I dag blir det avgjort kva for 15 skyttarar som får plass i årets Kongelag på Landsskyttarstemnet på Elverum. Følg skytinga direkte her på NRKsport.no frå kl 10.00.
Det er 5-klassingane, det vil seie dei som vanlegvis er dei beste, som skal gjennom si innleiande skyting utover dagen i dag. Ved 18-tida er dei ferdige, og då veit ein kven som skyt på Kongelaget i morgon kl 17.30.
Les:
Men det er alltid sjanse for at nokon av "outsidarane" klarer ein plass i Kongelaget. Desse har skote ferdig sine innleiande 25 skot.
Før 5-klassingane inntek standplassen i føremiddag, er det to 18 år gamle jenter - Tove Ingeborg Hansen frå Heim/Hemne og Eileen Torp frå Rakkestad - som har teke teten. Begge har 246 poeng, og det er truleg godt nok til ein plass på Kongelaget.
Video: Intervju med Hansen og Torp:
- Eg håpar det held. Men det blir nok mykje god skyting i dag, ja, seier Tove Ingeborg hansen frå Heim/Hemne. Ho leier med fleire innertiarar enn Eileen Torp frå Rakkestad.
- Eg har aldri vore så nervøs før. Eg gret før eg gjekk på standplass, seier Torp.
Video: Sjå Knut Jørgen Brodahls 10 skudd
Skyttarkongen (eller dronninga) skal kårast torsdag, og den kan du følgje direkte og eksklusivt (men utan kommentar) på NRKsport.no frå kl 17.30. Du kan også sjå eit samandrag på NRK1 kl 19.30.
