NRK Meny
Normal

Slik forklarer han kjempetabben

LAHTI/OSLO (NRK): Kombinert-kometen Jarl Magnus Riiber skulle sikre nok ein verdscup-triumf. I staden enda det med nok ein tabbe.

Jarl Magnus Riiber hadde vunnet dagens løp om han ikke hadde gått feil. Her kan du høre hans tanker. Reporter: Patrick Rowlands. Redigering: Hans Henrik Løken.

– Det var frykteleg, seier Riiber om tabben som etter alt å dømme var den største snakkisen på skiarenaen i Lahti fredag kveld.

18-åringen møter NRK på kombinertlandslaget sitt hotell på den finske landsbygda.

Dette er kvelden stortalentet eigentleg skulle ha feira nok ein verdscuptriumf rundt middagsbordet saman med lagkameratane.

I staden må han forklare manøveren som fekk NRKs kommentatorar til å brøle eit fortvila «NEI!» då dei var sikre på at dei formidla nok ein norsk ski-opptur.

– Eg var så fokusert på å komme unna gruppa. Eg prøvde å følge svingen, men svingen tok meg ikkje til mål. Det var surt, seier Riiber.

Sjå tabbe-innspurten:

Her går Riiber feil etter å ha lekt med konkurrentene.

– Surrete

Dette er ein av mange tabbar signert Riiber denne sesongen. Tenåringen stemplar seg sjølv som surrete.

– Eg er så fokusert på oppgåva at eg gløymer alt anna. Eg går kanskje i ei eiga «luke» og er bestemt på å følge den.

– Eg gir ofte beskjed til trenarane når eg føler meg surrete og ber dei om å vere litt «obs» på det, seier Riiber.

– Kjenner det med ein gang eg står opp

– Korleis merkar du at du er surrete?

– Eg kjenner det dei dagane eg ikkje er «på». Eg kjenner det med ein gang eg står opp.

– Nokre gangar er eg så fokusert og spent at eg gløymer alle andre. Det er eit stort sirkus. Då er det lett å bli ein i mengda og gløyme resten, seier Riiber.

– Var du surrete då du stod opp i dag?

– Ja, seier 18-åringen og ler.

– Vi spøker med det, men det er jo litt alvorleg også...

– Det er det, men eg har så mange opplevingar framfor meg. Det er viktig å ikkje bruke opp all energien på ein gang, seier Riiber, som ikkje går i kjellaren etter tabben.

Stortalentet kan heller styre i retning middagsbordet for å fortelle om nok ein dramatisk dag i livet som kombinertløpar.

Jarl Magnus Riiber er veldig frustrert etter kjempetabben.

FRUSTRERT: Jarl Magnus Riiber fekk trøst av landslagstrener Bjørn Kåre Ingebrigtsen etter kjempetabben i Lahti

Siste nytt

  • Fourcade mot Bø på tredjeetappen

    Startlisten for herrestafetten i skiskyting er klart, og både Johannes Thingnes Bø og Martin Fourcade går tredje etappe. Emil Hegle Svendsen er Norges ankermann, og skal opp mot blant andre franske Antonin Guigonnat. Lars Helge Birkeland går førsteetappe, mens Tarjei Bø har den andre etappen.

    Vinter-OL. Olympiske leker i Pyeongchang 2018. Skiskyting menn.
    Foto: Terje Pedersen / NTB scanpix
  • Femte strake tap for Zuccas Rangers

    New York Rangers og Mats Zuccarello gikk på sitt femte strake tap i NHL da Montreal Canadiens ble for sterke og vant 3-1 natt til fredag. Det melder NTB. 30 år gamle Zuccarello noterte seg for to skudd på mål i oppgjøret.

    Zuccarello Aasen
    Foto: Elsa / Getty Images
  • Celtic og Ajer fikk bank i Russland

    Kristoffer Ajer fikk en stri kveld på jobb i Celtic-forsvaret borte mot russiske Zenit St. Petersburg. Skottene tapte 0-3 og røk ut av europaligaen. Celtic vant hjemmekampen 1-0, men det skulle vise seg å være et altfor lite forsprang mot russerne.

    Scottish Premiership - Celtic vs Rangers
    Foto: Russell Cheyne / Reuters

Sendeplan

Kl. Program Kanal
OL i Pyeongchang
OL i Pyeongchang
OL i Pyeongchang: Curling og ishockey
OL i Pyeongchang: Skøyter 1000 m menn
OL i Pyeongchang: Skiskyting stafett menn og skøyter 1000 m
OL i Pyeongchang: Ishockey, semifinale
OL-magasin
Høydepunkter fra dagen
Mester mot legende i vintersport
OL-magasin