NRK Meny
Normal

Ufin språkbruk og spytting kan gi lagleiinga kort

Er du trenar og kastar vassflaska på ein farleg og aggressiv måte under kampen? Eller spyttar du? Då vankar det raudt kort og tribuneplass.

Dommerkrangel

KJEFTING: Det er slike scener dei nye kort-reglane skal få bort

Foto: JOHN SIBLEY / Reuters

Det er iallfall det dei skal prøve ut i Australia. Frå denne helga skal dommarane dele ut gule og raude kort for oppførselen til trenarar og andre lagleiarar, på same måten som til spelarane, melder det australske fotballforbundet (FFA).

– Det vil hjelpe publikum og tv-sjåarar betre til å forstå problema som dommarane møter kvar einaste veke, og gi dommarane respekt, seier sjefen for A-league, Greg O'Rourke.

Gult for sarkastisk klapping

Dommerkrangel

KJEFTING: Det er slike scener dei nye kort-reglane skal få bort

Foto: JOHN SIBLEY / Reuters

Fornærmingar og spytting eller å gå inn i motstandarens tekniske område «på ein konfronterande måte» er også mellom det som skal kvalifisere til raudt kort og bortvising frå lagleiarbenken.

Å kaste vassflaske for å vise usemje, sarkastisk klapping for dommaravgjerder eller å gestikulere på ein provoserande eller hånande måte er mellom syndene som gir gule kort.

– Det skal gi ei klar melding om at det ikkje er akseptabelt å oppføre seg dårleg mot dommarar og motstandarane sin benk. Slik oppførsel skal få konsekvensar, seier O'Rourke.

Først også med VAR

FFA har fått løyve frå IFAB – organisasjonen som fastset reglane for fotball – til å prøve ut dei nye kort-reglane i ein liga på toppnivå.

Det var også A-league som i april i år blei den første ligaen som tok i bruk det nye systemet VAR, som gir dommarane høve til å studere avgjerande situasjonar på video før dei tek sine avgjerder.

Siste nytt

  • Liverpool og Roma risikerer straff

    Det europeiske fotballforbundet åpner sak mot både Liverpool og Roma etter tribunebråket i semifinalen i mesterligaen. Liverpool-fansen fyrte opp bluss og kastet gjenstander, mens Roma-fans angrep Liverpool-supporteren Sean Cox utenfor Anfield.

  • Northugs manager alvorlig skadd

    Are Sørum Langås, manager til Petter Northug, har tilbrakt ti dager på sykehus etter en alvorlig fallulykke, melder VG. Avisen skriver at ulykken skjedde da han skulle gjøre arbeid på sin nye hytte. Langås ble utskrevet fra sykehuset søndag. Han pådro seg flere brudd i begge armer, i ansiktet og hodeskallen.

    Are Sørum Langås
    Foto: Vegard Wivestad Grøtt / NTB scanpix
  • Yates beholdt ledertrøya

    Tom Dumoulin knappet innpå Simon Yates i Giro d'Italia, men briten beholder den rosa ledertrøya. Etter dagens tempoetappe er Yates 56 sekunder foran Dumoulin og 3:11 foran Domenico Pozzovivo i sammendraget. Rohan Dennis vant tempoetappen.

    CYCLING-ITA-GIRO
    Foto: LUK BENIES / AFP

Sendeplan

Kl. Program Kanal