– Tenker meir på damer enn skiflyging

Phillip Sjøen har aldri sett utfor ein skiflygingsbakke. Likevel er han langt frå nervøs før debuten. Men romkameraten hevdar noko heilt anna.

Sjøen og Forfang

ROMKAMERATAR: Juniorane Philip Sjøen og Johann André Forfang er begge klare for skiflyging i Vikersund, men er litt ueinige om dei er nervøse eller ei.

Foto: Norges Skiforbund / NTB scanpix

– Eg har sove som ein stein og tenkt meir på damer enn skihopping.

Phillip Sjøen mistar ikkje nattesøvnen før han skal hoppe i verdas største hoppbakke for fyrste gong. 19-åringen har sjølvtilliten på plass før kveldens kvalifisering i Vikersund.

Skal passe perfekt

– Hoppinga mi skal passe bakken perfekt har eg blitt fortalt, så eg er veldig spent.

Går du for verdsrekord?

Johann Andre Forfang

VIL OVER 200: Den ferske juniorverdsmeistaren debuterte i skiflyging i Kulm i januar, no er han klar for ny personleg rekord.

Foto: Bendiksby, Terje / NTB scanpix

Det er jo draumen til alle som stiller til start. Kanskje er det ikkje mogleg i kveld, men viss me får litt sol inn i bakken og fine forhold som det er meldt, kan det vere mogleg, meiner Sjøen.

Romkamerat og fersk juniorverdsmeister, Johann André Forfang, kan røpe at Sjøen er litt meir nervøs enn det han kanskje gjev uttrykk for.

Meir nervøs enn han seier

– Philip har vore litt smånervøs for korleis det kjennast ut å hoppe i ein så stor bakke. Eg har betrygga han litt med at det ikkje er så så annleis som folk vil ha det til. Det er litt lengre unnarenn og litt større fart, seier Forfang som debuterte som skiflygar i Kulm tidlegare denne sesongen.

Då var han alt anna enn roleg.

– Då kjente eg ordentleg på redselen og ikkje på nervøsitet. Eg var skikkeleg redd og sat og skalv på toppen. Men no gler eg meg som ein unge til å hoppe i Vikersund, fortel Forfang som fekk fem hopp under verdscuphelga i austerrikske Kulm i januar.

Saman med Sjøen blei tromsøværingen klar for VM-laget til Falun tidlegare denne veka. No har han mål om nye personlege rekordar i helgas to verdscuprenn.

– Eg håpar å hoppe godt over 200 meter, slår Forfang fast.

Siste nytt

  • Aké er klar for Manchester City

    Nathan Aké blir Bournemouths dyraste sal nokosinne, etter at Manchester City skal ha bladd opp med rundt 475 millionar kroner for den tidlegare Chelsea-spelaren.

    – City har vore det beste laget i England det siste tiåret, og det er ein draum å kome hit. Det er eit topplag fullt av spelarar i verdsklasse, seier Aké.

    Nederlendaren var ein del av Bournemouth-laget som rykka ned frå Premier League førre sesong, men blir ikkje med ned til meisterskapsserien.

    Nathan Aké
    Foto: Andrew Yates / Reuters
  • Kalassiger for Molde

    Molde stoppa ikkje før dei hadde scora fem gongar i onsdagens eliteseriekamp mot Start, som til slutt enda 5–0. To mål kvar frå Ohi Omoijuanfo og Ola Brynhildsen, samt ein scoring frå Magnus Wolff Eikrem sørga for ein kalassiger på Aker Stadion. 5-0 sigeren gjer at Molde er tilbake på vinnarsporet etter tapet mot Sandefjord førre helg.

    Eliteserien fotball 2020, Molde - Start.
    Foto: Svein Ove Ekornesvåg / Svein Ove Ekornesvåg
  • Går mot norsk trenerduell

    Det går mot en norsk trener duell mellom Ståle Solbakken og Ole Gunnar Solskjær i europaligaens kvartfinale. Det er klart etter at FC København vant sin åttendedelsfinale 3-1 sammenlagt.

    Det skjer så lenge ikke Manchester United roter bort femmålsledelsen de har skaffet når de spiller mot LASK senere i kveld.

    København tapte første åttendedelsfinale og måtte vinne på eget gress mot den tyrkiske seriemesteren Istanbul Basaksehir. Laget til Solbakken vant kampen 3-0 etter to scoringer av Jonas Wind og en av Rasmus Falk.

    Ståle Solbakken
    Foto: Str / AP

Sendeplan

Kl. Program Kanal