Ajer-skryt etter Rosenborg-exit

TRONDHEIM/OSLO (Rosenborg-Celtic 0-0, 1–3 samanlagt): – Han kjem til å bli ein viktig spelar for Norge dei neste 10–15 åra.

Champions League-kvalifisering 2018: Rosenborg - Celtic.

PROFILAR: Rosenborg-angriparen Nicklas Bendtner i duell med Celtic sin norske midtstoppar Kristoffer Ajer.

Foto: Ole Martin Wold / NTB scanpix

Laster innhold, vennligst vent..

Det seier Celtic-manager Brendan Rodgers etter 0-0-kampen på Lerkendal onsdag kveld. Rodgers siktar til sin eigen norske midtstoppar Kristoffer Ajer, som var sterk delaktig i at Celtic ikkje sleppte inn mål mot dei regjerande norske meistrane.

– Ajer kjem til å bli ein spelar av topp klasse. Framtida hans er stor. Ajer er høg og god med ballen. Men han treng framleis erfaring, sa Rodgers etter kampen.

Og la smilande til at han er glad 20-åringen nyleg har signert ein ny kontrakt med dei regjerande skotske meistrane.

Det kan også bli meisterligaspel på laget frå Glasgow i hausten. For etter 3–1 samanlagt mot Rosenborg er Celtic klare for tredje kvalifiseringsrunde.

Brendan

VIDARE: Celtic og Brendan Rodgers.

Foto: Ole Martin Wold / NTB scanpix

– Heiderleg forsøk

Trønderane spelte slett ingen dårleg returkamp, men makta aldri å finne nettmaskene.

Rosenborg måtte vinne 2–0 eller meir for å ta seg vidare til den tredje av fire kvalifiseringsrundar i meisterligaen.

Og utan mål var altså Rosenborg i realiteten aldri nær avansement.

– Det hadde blitt spennande om vi fekk eit tidleg mål i dag, men det gjorde vi ikkje, sa Marius Lundemo til NRK etter kampen.

– Irriterande

Rosenborg var det klart beste laget i første omgang. Celtic skapte på si side ikkje noko som helst.

Alexander Søderlund (etter 20 minutt), Tore Reginiussen (37) og Marius Lundemo (på overtid) fekk ganske gode sjansar til å score. Lundemo var nærast med si heading, men Celtic-keeper Craig Gordon redda fint.

– Eg veit ikkje om eg skal seie at den bør sitje, men det var ein stor sjanse, seier Marius Lundemo.

Champions League-kvalifisering 2018: Rosenborg - Celtic.

SJANSE: Marius Lundemo var nær å heade Rosenborg i leiinga på overtid i første omgang.

Foto: Ole Martin Wold / NTB scanpix

Nøgd med forsvarsspelet

Celtic var langt meir dominerande i andre omgang enn før pause. Edouard skapte ein stor sjanse for Celtic allereie minuttet etter pause.

Rosenborg fekk til ein del brukbare angrep også denne omgangen, men dei skapte ingen sjansar som sette Craig Gordon på dei heilt store prøvane.

Det var derfor ingenting å seie på at det er Celtic som etter to kampar sikrar seg billett til tredje kvalifiseringsrunde i meisterligaen.

– Rosenborg gjekk ut i høg intensitet og spelte godt. Men eg er nøgd med korleis vi forsvarte oss. Og ikkje minst med at dei unge midtstopparane våre klarte seg godt, sa Celtic-manager Brendan Rodgers på pressekonferansen etter kampen.

Og ein av dei to stopparane er altså norske Kristoffer Ajer.

– Eg synest vi spelte ein god bortekamp. Rosenborg skapte veldig lite på oss, sa Ajer sjølv til Eurosport.

20-åringen debuterte på det norske a-landslaget i vinter og står med fire kampar så langt.

NB. Sjølv om Rosenborg er ute av meisterligaen er dei ikkje ute av Europa heilt enno. Dei går no nemleg inn i tredje kvalifiseringsrunde til Europaligaen. Der skal dei møte irske Cork.

Birger Meling

UTE: Birger Meling og Rosenborg er ute av meisterligaen.

Foto: Ole Martin Wold / NTB scanpix

Siste nytt

  • Norsk keeper til Allsvenskan

    Den norske keeperen Mathias Dyngeland melder overgang fra Sogndal til svenske Elfsborg. Han har skrevet under på en kontrakt som strekker seg ut 2023. 24-åringen har vært Sogndals førstekeeper siden han debuterte i Eliteserien i 2014.

    Eliteserien i fotball 2017: Lillestrøm - Sogndal
    Foto: Fredrik Hagen / NTB scanpix
  • Deschamps «tar ein Lagerbäck»

    Den franske landslagssjefen Didier Deschamps (51) gjer som Lars Lagerbäck forlenga kontrakten til VM i 2022, opplyser nyheitsbyrået AFP.

    Han har leia laget sidan 2012, og førte Frankrike til VM-gull i 2018. Som spelar og kaptein leia han landet til VM-gull på heimebane i 1998.

    Den nye kontrakten vil gjere Deschamps til den som har site lengst som fransk landslagssjef nokosinne.

    deschamps
    Foto: Gabriel Bouys / AFP
  • IBU avventar Russland-tiltak

    Det internasjonale skiskyttarforbundet, IBU, vil vente litt med å avgjerd kva reaksjonar dei vil innføre overfor Russland etter Wadas-avgjerd om utestenging.

    – IBU granskar Wada-vedtaket i høve til skiskyting og skal foreslå prosedyrar og retningslinjer som IBU kan implementere når og om Wadas utestenging blir gjeldande, skriv IBUs kommunikasjonssjef Christian Winkler til NRK.

    – Vi ventar også at Wada kjem med nærmare retningslinjer for internasjonale særforbund når det gjeld prosessar for å diskutere om russiske utøvarar kan få konkurrere, og eventuelt under kva slags vilkår, legg Winkler til.

    IBU World Biathlon Championships
    Foto: Tt News Agency / Reuters

Sendeplan

Kl. Program Kanal