- Laga måtte rømme av banen.
- Eit mislukka forsøk på Nord-Irland-bytte enda med gult kort.
- Gareth McAuley blei historisk for Storbritannias store underdog-nasjon i EM.
Beordra i garderoben
Like etter pause starta showet. Favoritten Ukraina, som var best i innleiinga, fekk mål imot då midtstoppar Gareth McAuley noterte Nord-Irlands første nettkjenning i EM nokon sinne.
I tillegg: Det var første gang på 30 år at den nord-irske fansen kunne juble for meisterskapsscoring. Sist var i 2-1 tapet i VM-møtet med Spania, 7. juni 1986.
– Dette er ein enormt stor dag for heile landet, seier landslagssjef Michael O'Neill.
Sjå den historiske scoringa:
HISTORISK MÅL: Midstoppar Gareth McAuley scorer tidenes første EM-mål for Nord-Irland.
Så: Rundt ti minutt ut i andre omgang beordra dommaren laga av banen. Spelarane måtte rømme i garderoben fordi haglbygene plutseleg hadde blitt så kraftige at det ikkje var forsvarleg å spele fotball.
Sjå spelarane rømme i garderoben:
MÅTTE AV BANEN: Dommaren beordra spelarane av banen då haglet blei for kraftig.
Nekta å gå av banen i komplett kaos
Både før og etter haglet inntraff regna det tungt i Lyon.
Tungt blei det også for fleire på sidelinja. Nord-Irlands landslagssjef skulle gjøre eit siste bytte etter 85. minutt. McNair stod klar for å komme inn, og Corry Evans blei vinka av banen.
Men Evans nekta å gå av, sjølv om hans nummer 13 stod på fjerdedommarens tavle. Evans peika på lagkamerat Stuart Dallas, og meinte at det var Dallas som skulle av banen.
Då Dallas prøvde å gå av blei han dytta tilbake på matta av Nord-Irlands landslagssjef.
Ein forvirra dommar prøvde å ordne opp i situasjonen, og dro fram det gule kortet til Stuart Dallas(!).
Corry Evans slapp unna både bytte og gult kort, medan McNair måtte vente til tampen av oppgjøret for å sleppe til.
På overtid dobla Niall McGinn, og kvelden var komplett for ekstatiske Nord-Irland-fans.
Sjå målet som fekk Nord Irland-fansen til å eksplodere:
EKSTASE: Her doblar Niall McGinn, og Nord Irland-fansen eksploderer.
Nord-Irland har tre poeng etter to EM-kampar, og kan gå vidare til utslagsrundar som gruppetrear sjølv om dei møter storfavoritt Tyskland i siste gruppespelkamp.
EMs fire beste gruppetrearar går vidare i turneringa.
