Ronaldo tangerte Hegerberg som europeisk toppscorar med utruleg brassespark

Cristiano Ronaldos 2-0-mål går inn i historia som kanskje den vakraste av alle hans mange scoringar.

Cristiano Ronaldo

RONALDOS VAKRASTE? Ronaldo får fulltreff med sitt vakre brassespark og viser kven som er best. Han scora to og hadde ein assist i 3-0-sigeren

Foto: ALBERTO PIZZOLI / AFP

Laster innhold, vennligst vent..

Cristiano Ronaldo knuste Juventus i første kvartfinalen i meisterligaen, og Real vann 3–0 etter ei oppvisning av dei sjeldne i Torino. Ronaldo scora to av måla, og tangerer dermed Lyons Ada Stolsmo Hegerberg::

Laster Twitter-innhold

Begge har scora 14 mål i europeiske klubbturneringar denne sesongen.

Det var Ronaldo opp og Ronaldo i mente i regnvêret i Torino i kveld. Han hadde to mål og ein målgivande, og var involvert i nesten alt i Reals massakre av heimelaget.

– Cristiano er ein spelar som berre vil ha meir og meir og meir. Eg er så glad for at det er oss han spelar for, sa Reals trenar Zinedine Zidane til Viasport.

Om Ronaldos 2-0-mål var Real-trenaren nøktern.

– Brassesparket hans var ekstremt. Men han bomma på to mykje lettare sjansar. Slik er fotball, sa Zidane.

Før kveldens kamp hadde ikkje Juventus tapt på heimebane i europeisk samanheng sidan 2013.

Hans aller vakraste?

Cristiano Ronaldo har scora i alle ni Real-kampane i meisterligaen denne sesongen, og totalt i ti på rad. Det har ingen andre gjort før.

Laster Twitter-innhold

Kveldens første kom før det var spela tre minutt mot Juventus. Isco gjekk til dødlinja og la inn. Der stod Juventus' midtforsvar stille og let Ronaldo skyte på direkten i motsett hjørne.

19 minutt etter pause leverte han dagens suverene høgdepunkt. Etter at alle trudde angrepet var over og Juventus hadde rydda opp, slo Ronaldo til med eit nesten umogeleg brassespark, og 2–0. Ei heilt ufatteleg scoring sjølv etter Ronaldo-målestokk.

Då fekk portugisaren ståande applaus også frå heimepublikum.

Raudt kort

Rødt kort Paulo Dybala

RAUDT: Paulo Dybala får sitt andre gule og må gå av bana på ein svart kveld for Juventus

Foto: JAVIER SORIANO / AFP

Måla var Ronaldos scoring nummer 118 og 119 i meisterligaen. I kvartfinalar åleine har han scora 22.

I tillegg hadde Real to i tverrliggaren. Både Tony Kroos og Mateo Kovacic trefte tverra.

Ronaldo var også involvert i det tredje, som Marcelo var sist på.

Og for å gjere den vonde kvelden endå verre for Juventus, fekk Paulo Dybala sitt andre gule kort midt i andre omgang. Juventus måtte avslutte med ti mann, og Dybala får ikkje vere med i Madrid neste veke.

Laster Twitter-innhold
Laster Twitter-innhold

Siste nytt

  • LSK vant målrik serieåpning

    LSK Kvinner var på vei mot et svært overraskende tap hjemme mot Kolbotn i sesongåpningen. Så våknet den regjerende mesteren og snudde til 4-3-seier. Med 23 minutter igjen å spille var det gjestene Kolbotn som ledet 3-1, så kviknet LSK til. Først reduserte Guro Reiten til 2–3 etter 73 minutter, og deretter utlignet Emilie Haave to minutter senere. Ett minutt før slutt var snuoperasjonen komplett da Reiten satte inn sitt andre mål for dagen da hun scoret på straffe.

    Guro Reiten
    Foto: Terje Pedersen / NTB scanpix
  • Gangnes blir servicemann

    Kenneth Gangnes måtte gi seg på landslaget før jul på grunn av skade, nå blir han landslagets nye servicemann. Gagnes tar over for østerrikeren Thomas Hörl, som gir seg etter ni år.

    – Det blir gøy å være med og bidra på en litt annen måte enn å hoppe selv, sier Gangnes.

    Kenneth Gagnes
    Foto: Frode Søreide / NRK
  • TV 2: Ødegaard starter mot Spania

    Martin Ødegaard får sjansen fra start borte mot Spania, skriver TV 2. Mohamed Elyounoussi, som ikke har hatt tillit i Southampton, henvises dermed til benken, ifølge kanalen. TV 2 melder at Lars Lagerbäck har tatt ut følgende lag: Rune Almenning Jarstein - Omar Elabdellaoui, Kristoffer Vassbakk Ajer, Håvard Nordtveit, Haitam Aleesami - Stefan Johansen, Markus Henriksen, Ole Selnæs, Martin Ødegaard - Joshua King, Tarik Elyounoussi.

    Ødegaard
    Foto: Stian Lysberg Solum / NTB scanpix

Sendeplan

Kl. Program Kanal