NRK Meny
Normal

Skjerpa tryggleik: Real-hotellet vakta av 30 politifolk i skotsikre vestar

Bombene i Dortmund i går har ført til omfattande tryggingstiltak i samband med dei tre meisterliga-kvartfinalene i kveld.

Sikkerhetspoliti

SKJERPA TRYGGLEIK: Leicesters spelarbuss fekk væpna vakter og politieskorte frå treninga og tilbake til hotellet sitt i Madrid i går kveld

Foto: Carl Recine / Reuters

Den utsette kampen i Dortmund skal spelast klokka 18.45 i kveld. To timar seinare er det også kvartfinaler i München og Madrid.

– Vi aukar trygginga på alle tre kampane så mykje som trengst, melder UEFA.

Hendinga i Dortmund har ført til kraftig skjerpa tryggleik framfor kvartfinalen mellom Bayern og Real Madrid i München, melder Bild.

Politiet i München sat i møte for å gjennomgå tryggingsrutinene då det small i Dortmund, melder Süddeutsche Zeitung.

30 politifolk rundt Real-hotellet

Det umiddelbare resultatet var forsterka vakthald kring hotella til begge laga. Rundt hotellet med Real Madrids stjernegalleri var det plassert eit 30-tals politifolk med skotsikre vestar. Spelarbussane til begge laga er plasserte på hemmelege stader.

I dag skal politet orientere kamp-arrangøren om skjerpa tryggingstiltak.

– Men vi har så langt ingen indikasjonar på nokon fare her, seier ein talsmann for politiet.

Laster Twitter-innhold

Også politiet i Dortmund varslar strengare tiltak når den utsette kampen skal spelast i kveld.

– Vi skal gjere alt som står i menneskeleg makt for å gjere kampen trygg, lovar politisjef Greogor Lange, ifølgje Evening Standard.

Dortmund-spelarane var onsdag føremiddag tilbake på bana for lett trening.

Leicester fekk væpna eskorte

Leicester-spelarane var på trening i Madrid då det small i Dortmund tysdag kveld. Spansk politi sette straks inn væpna vakter rundt laget, og Leicesters buss hadde politieskorte på veg tilbake til hotellet etter treninga.

Politet i byen er på tå hev.

I går vart fleire Leicester-fans arrestert i Madrid. – Heilt uprovosert, og fleire av dei vart slått med batongar, melder ein BBC-reporter som såg hendinga.

Spanske media melder at totalt åtte Leicester-fans blei arrestert.

– Vi såg politi med batongar og skjold gå til angrep på grupper på ein bar og til og med kaste stolar mot fansen, seier ein engelskmann BBC har snakka med.

– Det var godlynt stemning, men nokon av dei var fulle og kanskje litt provoserande med songane, legg han til.

Politiet på si side nøler ikkje med å omtale dei arresterte som «hooligans».

Siste nytt

  • Start nærmer seg opprykk

    Steffen Lie Skålevik ble tomålsscorer da Start tok et nytt steg mot Eliteserien med 2-0-seier over Arendal i 1. divisjon lørdag. Seieren betyr at Start kan feire opprykk søndag om Sandnes Ulf taper borte for Elverum og Mjøndalen avgir poeng mot Kongsvinger.

    Starts administerende direktør Even Øgrey Brandsdal med Henrik Robstad på skuldrene
    Foto: Tor Erik Schrøder / NTB scanpix
  • Lyn rotet bort opprykket

    Lyn ledet to ganger, men måtte likevel se opprykket til 2. divisjon glippe etter 2–2 hjemme mot Korsvoll på Bislett stadion lørdag. Hjemmeseier mot Korsvoll ville sendt Lyn tilbake på tredje nivå i norsk fotball.

  • Rystede Chelsea slo tilbake

    Chelsea risikerte å gå på sitt tredje strake Premier League-tap da Watford gikk opp i 2-1-ledelse rett etter pausen på Stamford Bridge, men så satte vertene i gang opphentingen. Innbytter Michy Batshuayi utlignet før Cesar Azpilicueta sørget for 3-2 kun tre minutter før slutt. På overtid kronet Batshuayi innhoppet med en dobbel.

    Chelsea
    Foto: MATTHEW CHILDS / Reuters

Sendeplan

Kl. Program Kanal
4-4-2 med Schau og Aune
4-4-2 med Schau og Aune
4-4-2 Eliteserien fotball: Aalesund - Kristiansund