Russland vil utestenge doparar på livstid

BISLETT (NRK): Det russiske friidrettsforbundet tar grep for å forhindre framtidige dopingskandalar. Det er ikkje nok, meiner NRKs friidrettsekspert.

Anna Tsjitsjerova

DOPINGSMELL: Anna Tsjitsjerova, som tok bronse i høgde under OL i London, skal vere ein av utøvarane som er tatt for å vere dopa under leikane. No varslar Det russiske friidrettsforbundet tiltak for å fjerne utøvarar som blir tatt i doping.

Foto: ANTONIN THUILLIER / Afp

– Det russiske friidrettsforbundet vil ikkje sende utøvarar som har vore utestengt for doping til noko friidrettsmeisterskap i framtida. Det gjeld både OL, VM og EM, seier presidenten i Det europeiske friidrettsforbundet, Svein Arne Hansen.

Den russiske dopingskandalen som har rysta idrettsverda ser ikkje ut til å ta slutt.

Hansen

VIL INFØRE GIGANTSTRAFF: President i Det europeiske friidrettsforundet, Svein Arne Hansen, meiner det er svært sannsynleg at han får gjennomslag for åtte til ti års utestenging av dopingtatte utøvarar under Det internasjonale friidrettsforbundets kongress i 2017.

Foto: Ruud, Vidar / NTB scanpix

Tysdag offentleggjorde den russiske TV-kanalen Match ei liste med 14 utøvarar som var dopa under OL i Beijing. Elleve av dei er russiske friidrettsutøvarar.

For å få slutt på høgdehopparar, lengdehopparar og løparar som juksar seg til triumf vil Det russiske friidrettsforbundet no kreve at alle utøvarar signerer ei kontrakt, fortel Hansen.

– Alle må skrive under på at dei ikkje får delta i meisterskap dersom dei får dopingstraff, seier friidrettspresidenten.

Han applauderer tiltaket.

– Vi har ingen sympati for dei som skadar idretten med å jukse, seier Hansen.

Rodal: – Usikker på motivet

NRKs friidrettsekspert, Vebjørn Rodal, mistenker forbundet for å handle raskt for å rekke årets EM og OL, som kritikarane meiner Russland bør utestengast frå.

– Eg er usikker på motivet. Om det er eit kortsiktig tiltak for å kunne delta på EM og OL i sommar, seier Rodal.

– Slik det er no er det ikkje nokon grunn til å stole på russarane i antidopingarbeidet. Dei må vise forbedring gjennom fleire andre tiltak, som uanmeldt testing utanfor konkurransesituasjon i eit regime som ikkje er korrupt, legg Rodal til.

– Gigantstraff frå 2018

President Hansen oppfordrar heile Europa til å gjøre som Russland.

Friidrettspresidenten vil også ha åtte til ti års utestenging for doparar, og trur eit slikt regelverk vil bli gjeldande frå januar 2018.

Vebjørn Rodal

USIKKER: Vebjørn Rodal er usikker på Det russiske friidrettsforbundets motiv.

Foto: Lars Erik Skjærseth / NRK

– Eg kjem til å jobbe veldig hardt for at vi går inn for åtte eller ti års straff for førstegangsbrotsverk under kongressen i London neste år, seier Hansen.

– Kor stor er sjansen for å få gjennomslag for dette?

– Det er svært sannsynleg med det sinnet som no er hos alle reine utøvarar i verda.

– Kjem dette ein konsekvens av alt som har skjedd i russisk friidrett?

– Det er konsekvensen av at vi ikkje får til utestenging på livstid. Vi har forsøkt å få til det, men får ikkje lov av Idrettens Voldgiftsrett (CAS). Livstidsutestenging bryt med menneskerettigheitene.

– Men CAS kan ikkje uttale seg om vi har åtte eller ti års utestenging. Det er jo bevist i fleire undersøkningar at desse dopingmidlane sit i kroppen i lengre enn to til fire år, seier Hansen.

– Er du bare ein flink nordmann som kjem frå flinke Norge når du kjem med slike forslag? Er alle einige med deg?

– I dag trur eg dei fleste er einige om dette. Men det er klart at ein ser ulikt på doping i forskjellige land i verda.

Siste nytt

  • Sørloth framleis mållaus

    Alexander Sørloth spela det siste kvarterte for Leipzig, men det hjelpte ikkje. Leipzig tapte 0-1 for Paris St. Germain. Neymar scora målet etter 11 minutt, og Sørloth har framleis ikkje scora for sin tyske klubb.

    Leipzig har seks poeng, like mange som PSG, og møter botnlaget Istanbul Basaksehir i neste veke.

    Paris Saint-Germain
    Foto: Franck Fife / AFP
  • Gullballen til Zlatan for 12. gong

    Zlatan Ibrahimovic (39) har fått den svenske Gullballen for 12. gong. Chelsea-spelaren Magdalena Eriksson fekk Diamantballen for aller første gong under ein seremoni i kveld.

    Zlatan, som no spelar for AC Milan, har ikkje fått denne utmerkinga sidan 2016, året då han gav seg på landslaget.

    Eriksson (27) er kaptein på Chelsea, som tok ligagull i England i år. Ho har også 60 landskampar bak seg.

    Prisane er det Aftonbladet og det svenske fotballforbundet som står bak.

    Zlatan Ibrahimovic
    Foto: Ciro De Luca / Reuters
  • Chelsea avanserte i mesterligaen

    Chelsea og Sevilla kvitterte ut de to første billettene til mesterligaens cupspill med hver sin borteseier tirsdag. Begge avgjorde på overtid.

    Rennes utlignet til 1-1 mot Chelsea fem minutter før slutt og så ut til å utsette feiringen både for London-klubben og Sevilla iallfall en uke. Men på overtid nikket innbytter Olivier Giroud inn vinnermålet og ordnet avansement for begge tetlagene i gruppa.

    France Soccer Champions League
    Foto: David Vincent / AP

Sendeplan

Kl. Program Kanal