Ruud møter gammal kjenning i Madrid
Casper Ruud skal opp mot ei gammal kjenning i serbaren Dusan Lajovic i 2. runde av ATP1000-turneringa i Madrid.
Lajovic slo kroaten Borna Coric med siffera 6-3, 4–6 og 6–4 i eit jamt oppgjer. Kampen fekk eit regnopphald på stillinga 4–3 i sett og 30–0 i game til Lajovic.
Dusan Lajovic er rangert som nummer 77 på ATP-rankinga, medan verdssjuar Casper Ruud er femteseeda i prestisjetunge Madrid Open. Masters-turneringa blir spelt på grus.
Ruud har møtt Lajovic tre gonger og vunne alle, sist gong var i ATP-cup i Sydney tidleg i januar.