NRK Meny
Normal

Sigve (25) reiste frå Barcelona for å rekke cupkamp – rysta Vålerenga

Sigve Kleppa Christensen var nær ved å bli cuphelt etter at han reiste heim frå bryllaupsførebuingane i Barcelona. Men Vålerenga fekk til slutt ein etterlengta opptur etter ei turbulent veke.

Sigve Kleppa vipper et frispark videre i mål og Vidar utlikner mot Vålerenga

UTLIKNA: Sigve Kleppa Christensen opplevde karriehøgdepunktet da han rysta Vålerenga med utlikning i andre omgangen på Ullevaal.

Laster innhold, vennligst vent..

– Eg scora på Ullevaal, så får me sjå om eg scorar i Barcelona også, ler Sigve Kleppa Christensen.

Han kom rett frå Barcelona-flyet til cupkampen for Vidar mot Vålerenga. 25-åringen var i den spanske byen for å førebu sitt eige bryllaup som skal stå i same by om ni dagar, men den fjerde runden i cupen måtte han få med seg.

– For ein 2.divisjonsspelar får ein mest sannsynleg oppleve slike ting berre ein ting. Å kome til fjerde runde og møte Vålerenga på Ullevaal, smiler Christensen etter kampen.

Vålerenga vant 3-1 over Vidar.

Vidar pressa Vålerenga hardt

Og Vidar som slo ut byrivalen i Viking i førre runde skulle få god nytte av den vordande brudgomen. Vålerenga tok leiinga ved Vajeba Sakor etter 20 minutt, men i den andre omgangen var 2.divisjonslaget absolutt på høgde med Vålerenga som har slite tungt både på og utanfor banen i det siste.

Etter 56 minutt kunne Vidar-leiinga prise seg lukkelege over at dei valde å betale flybillett tur/retur Barcelona-Oslo for Christensen.

Vidar fekk frispark inne på Vålerengas halvdel, ballen er eigentleg for kort men Christensen får foten på ballen og styrer den inn i buret.

Etter det kjempa Stavanger-laget hardt og var fleire gonger nær ved å ta leiinga. Men dei siste minutta blei det for langt. I det 84 minutt kjem Castro med eit perfekt innlegg til Deshorn Brown som plasserer headinga i mål.

Reiser tilbake til Barcelona

På overtid fastesette Simen Juklerød sluttresultatet til 3-1 og dermed er Vålerenga som hadde Christian Grindheim tilbake på banen, i kvartfinalen i cupen. Oslo-laget har berre vore i kvartfinalen ein gong på dei siste seks sesongane.

– Spelemessig er det ikkje tvil om at det beste laget gjekk vidare. Nå har me ein kvartfinale som ligg å ventar på oss i september, og er sikker på at me kan klatre på tabellen nå når me fleire spelarar tilbake frå skade, seier Rekdal til NRK.

Christian Grindheim tilbake

TILBAKE: Etter den siste vekas mediekøyr var VIF-kaptein Christian Grindheim tilbake frå start for Vålerenga.

Foto: Bendiksby, Terje / NTB scanpix

Nå reiser ein skuffa Vidar-spelar rett tilbake til Barcelona.

– Det kunne blitt meir spennande om me hadde heldt dei til 1-1 vegen ut. Nå har eg eitt mål og det er å reise til Barcelona og bli gift. Vidar gjer det bra og eg gjer det bra på privaten så eg er veldig fornøgd, gliser han.

25-åringen tenkjer nå mest på bryllaupstalen.

– Eg satsar på at det går bra, men eg gruar meg meir til talen enn kampen i dag må eg innrømme.

Siste nytt

  • Japan neste for Iniesta

    Barcelona-legenden Andrés Iniesta, 34-åringen som har vunnet 32 titler for den spanske klubben, avslører at japanske Vissel Kobe blir hans nye arbeidsgiver. På Instagram postet han et bilde med eieren av den japanske klubben og skrev: «På vei til mitt nye hjem med min venn».

    Laster Instagram-innhold
  • Schmeichel VM-klar for Danmark

    Danmarks førstekeeper Kasper Schmeichel er kampklar etter å ha vært ute de siste fire kampene for Premier League-klubben Leicester. Dansken har slitt med en ankelskade. Danmark spiller sin første VM-kamp mot Peru 16. juni i Saransk.

    Denmark Panama Soccer
    Foto: Mads Claus Rasmussen / AP
  • Capitals til NHL-finale

    Washington Capitals er klare for NHL-finale mot Vegas Golden Knights etter 4-0-seieren over Tampa Bay Lightning. Svenske André Burakovsky ble den store helten: – Naturligvis føles det bra å få to mål i en sånn kamp, sier Burakovsky til Aftonbladet.

    Capitals Lightning Hockey
    Foto: Chris O'Meara / AP

Sendeplan

Kl. Program Kanal
Sport i dag
Sport i dag