Russland vil premiere utestengde OL-utøvarar

Det er det russiske fondet for støtte til russiske olympiarar som vil finne økonomiske middel til dei utøvararne som vart utestengd frå OL i Rio de Janeiro.

Den russiske statsministeren Dimitrij Medvedev bekrefta dette i eit møte med det russiske OL-laget, i følge Tass.ru.

Offroad-bilar til medaljevinnarane

Men dei som var med i OL og vann medalje, skal også bli rikelig lønna. Medvedev har gitt samlege medaljevinnarane nøklar til splitter nye BMW offroad-bilar.

– Dette er so fantastisk at de tok landet vårt til fjerdeplass på medaljestatistikken, og med det kopierte resultatet frå OL i London, skal Medvedev ha sagt til utøvarane, ifølge det russiske nyheitsbyrået.

Statsministeren tok også opp den vanskelege situasjonen Russlands OL-lag har vore i etter at Wada-rapporten som avslørte systematisk doping i landet, blei lagt fram tidlegare i sommar.

– De har prestert dette trass i dei utruleg vanskeleg tilhøva, og under stort press på heile landslaget, heile sporten, og heile nasjonen, sa han til utøvarane.

– Den rette avgjerda

Medvedev poengterer at ingen russarar skulle ha vore utestengd frå leikane, og at å gje dei kompenasjon for dette er det einaste rette å gjere.

– Utan denne urettferdige utestenginga, hadde dei teke mange medaljar i Rio. Å gje dei pengar er den einaste rette avgjerda.

Russland tok totalt 56 medaljar i OL, derav 19 gull. Heile den russiske friidrettstroppen med unntak av Darja Klisjina vart utestengd. Totalt 271 russiske utøvarar stilte til start i Rio, medan 118 vart utestengde.

Den russiske statsministeren hylla alle dei russiske utøvarane som kom til Rio, og meiner at resultata i OL distanserar dei frå dopinganklagane.

– Resultata deira viser at våre sigrar ikkje har noko med doping eller andre synder, som nokon heile tida prøver å tillegge oss.