Ruud i sluttspelthriller – under hardt press frå tre spelarar

Alle har vunne ei turnering den siste månaden, ingen har vore høgare på rankinga enn det dei er no og alle ønskjer ein plass i det prestisjetunge ATP-sluttspelet i Torino. Casper Ruud har innteke førarsetet i eit heftig tennisdrama.

Tennis

TENNISSTJERNER: Cameron Norrie (f.v.), Hubert Hurkacz, Jannik Sinner og Casper Ruud kjempar om plassane i ATP-sluttspelet i sesongen.

Foto: AFP/AP

Det er berre åtte spelarar som får moglegheita til å kjempe om snautt 25 millionar kroner, 1500 rankingpoeng og ein av dei gjævaste titlane til tennissporten.

Seks av plassane er opptekne. Kampen om dei to siste er vidopne.

Færre enn 200 poeng skil Casper Ruud, Hubert Hurkacz, Jannik Sinner og Cameron Norrie når det står att tre turneringar før deltakarlista til Torino blir ferdigstilt. Maksimalt to av dei nemnde skal dit. I tillegg kan Felix Auger-Aliassime og Aslan Karatsev blande seg inn.

– Casper ligg best an poengmessig. Dei andre må prestere. Casper må i grunn berre prestere om dei andre gjer det, seier Discovery+-kommentator Christer Francke.

Han presiserer likevel at det er stor fare for at dei faktisk presterer.

– Alle tre kan gå forbi

– Jannik Sinner er i form og det same er Norrie. Dei kjem nyleg frå imponerande turneringssigrar og dei er gode innandørsspelarar. Alle dei tre kan gå forbi Casper.

Nøkkelen ligg i å samle flest mogleg av dei 1750 poenga som blir delte ut i Wien (500), Paris (1000) og Stockholm (250) dei neste vekene. Alle turneringane blir spelte innandørs på hardcourt.

– Det er ikkje der Ruud har hatt styrken sin, men han har teke mange steg og brote barrierar gjennom heile sesongen. Det er ikkje utenkjeleg at dette er den neste koden han knekk, seier Discovery+-kommentator Sverre Krogh Sundbø – og siktar til innandørs hardcourt, eit dekke som ofte blir rekna som veldig raskt.

Ruud opna med siger 7–5, 7–5 mot Lloyd Harris i Wien. Hans neste motstandar blir vinnaren av torsdagens oppgjer mellom Lorenzo Sonego og Dominik Koepfer.

Norrie opnar mot Marton Fucsovics i Wien onsdag, medan Sinner innleier mot servekanonen Reilly Opelka torsdag.

Den tidlegare noregsmeisteren Francke meiner det er heilt nødvendig å vinne meir enn éin og to kampar dei neste turneringane. Vinn Ruud to matchar i Wien, er det svært sannsynleg at han møter Sinner i kvartfinalen.

– Casper er betre utandørs, men Sinner er heilt klart ein betre innandørspiller. Det er noko som klikkar for han når han kan gå inn og det er same forhold på begge sider på nettet. Han slår litt flatare og litt meir kontant. Han har perfekt stil for innandørstennis, seier Francke.

Murray med hjelpande hand

– Han slår ballen veldig reint frå djupt i bana. Han flyttar seg veldig bra, er god i returspelet og innandørsbanar ser ut til å passe han. Det verkar som han likar det, sa tennislegenda Andy Murray om italienaren etter å ha slått Hurkacz i 1. runde.

Hurkacz er med andre ord ute av kampen om poeng i den austerrikske hovudstaden. Murray var glad for å kunne gi ei handsrekking til britiske Norrie.

– Hurkacz må finne på noko i Paris. Dei som gjer ei god turnering der, vil ha store sjansar for å knipe ein av dei siste plassane, seier Francke.

Dommen til ekspertane:

Casper Ruud (22)

APTOPIX San Diego Tennis

SAN DIEGO: Casper Ruud tok den femte tittelen i sesongen på USAs vestkyst, den første på hardcourt.

Foto: Derrick Tuskan / AP

Nasjonalitet: Noreg

Ranking: 8

Poeng sidan 1. august: 995

Styrke: – Casper er veldig god til å vinne jamne kampar. Han har vunne veldig mange kampar på tre sett. Han er sterk mentalt og sterk fysisk, meiner Francke.

Svakheit: – Ruud har spelt veldig mange kampar. Det blir spennande å sjå korleis han slår tilbake etter å ha vore i sitt livs form. Spelar ein så mykje tennis, blir det kraftige belastningar, seier Krogh Sundbø.

Høgdepunkt i 2021: Tre turneringssigrar på tre strake helgar i ATP 250-turneringar. Vann tidlegare Genève Open (250). Vann sin første hardcourt-turnering i september, det óg på 250-nivå. Representerte Europa-laget i Laver Cup.

Hubert Hurkacz (24)

HH

METZ: Hubert Hurkacz vann ATP 250-turneringa i Metz i slutten av september. Hans største triumf kom tidleg i sesongen, då han vann Masters 1000-turneringa i Miami føre Jannik Sinner.

Foto: Jean-christophe Verhaegen / AFP

Nasjonalitet: Polen

Ranking: 10

Poeng sidan 1. august: 790

Styrke: – Har potensial til å levere mange serve-ess, men viss han først er sikta inn, så er han òg farleg i dei lengre duellane. Spelar med tyngd, seier Krogh Sundbø.

Svakheit: – Stabiliteten. Han har vore veldig varierande og ustabil i 2021, held kommentatoren fram.

Høgdepunkt i 2021: Siger i Masters 1000-turneringa Miami Open, og dessutan to 250-turneringar. Alle tre på hardcourt.

