Etter 120 minuttar, der Rangers var i leiinga to gonger, enda kampen med straffesparkkonkurranse. Etter at begge laga hadde bomma to gonger kvar på dei første fem forsøka, vart det først avgjort i det sjuande forsøket.
Tomas Rogic, som scora 2–2 målet for Celtic, vart den store syndebukken då han sende ballen himmelhøgt over mål.
Med det er Rangers klar for FA-cupfinale mot Hibernian. Det er første gong to lag frå førstedivisjon er i finalen.
Tapet for rivalen kan bety slutten for Ronny Deila som Celtic-manager, som no berre kan vinna seriegullet denne sesongen.
- Les også:
Rangers i føringa tidleg
Rangers fekk ein perfekt start, då spissveteranen Kenny Miller sende laget i føringa, etter eit innlegg frå høgre kanten. Ballen gjekk via ein Celtic-forsvarar, før Miller fekk vendt opp og sett ballen i mål.
Celtics størst sjanse før kvilen kom etter ein halvtime, då Leigh Griffiths skaut i stolpen og ut frå 20-meter. På returen hadde Patrick Roberts ope mål, med keeperen liggande i motsett hjørne, men klarte å sette skotet uavgjort. Det sto 1–0 til Rangers ved halvtid.
Celtic gjekk rett i angrep i andre omgang, og etter bere fem minutt var laga like langt, etter at Erik Sviatchenko var høgast i feltet på ein corner. Headinga gjekk over keeper og i mål til 1–1. Det vart ingen fleire scoringar i ordinær tid og kampen gjekk til ekstra omgangar.
Stjernetreff for McKay
Fem minutt ut i første omgang drog Barrie McKay av fleire Celtic-forsvararar, og hamra til frå 20 meter. Skotet var limt i krysset og Rangers-fansen jubla hemningslaust for 2–1 scoringa.
Barrie McKay er saman med kaptein Lee Wallace dei to einaste som er att frå klubben som sist spelte i den skotske toppdivisjonen i 2011/12 sesongen.
2-1: Her flyg skotet til Barrie McKay i krysset til 2-1, men ei utlikning frå Celtic sikra straffesparkkonkurranse.
Foto: Russell Cheyne / ReutersMen jubelen vart kortvarig, berre eit minutt ut i andre ekstra omgang dukka Tomas Rogic opp og sette ballen ned i keepers venstre hjørne til 2–2. Laga var like langt.
Heilt på tampen fekk Leigh Griffiths stjernetreff frå 25 meter, men frisparket gjekk på undersida av tverrliggaren, ned på streken, via hovudet til keeper og ut til corner.
Kampen var den andre mellom laga sidan Rangers var degradert til fjerde nivå etter 2011/12 sesongen. Sist dei møttest var i semifinalen i ligacupen i fjor, ein kamp Celtic vann 2–0.
