Sjå Rashford rundlure tre Palace-spelarar: – Ein fryd for auget

Vakre skåringar og tre poeng var det Manchester United stod igjen med etter sigeren som sikra den lengste rekkja deira utan tap på over ti år.

SLO TILBAKE: Etter ei sur poengdeling mot Southampton var ikkje noko surt for Solskjær og Manchester United mot Crystal Palace.

Laster innhold, vennligst vent..

– Skåringane er ein fryd for auget.

Ole Gunnar Solskjær kunne nesten ikkje svare fort nok då klubbens eigen TV-kanal, MUTV, spurde han om skåringane mot Crystal Palace.

– Det var mange flotte situasjonar denne kampen, og som vi har sett før, kan Marcus Rashford og Anthony Martial skape noko når som helst.

United-manageren legg likevel til at sjølv om skåringane var vakre, var ikkje dette Uniteds beste kamp.

Kjølig og elegant

Etter ei skuffande poengdeling mot Southampton klarte Ole Gunnar Solskjærs Manchester United å slå tilbake då dei besøkte Selhurst Park og Crystal Palace.

Det betyr at dei er tilbake på vinnarsporet, og med to rundar igjen å spele har dei skjebnen i sine eigne hender.

Marcus Rashford

Rashford skåra det første målet i kampen i London.

Foto: Justin Setterfield / AFP

På overtida av førsteomgang fekk Marcus Rashford ein pasning frå Bruno Fernandes. Før han sette ballen enkelt i nettet drog han fram ei skotfinte som sende tre motspelarar inn i den velkjende pølsebua.

Isande kaldt av United-talismanen.

Spisskollegaen til 22-åringen, Anthony Martial, kom òg på skåringslista.

Dei har begge storspela for klubben denne sesongen og jaktar begge toppskårartittelen i Manchester United.

– Dei ønskjer begge å bli betre, noko dei hjelper kvarandre med å bli, sa Solskjær då han vart spurt om å kommentere den interne kampen mellom storskårarane.

Kunne straffa gamleklubben

Men VAR ville det annleis.

Tidlegare United-spelar Wilfried Zaha gjorde ikkje arbeidsdagen enkel for Solskjærs forsvarsspelarar.

Crystal Palace - Manchester United

Det vart tap for Zaha i møtet med gamleklubben

Foto: Peter Cziborra / AFP

Ti minutt inn i andreomgangen reiv han seg laus frå ein motspelar før han slo ein fin ball til Jordan Ayew som dytta kula i mål.

VAR ville ha eit ord med i spelet.

Ayew hadde nemleg ei tå marginalt i offside, og målet vart ikkje godkjent.

– VAR er der for å ta dei marginale situasjonane. Dei gjer det i dag, og vi er på den heldige sida av avgjerdene, sa Solskjær om situasjonen.

For sjuande gong denne sesongen har eit mål mot Manchester United vorte annullert på denne måten.

Ekstra bittert var det nok for Crystal Palace då VAR ikkje braut inn i spelet og tildelte Zaha eit straffespark etter ei tvilsam takling av Victor Lindelöf.

– Eg har sett situasjonen igjen, og for meg ser det ut som om Victor er klart på ballen, er Solskjærs kommentar.

Laster innhold, vennligst vent..

Sportsnyheter

Sommer-OL i Tokyo 2021

Sølvvinneren rennes ned av meldinger – Rodal måtte felle en tåre

TOKYO/OSLO (NRK): Sleggekaster Eivind Henriksens OL-sølv rørte mange. Én av dem var friidrettslegenden Vebjørn Rodal.

Siste nytt

  • Diskos-oppmuntring for Roe

    Martin Roe er framleis nummer 20 i tikampen, men fekk ein opptur i diskos.

    Der kasta han 48,37 meter, og det heldt til fjerdeplass i øvinga.

    Tre øvingar gjenstår for tikjemparane: Stav, spyd og 1500 meter. Kanadiske Damian Warner har ei klar leiing etter sju øvingar.

    Martin Roe
    Foto: Kai Pfaffenbach / Reuters
  • Nesten 18 meter og Richardo-gull

    Portugals Pedro Richardo tok gullet i tretsteg. Vinnarhoppet målte 17,98 meter, eit resultat han fekk i tredje omgang.

    Begge hans to første hopp målte 17,61. I dei tre siste omgangane hoppa han dødt to gonger og stod over ein.

    Portugisaren var suveren i konkurransen. Kinearen Yaming Zhu tok sølvet med 17,57, og Hugues Zango frå Burkina Faso bronsen med 17,47.

    Pedro Richardo
    Foto: Clodagh Kilcoyne / Reuters
  • Sju cm bak verdsrekorden

    Den amerikanske favoritten Ryan Crouser vann klart kulekonkurransen for menn. I sitt siste støt nådde han 23,30 meter – sju centimeter bak verdsrekorden han sjølv sette tidlegare i år.

    Couser hadde ein utruleg jamn serie, der alle støta var over 22,5 meter.

    Landsmannen Joe Kovacs tol sølvet med 22,65. Tomas Walsh frå New Zealand tok bronsen med 22,47.

    Ryan Crouser
    Foto: Kai Pfaffenbach / Reuters

Sendeplan

Kl. Program Kanal