Hopp til innhold

Kreftsjuke Romøren rørt til tårer av hopplandslagets gest

INNSBRUCK/OSLO (NRK): Under det nest siste rennet i hoppuka ville det norske laget heidre Bjørn Einar Romøren, og tok fram symaskina. Resultatet blei vist på direkten.

xuuHm8IAavk

MERKE: Robert Johansson og resten av hopplandslaget heidra kreftsjuke Bjørn Einar Romøren med denne beskjeden på drakta.

Foto: Geir Olsen / Geir Olsen

– Eg veit jo at dei heiar på meg, både gutane og jentene. Men likevel, at dei overraskar meg på denne måten, og samtidig presterar som dei gjer. Det blir grining av det, skriv Romøren til NRK i ein SMS, før han spøkefullt legg til:

– Pokker ta dem.

Sommaren 2019 fekk den tidlegare skihopparen påvist kreft i hofta. 38-åringen går gjennom ei tøff behandling, og i lørdagens konkurranse bestemte det norske hopplandslaget seg for å vise si støtte.

Romøren

Bjørn Einar Romøren fekk påvist kreft tidlegare i år, og får no cellegiftbehandlingar.

Foto: Heiko Junge / NTB scanpix

– Me ønsker å vise at me vil stå saman med han i hans livs tøffaste kamp, seier hoppsjef Clas Brede Bråthen til NRK.

Perspektiv

Derfor fekk dei sydd inn eit spesiallaga merke på hoppdressane til konkurransen i Innsbruck. På høgrearmen til dei norske hopparane sto det «Stay strong Bjørn».

– Han går gjennom sin liv kamp, så me prøver å støtte opp om han, seier Johann André Forfang.

Romøren la sjølv ut dette biletet på nyåret frå sjukehuset.

Bråthen fortel at han får mange spørsmål når han går rundt i hoppuka.

– Det er nesten ingen i hoppmiljøet som ikkje lurer på korleis det går med Bjørn Einar. For oss er håpet at dette skal vere med på å gi han enda litt meir styrke til å kjempe. Det her hjelper oss også med å få litt perspektiv på ting, seier hoppsjefen.

tande

Daniel André Tande viser fram merket på veg opp til hoppbakken.

Foto: Anders Engeland

Romøren har dei siste åra jobba med media og marked for hopplandslaget, men før det var han i ei årrekke ein markant skihoppar. Han var i 2004 og 2006 ein del av det norske laget som tok VM-gull i skiflyging. I tillegg tok han OL-bronse i lagkonkurransen i stor bakke i 2006. Han slo også verdsrekorden i skiflyging med 239 meter i 2005. Rekorden stod seg heilt fram til 2011.

Walter Hofer er sjef for skihopp i det internasjonale skiforbundet (FIS), og han har ansvaret for at rennet følger retningslinjene. Det skal som regel litt til for at utøvarane får lov til å sette på merker eller anna, som ikkje er godkjende sponsormerker.

Austerrikaren hadde likevel ingen problem med å godkjenne akkurat dette merket på drakta.

– Me er ein familie, og Bjørn Einar var alltid ein del av familien. Det er han framleis, seier Hofer.

Siste nytt

  • 20 prosent fleire forballskader

    Skadeomfanget stig i europeisk toppfotball, og det vekkjer bekymring hos fagforeiningane til spelarane.

    Det er ei undersøking laga av forsikringsselskapet Howden i etterkant av 2021/2022-sesongen dette kjem fram. Ho viser at i dei fem største ligaene, i England, Spania, Tyskland, Italia og Frankrike, har skadeomfanget auka med 20 prosent samanlikna med året før.

    Det er ikkje ei eintydig forklaring på den stigande skadefrekvensen, men auken blir kopla til eit generelt tettare kampprogram.

    Sesongen 2021/2022 vart avvikla i etterkant av koronapandemien, og på grunn av stadige nedstengingar bidrog det til eit komprimert kampprogram.

    I tillegg er ferie- og restitusjonsperiodane til spelarane vorte kortare.

    Konklusjonane på undersøkinga har skapt bekymring i Den internasjonale spelarforeininga (Fifpro).

    Fotballskade
    Foto: COSTAS BALTAS / Reuters
  • Motivert av Federers avskjedskamp

    Casper Ruud (23) kjenner seg heldig som fekk ta del i Roger Federers farvel som tennisproff. Opplevinga i Laver Cup vil han bruke som motivasjon.

    Sist veke var Snarøya-mannen på Europa-laget med ikon som Federer, Rafael Nadal og Novak Djokovic. Frå indre bane fekk han sjå ei legende ta farvel.

    Federer runda av karrieren i eit doubleoppgjer med erkerival Nadal som makker.

    – Det var helt utruleg å sjå to saman i Rogers siste kamp. For meg var det veldig gøy å vere rundt dei. Dei vitsa med kvarandre hele tida, seier Ruud.

    – Dei er eldre og i ei seinare fase av idrettslivet. Då er det inspirerande å sjå motivasjonen som held dei gåande. Eg var heldig og stolt av å få vere ein del av laget. Eg lærte mykje og tok med meg mykje av gleda frå opplevinga, legger han til.

    Ruud spelar denne veka i ei turnering i Sør-Korea, der han møter chilenske Nicolas Jarry i dag. Kampen er planlagt å starte klokka 12.00.

    Roger Federer og Casper Ruud
    Foto: GLYN KIRK / AFP
  • Reiten hjalp Chelsea å vende til seier i byderby

    Chelseas kvinnelag kom tidlig under i det utsatte byderbyet mot West Ham, men Guro Reiten hjalp laget å vende til 3-1-seier.

    Den norske landslagsstjernen hadde assist på Fran Kirbys utligningsmål i slutten av første omgang og var involvert også i Sam Kerrs ledermål i den andre omgangen.

    Dagny Brynjarsdottir nikket West Ham i en tidlig ledelse på hjørnespark mens Kerr sto passiv ved siden av henne. Senere skulle Chelsea vise offensiv kompetanse på hjørnespark, og Kerr fikk sitt første mål på sesongen på et av dem.

    Den engelske landslagsstopperen Millie Bright stusset inn 3-1 på nok et hjørnespark.

    Women's Super League - Chelsea v Manchester City
    Foto: ANDREW COULDRIDGE / Reuters

Sendeplan

Kl. Program Kanal
Spilleliste med 62 klipp
Sport
Spiller nå
Haaland om anklagene mot City-eierne: – Drøye ord 01:20
Neste