NRK Meny
Normal

Aukland og Alsgaard må til Kina

Langløpscupen Ski Classics utvidar med fem nye renn neste sesong. Men langløpslaga veit ikkje om dei vil sende alle mann den lange turen til det kinesiske Vasaloppet midt i sesongen.

Jørgen Aukland vinner Vasaloppet 2013

TIL KINA: Jørgen Aukland er ferdig som skiløpar, men det kan bli Kina-tur som sportssjef i Team Santander. Her frå da han vann Vasaloppet i 2013

Foto: ULF PALM / SCANPIX / SCANPIX SWEDEN

Terminlista til neste års langløpssesong, Ski Classics, blir presentert i Stockholm i ettermiddag. For fyrste gong skal langløparane ut av Europa for å konkurrere om poeng i cupen.

– Det er veldig spennande og eksotisk med skirenn i Kina. Utfordringa er den lange turen og belastninga med tidsforskjell, derfor er me litt skeptiske, seier Jørgen Aukland som har lagt opp og nå er manager for Team Santander.

Redde for å bli sjuk av reisa

Det kinesiske Vasaloppet blei for fyrste gong arrangert i 2003 og har vore ein del av Tour of China, der fleire nordmenn har delteke. Jørgen Aukland har sjølv gått rennet to gonger.

– Det var veldig annleis, men det var mykje snø og veldig kaldt, mellom 20 og 30 minusgrader. Det er lett å bli sjuk av den lange reisa, så me må ta ei vurdering om me kjem til å sende heile laget.

Direktør i Ski Classics, David Nilsson, er glad for utvidinga til eit nytt kontinent

– Det er den største satsinga me har gjort. For oss er det veldig spennande å kome til Kina, ikkje minst med tanke på vinter-OL i Beijing i 2022. Me vil halde fram med å vekse internasjonalt og Kina er verdas største marknad, seier Nilsson.

– Er du redd for at fleire profilar kjem til å droppe rennet?

– Nei, dei beste kjem til å vere der, vil dei vinne Ski Classics må dei delta i alle renn. Om ein kikkar på andre idrettar som idrettar som formel-1 og tennis så er det ikkje uvanleg å reise verda rundt, meiner direktøren.

Hattestad i Kina

VANN I KINA: I 2007 blei det arrangert verdscup i Changchun der Ski Classics kjem i januar. Da vann Ola Vigen Hattestad den klassiske sprinten.

Foto: AP

Algaard: – Mange var slitne i fjor

Thomas Alsgaard er manager for Team Leaseplango, han trur også dei må gjere ei vurdering om kor mange løparar dei vil sende.

– Me må vurdere rennet i Kina opp mot resten av sesongen, det er ein ekstrem reisebelastning. Me må sjå om det er viktig nok å reise dit for å kjempe om poeng samanlagt eller om nokon må skape krefter, seier Alsgaard som uansett garanterer at dei vil stille lag.

Petter Eliassen Ski Classics

REGJERANDE MEISTER: Petter Eliassen vann Ski Classics totalt i fjor framfor Tord Asle Gjerdalen og Johan Kjølstad som her blei slått i austerriske Seefeld.

Foto: Magnus Osth / Ski Classics

Neste sesong uansett enda tøffare enn den føregåande.

– Viss me ser tilbake på førre sesong så var det i grenseland for kva som var fornuftig. Det var veldig mange som var veldig slitne etter den tøffe runden i januar og februar. Nå må me bygge opp eit grunnlag som gjer at me toler ein enda tøffare sesong neste år, seier Alsgaard som understreker at han er positiv til terminlista.

I tillegg til Kina er også Nord-Noreg nytt på programmet.1.april 2017 kjem sirkuset til Reistadløpet i Bardufoss. NRK sender Ski Classics frå neste sesong.

Siste nytt

  • Ingen avklaring rundt Ødegaard

    Martin Ødegaards sesongframtid er fortsatt ikke avklart. Real Madrid-spilleren blir koblet til nederlandske Vitesse.– Ikke noe nytt å melde om, sa Ødegaard-agent Bjørn Tore Kvarme til NTB fredag ettermiddag.

    Martin Ødegaard
    Foto: Berit Roald / NTB scanpix
  • Tap for Mol og Sørum

    Det ble tap for sandvolleyballduoen Anders Mol og Christian Sørum i den siste gruppespillskampen. De tapte 1-2 i sett mot Nederland. Det er duoens første tap på 23 kamper. Tap til tross, det blir semifinale, der venter Tyskland.

    Sandvolleyball, verdenstour.
    Foto: Norges Volleyballforbund / NTB scanpix

Sendeplan

Kl. Program Kanal
NM-veka: Rugby, finale for kvinner
NM-veka: Rugby, kvinner
NM-veka: El-innebandy, finale
NM-veka: El-innebandy
NM-veka: El-innebandy og friidrett
NM-veka: Friidrett
NM-veka: NM i friidrett
Toppidrettsveka: Sprint
Toppidrettsveka
Toppidrettsveka: Sprint
NM-veka: Kveldsmagasin