NRK Meny
Normal

Slik skal Boasson Hagen unngå reprise av fjorårets VM-blunder

DOHA (NRK): Edvald Boasson Hagen og Alexander Kristoff endrar VM-planen etter fjorårets taktikk-nedtur.

Kristoff og Boasson HAgen

VM-DUO: Edvald Boasson Hagen og Alexander Kristoff. Her under VM i Richmond i 2015.

Foto: Pedersen, Terje / NTB scanpix

Eitt år etter at Boasson Hagen hamna i skvis mellom ei hjelperyttar- og medaljekandidat-rolle i VM spør alle seg nå:

«Kva gjør du i år om du kjem i nøyaktig samme situasjon som i fjorårets VM, Edvald Boasson Hagen?»

I Richmond i fjor var Boasson Hagen lenge i best posisjon av dei norske, men då belgiske van Avermaet ønska drahjelp i tomannsbrudd, venta rudsbygdingen på kaptein Kristoff, som kom bakfrå.

Kristoff spurta inn til fjerdeplass, men etterpå var Boasson Hagen irritert fordi han aldri hadde sjansen til å stikke for å kjempe om medalje sjølv.

– Sånn er det når du har ein kaptein, sa Hagen.

I år er Kristoff igjen kaptein, men avtalen er ein annan etter at Boasson Hagen og Kristoff hadde eit møte på tomannshand torsdag.

– Vi er på bølgelengde, seier Kristoff.

– Kva er planen?

– Edvald kjem ikkje til å vere hundre prosent låst til meg, men dersom det ser ut til å bli samla felt på slutten køyrer vi for ein samla spurt med meg, seier Katusha-stjerna.

– Vi køyrte gjennom løypa i ørkenen i går, og det er fort gjort at det ikkje blir så stort felt inn mot mål. Jo mindre feltet er, jo vanskelegare er det å halde eit kontrollert løp. Då opnar det seg meir opp for Edvald, seier Kristoff.

Vil ikkje gjøre det samme igjen

Løypa i Doha er 257 kilometer lang. Dei første hundre kilometerane vil foregå i opent landskap med masse vind, før ryttarane kjem inn på den kunstige øya «The Pearl» med mange rundkøyringar, som gjør løypa teknisk krevjande.

Her er det Kristoff er avhengig av å få drahjelp av Boasson Hagen, som både kan hindre angrep og fungere som vindfang for Kristoff, som må spare krefter til ein potensiell massespurt.

Men kjem Boasson Hagen i samme situasjon som i fjor, er han ikkje i tvil om kva han skal gjøre.

– Eg hadde dratt for å prøve å kjempe meir om sigeren. Eg hjalp verken Alexander eller var med i kampen om medalje i fjor, seier Boasson Hagen.

Kristoff spår massespurt

Men Kristoff trur mest på eit heilt anna scenario enn i fjorårets VM.

– Vi satsar på at Edvald køyrer for siger om han er foran i år. Men med ei sånn type løype blir det nok ein massespurt, legg Kristoff til.

Alexander Kristoff

TRUR PÅ MASSESPURT: Norges kaptein, Alexander Kristoff.

Foto: Bendiksby, Terje / NTB scanpix

Siste nytt

  • Ny remis for Carlsen

    For andre dag på rad tok sjakkspelar Magnus Carlsen eit halvt poeng med svarte brikker i Sinquefield Cup. Partiet mot Vishy Anand enda i remis. Carlsen hadde tidleg eit lite overtak, men etter kvart jamna partiet seg ut.

    Magnus Carlsen
    Foto: Patrick Huerlimann / AP
  • PSV på vei, Benfica sliter

    To tidligere serievinnercupvinnere skaffet seg vidt forskjellig utgangspunkt i mesterliga-kvaliken tirsdag kveld.

    PSV vant 3-2 borte mot BATE Borisov etter scoringer av Gastón Pereiro, Hirving Lozano og Donyell Malen, mens Benfica bare klarte 1-1 hjemme mot greske PAOK.

    Salzburg, uten skadde Fredrik Gulbrandsen (lår), spilte 0-0 borte mot Røde Stjerne i Beograd

    Lozano
    Foto: Sergei Grits / AP
  • Poengtap for Mjøndalen

    Opprykksjagende Mjøndalen måtte nøye seg med 1-1 hjemme mot Åsane i 1. divisjon fotball tirsdag. Dermed klarte ikke serietreeren å ta tilbake annenplassen på tabellen.

    Mjøndalen kjemper for opprykk til Eliteserien. Søndag ble Vegard Hansens gutter passert av Viking.

    NM fotball menn, 4. runde: Mjøndalen - Haugesund
    Foto: Fredrik Hagen / NTB scanpix

Sendeplan

Kl. Program Kanal
Morgensport og musikk
Morgensport og musikk
Morgensport og musikk
Morgensport og musikk
Morgensport og musikk
NRK Sport Live
NRK Sport Live
NRK Sport Live
Sport i dag
Sport i dag
Cupen: Kvartfinale, LSK Kvinner - Vålerenga