Jannik Sinner (20)

JS

ANTWERPEN: Jannik Sinner lada opp til Wien med siger i ATP 250-turneringa i Belgia sist veke. Det var den fjerde single-tittelen hans i 2021.

Foto: Kristof Van Accom / AFP

Nasjonalitet: Italia

Ranking: 11

Poeng sidan 1. august: 1380

Styrke: – Han er ein spelar som til tider kan sjå ganske utilnærmeleg ut. Han har teke minst like store steg som Ruud. Det han leverte i Antwerpen var heilt vanvitig, seier Krogh Sundbø.

Svakheit: – Sinner sleit ein periode midtvegs i sesongen med spelarar som legg trykk på han. Det blir interessant å sjå korleis han står i mot når nokon set ekstra tempo på ballen.

Høgdepunkt i 2021: Siger i 500-turneringa i Washington. Tre sigrar i 250-turneringar i Australia, Bulgaria og Belgia, og dessutan eit finaletap i Miami Open (Masters 1000). Alle på hardcourt.

Cameron Norrie (25)

Tennis: BNP Paribas Open-Day 14

INDIAN WELLS: Cameron Norrie har klatra jamt og trutt på rankinga i 2021. Hans definitive gjennombrot kom i Masters 1000-turneringa Indian Wells, der han vann over Nikoloz Basilashvili i finalen. Veka før vart han senka av Ruud i San Diego.

Foto: Jayne Kamin-oncea / Reuters

Nasjonalitet: Storbritannia

Ranking: 14

Poeng sidan 1. august: 1270

Styrke: – Har vunne det som er å vinne den siste tida og er ein strålande hardcourt-spelar, seier Krogh Sundbø.

Svakheit: – Eg er litt meir usikker på Norrie. Han spelar med ein ganske flat backhand som kan vere ganske risky, supplerer Francke.

Høgdepunkt i 2021: Siger i Masters 1000-turneringa i Indian Wells og 250-turneringa i Los Cabos. Begge på hardcourt.

Sportsnyheter

Denne hendelsen skapte debatt – nå vurderer FIDE å endre regelen

Det vekket oppsikt da Magnus Carlsen tirsdag rørte en brikke uten å flytte den. Det internasjonale sjakkforbundet (FIDE) erkjenner at den omstridte regelen også har blitt diskutert på bakrommet.

Pique

Barcelona-trenaren etter meisterliga-fadesen: – Eg er sint

Det spanske laget skal ikkje spele sluttspel i Meisterligaen for første gong på 17 år. – Vi må starte heilt frå scratch, seier Xavi Hernanez.

Siste nytt

  • Johnsen sluttar i Eik Tønsberg

    Ronny Johnsen har gitt Eik Tønsberg beskjed om at han ikkje vil halde fram som trenar i klubben. Årsaka er at han ikkje vil halde fram i den nye organieringa som styret har vedteke.

    Det melder klubben sjølv på sine nettsider.

    Johnsen har dei to siste åra leia eit trenarteam på tre personar. Styret vil ha ein modell med færre trenarar.

    Han har også vore sentral i prosessen med samanslåing av Eik Tønsberg og FK Tønsberg. Klubben var to poeng unna opprykk til 2. divisjon i år.

    To profilar har dermed forlate Tønsberg-fotballen i løpet av kort tid. Etter sesongslutt måtte John Arne Riise slutte som trenar i Flint.

    Ronny Johnsen
    Foto: Terje Pedersen / NTB
  • Tottenhams kamp likevel utsett

    Det var i dag tidleg full forvirring om Tottenhams serieligakamp mot Rennes. Men omsider stadfesta UEFA at kampen er utsett, skriv The Independent.

    Tottenham har minst åtte spelarar ute med koronasmitte, og sende i går kveld ut melding om at kampen var utsett.

    Men det protesterte Rennes sterkt på, og skulda Tottenham for «manglande fair play.»

    UEFA slo i dag tiidleg fast at kampen likevel skal spelast i kveld.

    – Kampen går som planlagt, skreiv UEFA i ei kort melding torsdag morgon.

    Men etter eit par timar kom kontrabeskjeden: Kampen skal likevel utsetjast.

    Det er uklart når kampen kal spelast. Reglementet krev at alle gruppekampane må vere spela seinast 31. desember. Men Tottenham har ikkje ledige datoar før den tid, på grunn av ligacup og det tette juleprogrammet i ligaen.

    Tottenham må vinne for å vere sikker på avansement, medan Birger Melings Rennes allereie er gruppevinnar.

    Tottenham har stengt treningsarenaen inntil vidare, og har også søkt Premier League om å få utsett kampen mot Brighton søndag.

    Tottenham Stadium
    Foto: TONY OBRIEN / Reuters
  • Poengstraff for flaskekasting

    Fotballklubben Lyon blir trekt eitt poeng i den franske toppligaen etter at ein supporter kasta ei flaske på Marseille-spelar Dimitri Payet førre månad.

    Hendinga skjedde berre eitt minutt ut i Ligue 1-oppgjeret mellom Lyon og Marseille. Payet skulle ut for å ta eit hjørnespark då ei flaske trefte han i hovudet.

    Han gjekk deretter i bakken før han vart behandla av medisinsk personell. Marseille-spelarane nekta å spele vidare, og kampen vart avbroten.

    Berre dagar seinare vart det stadfesta at kastaren vart dømd til seks månader fengsel på vilkår, i tillegg til at Lyon måtte spele éin kamp for tomme tribunar.

    Onsdag opplyste disiplinærkommisjonen i den franske ligaen at dei trekkjer Lyon eitt poeng.

    Dimitri Payet
    Foto: BENOIT TESSIER / Reuters

Sendeplan

Kl. Program Kanal