Har fått hjelp frå OL-meister til å betre O2-opptaket

Sandvolleyduoen Geir Eithun (34) og Iver Horrem (36) har brukt vinteren på å auke O2-opptaket for å bli meir uthaldande på bana. Med på laget har dei hatt olympisk meister Eirik Verås Larsen.

EM Beachvolleyball Geit Eithun Iver Horrem

AMBISJONAR: Sandvolleyballduoen f.v. Iver Horrem og Geir Eithun vil stabilisere seg blant dei 24 beste i verda.

Foto: Joe Scarnici / Afp

– Vi har gjort endringar og trent litt annleis både fysikk og uthald. Spesielt i uthald har vi lagt ned ein del ressursar, seier Eithun.

Kajakkpadlar Eirik Verås Larsen har mellom anna to gull, ein sølv og ein bronse i OL, i tillegg til ein god handfull VM-gull. Etter det siste OL-gullet i 2012, vart han av toppidrettssjef Jarle Aambø karakterisert som ein superseriøs utøvar med svært

Verås Larsen

DYKTIG: Eirik Verås Larsen har i mange år vore ein av verdas beste kajakkpadlarar. Med hovudfag i idrett frå Idrettshøgskolen sit han på mykje kompetanse som andre toppidretssutøvarar kan ha nytte av.

Foto: Junge, Heiko / NTB scanpix

gode verdiar.

No er han fagkonsulent på uthald hjå Olympiatoppen, og har vore med å laga til treningsopplegg for Eithun og Horrem for å gje dei eit best mogleg utgangspunkt for årets sandvolleysesong.

– Vi har eit opplegg gjennom Toppidrettssenteret, og Verås Larsen har hjelpt oss med uthaldenheitsdelen. Vi får kontinuerleg oppfølging derifrå, seier Eithun.

Hadde ekstremt tøft fjorår

I fjor enda duoen på 37. plass i VM, og 5. plass i EM, etter å ha vorte slegne ut i kvartfinalen. I fjorårets siste Grand Slam-turnering i Xiamen i Kina, enda Eithun og Horrem på ein 25. plass, etter ein hard og slitsam sesong.

– Fjoråret tærte på. Vi spelte mykje og var ekstremt mykje på farten, og det har vi lært av. I år har vi avgrensa reisinga noko, og halde oss litt nærare heime oppkøyringa. Eg trur det overskotet som vi har no, vil hjelpe oss vidare, seier førdianaren.

Fjoråret tærte på. Vi spelte mykje og var ekstremt mykje på farten, og det har vi lært av.

Geir Eithun

Men det er ikkje akkurat langt mellom avtalane i kalenderen deira neste halvår. Fredag set dei seg på flyet til Fuzhou i Kina for å delta når World Tour tek laust i helga. Sidan går det i grunn slag i slag til siste Grand Slam-turneringa i Xiamen i Kina i midten av oktober.

– Det går i eitt. EM er første veka i juni, og så er det ei ny turnering kvar veke til slutten av august. Eg meiner vi skal ha ei friveke i juli utan turnering, seier Eithun.

Må vere heilt på topp fysisk

Men han understrekar at dei vurderer fortløpande.

– Det er det som er planen, men vi må gjere justeringane etter både kropp og form. Fjoråret var beintøft, seier Eithun.

Sjølv om begge har vorte betre på det meste fysisk i oppkøyringa, er det ikkje til å leggje skjul på at dei er midt i 30-åra, med dei utfordringar det fører med seg.

– Vi har innsett at vi må vere heilt på topp fysisk for å prestere. Mange av dei unge laga vi møter, er utruleg gode tekniske, i tillegg til at dei har rå fysikk. Vi må vere på tå hev heile vegen, seier Eithun.

Iver Horrem

KLAR: Iver Horrem (biletet) og makker Geir Eithun gler seg til første kamp i World Tour tysdag.

Foto: Schrøder, Tor Erik / NTB scanpix

Begge ser fram til at sirkuset tek til neste veke, men Eithun understrekar at plassering ikkje er det viktigaste i den første turneringa.

– Vår inngang er at det ikkje betyr noko. Vi veit at kvalifiseringa vert tøff. Vi er bra ranka, men i starten er alle med. Vi må ut i kvalifisering og må vinne to kampar på rad. Det er vinn eller forsvinn. Kvar kamp er viktig, seier Eithun.

Vil etablere seg i hovudrunden fast

Han peikar på at det viktige for makkerane no er å gå ut og gjere gode kampar, og sjå korleis dei fungerer i kamp, og om nye ting som dei har jobba med, sit som det skal.

Det langsiktige målet er som før OL i Rio 2016. For året som kjem, er målet å etablere seg i hovudrunden fast. Per no ligg duoen om lag som nummer 30 i verda.

Vi veit at kvalifiseringa vert tøff. Vi er bra ranka, men i starten er alle med. Vi må ut i kvalifisering og må vinne to kampar på rad. Det er vinn eller forsvinn.

Geir Eithun

– Vi vil liggje blant topp 24 i verda, slik at vi er i hovudrunden og slepp kvalifisering, seier Eithun.

Den sure EM-exiten i kvartfinalen ønskjer dei også å revansjere.

– Vi vil eitt steg opp frå i fjor, frå kvartfinale til semifinale, seier Eithun, og meiner måla dei har sett seg er tidvis hårete, men fullt realistiske å oppnå.

– Dette er tredje sesongen vår saman, og vi har vorte meir samkøyrde. Men det er endå litt meir på det tekniske og taktiske som vi ønskjer å få finslipt, seier Eithun.

Siste nytt

  • 16. mai-kampene er klare

    Eliteserien og OBOS-ligaens 16. mai-kamper er offentliggjort av rettighetshaver Eurosport onsdag. Rosenborg og Brann får hjemmekamp og Kristiansund tar imot Molde til derby. Første runde er også klar. Terminlisten for resten av året slippes kl. 12.

    CUPFINALE MENN 2018 RBK - SIF ULLEVAAL STADION (4-1)
    Foto: Terje Pedersen / NTB scanpix
  • Zucarello tilbake på isen

    NHL-proffen Mats Zuccarello fekk 22 minutt og 48 sekund på isen, då New York Rangers slo Anaheim Duckers 3–1 onsdag. Nordmannen har stått over sju kampar på grunn av ein lyskeskade, men var tilbake i lagoppstillinga sist fredag. Laget ligg no på ein femteplass.

    Video Zucca spent foran ny sesong
    Foto: Nyhetsspiller
  • Borussia Dortmunds første serietap

    Bunnlaget Fortuna Düsseldorf påførte serieleder Borussia Dortmund sesongens første serietap og duket for ny spenning i gullkampen. Målscorerne var Dodi Lukebakio, før Jean Zimmer sørget for 2-0-seier.

    SOCCER-GERMANY-DUS-DOR/
    Foto: THILO SCHMUELGEN / Reuters

Sendeplan

Kl. Program Kanal
Morgensport og musikk
V-cup alpint: Storslalåm 1. omgang, menn
V-cup alpint: Storslalåm 1. omgang menn
V-cup alpint: Super-G kvinner
V-cup alpint: Super-G kvinner
NRK Sport Live: V-cup alpint super-G kvinner og storslalåm menn
V-cup alpint: Storslalåm 2. omgang, menn
VM-minner
NRK Sport Live: V-cup alpint super-G kvinner og storslalåm menn
Sport i dag
Sport i dag