Skiforbundet tapar mange millionar på Kristoffersen-nekt

Ved å seie nei til avtalen som alpinkomiteen har forhandla fram med Telenor og Henrik Kristoffersen, kan Norges Skiforbund gå glipp av so mykje som 25 millionar kroner.

Henrik Kristoffersen

GÅR TIL SØKSMÅL: Henrik Kristoffersen får ikkje inngå sponsoravtalen han vil med Red Bull, og har gått til søksmål mot skiforbundet.

Foto: DOMINIC EBENBICHLER / Reuters

– Avtalen gav lik rett til alle utøvarar, den var føreseieleg, og den la til rette for særs god økonomi for skiforbundet, seier Trond Olsen, leiar i alpinkomiteen til NRK.

NRK erfarer at alpinlandslaget sin hovudsponsor, Telenor, var villige til å oppretthalde same pengestøtte som dei gjer i dag, og samtidig opne for at Henrik Kristoffersen kunne få Red Bull som hjelmsponsor.

Av dei pengane utøvarane får per hjelm med anna sponsor på, hadde skiforbundet fått ein minimumssum på 1,5 millionar kroner per år. På alt over den summen hadde skiforbundet fått 40 % av inntektene. Det vil sei at skiforbundet minimum ville fått inn 15 millionar på avtalen til Kristoffersen, og ein ny avtale med Aksel Lund Svindal.

Men etter det NRK erfarer ville avtalen vore langt meir lukrativ. Skiforbundet kunne sikra seg inntekter på mellom 20 og 25 millionar kroner over ein periode på seks år.

– Utfordrar grunnlaget

Difor stiller Henrik Kristoffersens far, Lars Kristoffersen, seg heilt uforståande til at skistyret ikkje ville godkjenne den avtalen.

Skipresident Erik Røste.

SKEPTISK: Skipresident Erik Røste seier at avtala til Henrik Kristoffersen utfordrar grunnlaget til toppidretten.

Foto: Ruud, Vidar / NTB scanpix

– Eg synst det er trist at skistyret går mot det alpinkomiteen og sponsorane vil. Det er ikkje bra, seier Kristoffersen til NRK torsdag.

Men skipresident Erik Røste seier at å gi Kristoffersen denne avtalen hadde rokka ved noko heilt grunnleggande.

– Dette er grunnlaget for finansieringen. Norges Skiforbund sel marknadskrava. Tilsvarande som det er i andre klubbar eller lag. Det er dette ein utfordrar. Gjennom ein godt etablert landslagsmodell har me erfaring med dette. Den har fungert og den har gitt resultat. Det er den me ønskjer å verne om.

Kristoffersens far meiner derimot at ein ikkje kan handsame utøvarane ulikt, og at sonen bør få inngå same avtale som til dømes Aksel Lund Svindal allereie har.

– Det må vere likt for alle. Alle burde hatt dei same sjansane. Grunnen til at det er splid er at skiforbundet ikkje klarar å stake ut ein stø kurs.

– Ingen ønskesituasjon

– I avtalen som me la fram, låg det eit ønske og håp om å få til ein lik avtale for alle alpinutøvarar. Det forslaget blei nedstemt i skistyret, seier Olsen i alpinkomiteen.

Lars Kristoffersen

ØNSKJER LIK BEHANLDING: Lars Kristoffersen er klar på at sonen berre ønskjer lik behandling som andre som har slike avtalar frå før av.

Foto: Lars Os, NRK

Dei har jobba samanhengande med saka sidan dei tok over i mai. Og er skuffa over at arbeidet ikkje har ført fram.

– Me hadde eit håp om å få det til, og når me ikkje får det til er det trist. Det er ingen ønskesituasjon, seier Olsen.

Trass at skiforbundet og Kristoffersen kunne tent godt på avtala, er far og manager Lars Kristoffersen klar på at det ikkje først og fremst handla om det.

– Denne konflikten handlar ikkje om pengar. Det som er viktig er sporten, og å få utvikle seg der. Det beste for Henrik er å vere ein del av landslaget.

Siste nytt

  • Reiser ikke til EM og VM

    Norges Cykleforbund kommer ikke til å sende utøvere til kommende EM og VM i terrengsykling, det skriver de på sin hjemmeside.

    Bakgrunnen for beslutningen er det landslagsledelsen ser på som mangelfulle tiltak rundt smittevern. Blant annet har Det internasjonale sykkelforbundet vedtatt at det skal være frivillig med testing for utøvere og støtteapparat.

    – Sikkerheten til våre utøvere og støtteapparat kommer alltid i første rekke, sier landslagssjef Eddy Knudsen Storsæter.

    WC Terrengsykkel, Val di Sole
    Foto: Norges Cykleforbund
  • Ruud med rankingbyks

    Casper Ruud slår seg solid opp på verdensrangeringen i tennis etter suksessen i Roma. Han har forbedret seg over 100 plasser, og har gått fra nummer 136 til 30 på to år. Dette er hans beste posisjon i karrieren. I Italia tapte nordmannen søndag semifinalen mot verdensener Novak Djokovic med 0-2 (5-7 og 3-6) i sett. (NTB)

    Casper Ruud
    Foto: Riccardo Antimiani / AFP
  • City opna med siger

    Manchester City sesongopna med 3-1 over Wolverhampton i Premier League i kveld. City dominerte stort før pause og scora ved Kevin de Bruyne og Phil Foden.

    Etter pause var Wolverhampton stort sett det beste laget, og Raul Jimenez reduserte, men Gabriel Jesus spikra resultatet fem minutt på overtid.

    Kevin de Bruyne
    Foto: Stu Forster / AFP

Sendeplan

Kl. Program Kanal