Avgjorde med 6-1: – Vi har hatt eit enormt press på oss

Patrick Thoresen og SKA St. Petersburg spaserte seg til siger i Gagarin Cup med ein knusande siger 6-1 over AK Bars Kazan i den femte finalekampen.

Patrick Thoresen

Patrick Thoresen kan heve Garagrin Cup for andre gong i karrieren etter 6-1 over AK Bars Kazan i dag (Bilde fra Viasat Sport)

Foto: Viasat Sport

– Dette er stort. Eg har spela på eit lag som har hatt eit enormt press på seg dei siste fire åra. Derfor smakte dette utruleg godt, seier Thoresen til NRK før returen heim til St. Petersburg og gullfeiring utover kvelden og natta.

Bortsett frå glippen med 1-2-tapet i den første heimekampen, har SKA St. Petersburg hatt full kontroll i finaleserien, og vann med 4-1 i sigrar.

– Det var små marginar i alle dei fire første kampane. I dag fekk vi tidleg ei leiing på mange mål. Men likevel er det ikkje avgjort, og du sit med ein nervøsitet til kampen er slutt. Det skal spelast 60 minutt, seier Thoresen.

Han kom ikkje på scoringslista i storsigeren i dag, men har scora to mål tidlegare i finaleserien.

– Stor klubb med stort press

Det er ikkje første gong Patrick Thoresen vinn pokalen i KHL-sluttspelet. I 2011 gjekk han til topps med Salavat Julaev Ufa.

– Er dette større?

– Ja, på den måten at dette er ein større klubb med større press. I Ufa hadde vi ikkje det presset på oss. Samstundes er hockeyen blitt mykje større med sosiale medier og alt det der. Alt blir haussa mykje meir opp, og SKA er kanskje Europas største hockeyklubb. Og då blir det ikkje mykje større enn å vinne med dei, seier Thoresen.

4-0 på eit kvarter

I søndagens bortekamp scora dei fire gonger i kampens første kvarter.

Jimmie Ericsson sende gjestene i leiinga etter berre 1.13 av første periode. Deretter scora i rask rekkefølgje Ilja Kovaltsjuk, Jevgenij Dadonov og Alexej Ponikarovskij.

Resten av kampen vart ein rein transportetappe fram mot cuptrofeet. AK reduserte tidleg i andre periode, men SKA brukte berre 46 sekund på å gjenopprette firemålsleiinga. Kovaltsjuk scora sitt andre i kampen.

5-1 stod seg nesten kampen ut, men Roman Cervenka la på til 6-1 i sluttminuttet.

Vodka og champagne

Deretter kunne Thoresen og lagkameratane hans sleppe jubelen laus. Og feire på russisk.

– Ja, no skal vi feire på russisk måte, det er det ingen tvil om.. Det blir nok litt vodka og champagne i kveld.

– Kva med framtida, er du ferdig i Russland?

– Det tek vi seinare, det tenkjer eg ikkje på i dag. No skal gullet feirast, alt anna er utan betydning i kveld, seier Patrick Thoresen.

Siste nytt

  • Målløst mellom Italia og Portugal

    Portugal holdt Italia til 0-0 borte i UEFAs nasjonsliga i fotball lørdag. Det gjør portugiserne til gruppevinner før siste kamp.

    Sverige slo Tyrkia 1–0 i Tyrkia og tok dermed innpå Russland i sin gruppe.

    Italy Portugal Nations League Soccer
    Foto: Antonio Calanni / AP
  • Svindal operert

    Aksel Lund Svindal har lørdag operert tommelen som han har slitt med de siste dagene etter et fall på trening torsdag.

    Svindal selv annonserte operasjonen på bildedelingstjenesten Instagram. Ifølge ham selv skal han være tilbake på ski etter kort tid.

  • Babylykke for Nestvold-Haugen

    Alpinisten Leif Kristian Nestvold-Haugen ble natt til lørdag far til en ny gutt da kona Marthe fødte parets andre barn.

    Dermed er han klar for sesongens første slalåmrenn i finske Levi søndag. – Alt er bra med hele familien, sier Nestvold-Haugen til NRK.

    SKI-SLO-FIS-CUP-GIANT-SLALOM-MEN
    Foto: JURE MAKOVEC / AFP

Sendeplan

Kl. Program Kanal
V-cup skøyter
V-cup skøyter
V-cup skøyter: 1000 m kvinner
V-cup skøyter: 3000 m kvinner
V-cup skøyter: 5000 m menn
Sesongstart langrenn: 15 km fri teknikk, menn
Sesongåpning langrenn: 15km fri teknikk, menn
Sesongstart langrenn: 15 km fri teknikk, menn
Sesongstart langrenn: 15 km fri teknikk, menn
V-cup alpint: Slalåm 1. omgang, menn
V-cup alpint: Slalåm 1. omgang, menn