Romøren tilbake i hoppmiljøet: – Det har vore drittøft

Tysdag var Bjørn Einar Romøren (39) tilbake i hoppmiljøet for første gang på over eitt år. Landslagshopparane fleipar med at den «dårlege humoren» er tilbake i laget.

Bjørn Einar Romøren

SMILER: Bjørn Einar Romøren var tysdag tilbake i hoppmiljøet for første gang på over eit år.

Foto: Andreas Hagen / NRK

– Det siste året har vore lærerikt. Og det har vore drittøft. Men så lenge eg står her i dag, føler meg frisk og har eit bra system rundt meg som eg ikkje har klart å øydelegge i sjukdomstida, så er eg ekstremt takknemleg, seier Romøren til NRK.

Iført kaps og hopplandslagets treningsdrakt møter han NRK på Lillehammer der landslaget har treningsleir.

– Koseleg og spanande

Sommaren 2019 fekk den tidlegare landslagshopparen påvist kreft. Han har vore gjennom ei tøff behandling. Han er kreftfri, men må gå jamleg til kontroll i ti år framover.

Det er ein opptur å møte den gamle gjengen.

– Det er veldig koseleg og samstundes spanande. Eg har akkurat sagt hei til halvparten av laget og fått i meg mat. Seinare skal eg snakke med hopparar og partnarar. I tillegg får eg sjå litt hopping. Det blir gøy, seier Romøren.

Samtidig som han blei ramma av kreft, blei Romøren far for andre gang.

Han er i pappaperm fram til 5. oktober. Deretter er planen å kome tilbake i jobben i Noregs Skiforbund som marknadssjef for hopplandslaget.

Bjørn Einar Romøren 2

HELSING: Bjørn Einar Romøren skal i løpet av hausten tilbake i jobben hos Skiforbundet. Tysdag møtte han Halvor Egner Granerud og landslaget på Lillehammer.

– Viktig for dei unge

Sportssjef Clas Brede Bråthen er glad for å ha Romøren tilbake i miljøet.

– Det er ingen tvil om at vi har sakna Bjørn Einar. Det blir bra å få kunnskapen, kompetansen og ikkje minst personen tilbake, seier Bråthen til NRK.

Landslagssjef Alexander Stöckl seier Romøren si erfaring er viktig for laget.

– Han har vore ein viktig person i mange år. Både som idrettsutøvar og som marknadssjef. Han har gjort ein kjempejobb der. Alle våre sponsorar han har vore i kontakt med har vore ekstremt nøgde.

– Erfaringa hans som idrettsutøvar hjelper dei unge utøvarane våre å ta rette val. Han er ein fantastisk person. Ein morsom kar som vi har sakna. Det blir kjempestas å få han tilbake, seier landslagstrenaren.

Framleis ikkje normalt

Hopparane på landslaget har tidlegare uttrykt sin støtte i løpet av sjukdomsperioden. Miljøet har vore prega, fortel Johann Andre Forfang.

– Det var sjølvsagt eit sjokk for alle då han fekk kreft og var ute av miljøet. Han har bidrege veldig godt inn i gruppa. Vi har merka at han har vore borte. Han er ein gledesspredar. Det blir utruleg godt å få han tilbake, seier Forfang, og fleipar med at det heretter vil bli «mykje dårleg humor» på laget no som Romøren er tilbake.

– Vi flirer jo, så det er ein lun og god humor. Det er aldri stille rundt han. Han lar «kakla» gå. Og det er gøy, smiler Forfang.

Samstundes som Romøren føler seg frisk, understrekar han at kroppen framleis treng tid.

– Eg føler at livet framleis ikkje er normalt. Det er også sjølvsagt på grunn av situasjonen i resten av verda.

– Men eg har vore veldig sjuk, og har ikkje kome meg tilbake til normalen enno. Eg nyt å vere i pappaperm. Og etter å ha fått to sånne arvingar i hus, kjem livet uansett aldri til å bli normalt igjen, smiler Romøren, klar til å ta fatt på livet att.

Den tidligere verdensrekordholderen forteller om kreftsykdommen han har vært gjennom.

Siste nytt

  • Bernardo-volley i City-seier

    Et volleyskudd fra øverste hylle signert Bernardo Silva ble vinnermålet da Manchester City vant 2-1 over Aston Villa og holdt tritt med serieleder Chelsea.

    City dominerte bortekampen fra start og ledet 2-0 ved pause før Ollie Watkins skapte ny spenning med et reduseringsmål. En utligning maktet ikke Steven Gerrards menn å få inn, og dermed tok tettrioen i Premier League tre poeng hver.

    Chelsea vant i likhet med City 2-1 på bortebane (mot Watford), mens Liverpool seiret 4-1 i byderbyet mot Everton. Chelsea topper tabellen ett poeng foran City og to foran Liverpool.

    Britain Soccer Premier League
    Foto: Rui Vieira / AP
  • Salah i toppform – 4-1 i byderbyet

    Premier Leagues toppscorer Mohamed Salah leverte to mål da Liverpool banket Everton 4-1 i byderbyet onsdag.

    Med «kun» ett mål på de tre foregående kampene var Salah tilbake og scoret sitt 12. og 13. mål for sesongen. Han har fire mål ned til Jamie Vardy på toppscorerlista i Premier League for øyeblikket.

    Jordan Henderson og Diogo Jota satte de to andre Liverpool-scoringene, mens Demarai Gray satte Evertons ene.

    Både Chelsea og Manchester City gjorde jobben, så det betyr at de rødkledde stadig er to poeng bak Chelsea og på tredjeplass. Den nevnte trioen har nå sju poeng ned til neste lag (West Ham) på tabellen.

    Mohamed Salah
    Foto: PAUL ELLIS / AFP
  • Watford skapte trøbbel for Chelsea

    Chelsea slet seg til 2-1-seier i Premier League-kampen mot Watford etter at oppgjøret ble midlertidig stanset på grunn av en hendelse på tribunen.

    Kampen ble stoppet på stillingen 0-0 i det 13. minutt på grunn av at en tilskuer fikk akutte helseproblemer. Spillerne ble sendt i garderoben. Etter omkring 30 minutter ble kampen satt i gang igjen.

    Etter det sendte Mason Mount Chelsea i føringen, men Emmanuel Dennis utlignet like før pause. Hakim Ziyech ble matchvinner for Chelsea snaut 20 minutter før slutt i det som ble en kamp utenom det vanlige i Watford.

    Britain Soccer Premier League
    Foto: Mike Egerton / AP

Sendeplan

Kl. Program Kanal