
Morgensport og musikk
Morgensport og musikk
Morgensport og musikk
Morgensport og musikk
NRK Sport Live
NRK Sport Live
NRK Sport Live
Sport i dag
Sport i dag