Rashford var den store helten sist United gjesta Paris Saint-Germain våren 2019. På overtid sette han inn straffemålet som gjorde at Ole Gunnar Solskjær sine menn snudde 0–2 til 3–3 samanlagt og sikra seg plass i kvartfinalen i meisterligaen.
Tysdag vart 22-åringen igjen matchvinnar.
– Sjølvsagt er det ei god oppleving. Men mest viktig er at vi vann kampen. Vi er ei ein sterk posisjon i gruppa, men det er første kamp, fortalde matchvinnaren Rashford til BT Sports etter kampen.
Manager Ole Gunnar Solskjær seier det var ei anna oppleving å vinne i Paris denne gongen.
– Vi vinn mot eit fantastisk lag. Men no er det utan fans, sterilt, og utan nokon å feire med. Men spelarane var fantastiske. Eg synst vi fortente å vinne, sa han i eit intervju med Viasat.
Straffedrama
Det skulle gå tjue minutt før det blei action i den franske hovudstaden tysdag. Uniteds Anthony Martial gjekk i bakken inne i 16-meteren, etter at Abdou Diallo vart litt for hard i taklinga.
Bruno Fernandes som bomma på straffe mot Newcastle laurdag leverte igjen eit elendig straffespark. Ballen vart ei relativt lett skue for Keylor Navas i PSG-målet.
Dommarteamet meinte derimot at Navas var ute frå streken, dermed vart det ein ny sjanse til United.
Denne gongen bomma ikkje 26-åringen frå Portugal.
– Det kunne berre gå betre. Sjølvsagt sluttar han ikkje å ta dei. Han sjølv vil ta dei, men man må ha fokus. Bruno viste det igjen, sa Ole Gunnar Solskjær til Viasat etter kampen.
STRAFFE: På sitt andre forsøk klarte Bruno Fernandes å score på straffe for Manchester United.
Sjølvmål av Martial
Vertane var nær utlikning tidleg i andre omgang. Kylian Mbappé klemte til frå god skotposisjon, men de Gea var ute med ei meisterleg redning.
Sju minutt seinare fekk derimot gjestane si utlikning, men då takka vere eit sjølvmål frå United-spiss Anthony Martial.
Neymars hjørnespark landa langt framme i feltet. Franskmannen ragar høgast og sender ballen med hovudet rett i det venstre hjørnet og forbi de Gea i United-målet.
SJØLVMÅL: Martial kløna det til og sender ballen i eiget mål.
Tre minutt før slutt sørga eit kjempemål av Marcus Rashford for at Ole Gunnar Solskjær igjen kunne reise heim frå Paris med ein særdels god oppleving i bagasjen.
Gjestande frå England vinn meisterligamøtet mot PSG 2–1.
– Når du spelar borte mot eit lag som dette, med Neymar og Mbappé, må vi forsvare oss godt. Vi visste at David (de Gea) måtte gjere nokon redninger, sa Solskjær.
«Mirakelet i Paris»
Begge lag hadde ein relativt lang skadeliste før kampen tysdag. Medan PSG har fråvær i Juan Bernat, Mauro Icardi, Thilo Kehrer, Leandro Paredes og Marco Verratti, måtte United klare seg utan Eric Bailly, Edinson Cavani, Mason Greenwood, Phil Jones, Jesse Lingard og Harry Maguire.
AVGJORDE: Marcus Rashford avgjorde nok ein gong for Manchester United.
Foto: Gonzalo Fuentes / ReutersSolskjær gløymer nok neppe sist han besøkte den franske hovudstaden. Nordmannen og United snudde 0–2 til 3–3 samanlagt, etter at Marcus Rashford scora det avgjerande målet på straffe på overtid. Noko som sikra laget hans plass i kvartfinalen i meisterligaen.
22 dagar etter «mirakelet i Paris» gjekk Solskjær frå vikarjobben til å få fast jobb som manager for Manchester United.
