NRK Meny
Normal

Kåra til banens beste etter sitt første mål

10 dagar etter signeringa med Barnsley scora Marcus Pedersen sitt første mål for klubben.

Marcus Pedersen

Marcus Pedersen, her i aksjon mot Southampton i første kamp for Barnsley, scora 2-0-målet i 2-1-sigeren over Huddersfield laurdag.

Foto: Clive Mason / Getty Images

Scoringa kom etter 32 minutt, då Marcus Pedersen la ballen nedst i hjørnet etter eit innlegg frå venstre.

Frå før leia Barnsley 1–0 etter scoring av Chris O'Grady.

Etter pause pressa Huddersfield hardt på for redusering, og etter 61 minutt sette James Vaughan 2–1 i mål bak Barnsley-keeper Scott Wiseman.

Trass i reduseringa heldt Barnsley unna, og vann til slutt 2–1 på Oakwell Stadium.

Kåra til banens beste

Pedersen blei bytta ut etter 75 minutt, men blei likevel kåra til banens beste i Barnsley sin første seriesiger for året.

Scoringa blei Pedersen si første for klubben, etter overgangen frå Vitesse 21. august .

Sigeren sende i tillegg Barnsley over nedrykksstreken i Championship, etter ei knalltøff opning med tre tap og éin uavgjort på dei fire første kampane. Kanskje var Pedersen det som skulle til for å snu ein lei trend?

Marcus Pedersen

Marcus Pedersen blei klar for Barnsley 21. august. I dag scora han sitt første mål då Barnsley slo Huddersfield 2–1.

Foto: Barnsley FC

Siste nytt

  • To mål av Zahid

    Ghayas Zahid scora to mål då Apoel slo Ominia 3-1 i lokaloppgjeret i Nikosia på Kypros i kveld.

    Apoel ligg på fjerdeplass, 6 poeng bak leiande AEK Larnaca men med to kampar til gode.

    Ghayas Zahid
    Foto: FLORIAN CHOBLET / AFP
  • Alle norske kvalifisert

    Alle nordmennene er kvalifisert til opningsrennet i verdscupen i Wisla søndag. Robert Johansson på 10.-plass var best.

    – Dagen ber litt preg av at det er tidleg på sesongen og hopparane har masse å gå på, seier sportssjef Clas Brede Bråthen.

    Laurdag er det laghoppeing i Wisla. Forfang, Fannemel, Tande og Johansson er det norske laget.

  • Lorentzen vann igjen

    Håvard Holmefjord Lorentzen tok sin andre siger for dagen og knuste parkamerat Kai Verbij med 1.08,22. Verbij blei nr 2 med 1.08,47.

    Han vann 500 meter tidlegare i dag.

Sendeplan

Kl. Program Kanal