NRK Meny
Normal

Putin om OL-nekt: – Diskriminering

Russlands president, Vladimir Putin, tok varmt i mot dei alle dei russiske OL-utøvarane, også dei utestengde, i Kreml onsdag. Der gjekk han hardt ut mot IOC.

Russia Putin

MINDRE VERDT: Medaljar vunne under OL vil vera mindre verdt, utan russiske utøvarar, sa Vladimir Putin i sin tale til dei russiske OL-utøvarane i dag.

Foto: Mikhail Klimentyev / Ap

– Det er diskriminering og ein politisk kampanje mot russiske idrett, sa Putin om avgjerda å utestengde heile den russiske friidrettstroppen frå OL i Rio.

Den internasjonale olympiske komite (IOC) valde å stenga ute alle russiske friidrettsutøvarar frå OL i Rio, etter anbefaling frå verdas antidopingbyrå. 68 russiske utøvarane anka saka vidare til idrettens voldgiftsrett (CAS), men fekk avslag førre veke.

Medaljane mindre verdt

I Kreml tok Putin avskjed med dei russiske utøvarane før avreise til Rio. I tillegg til dei som er klare, var også fleire av dei utestengde friidrettsutøvarane på plass. Putin sa at alle medaljar vunne i fråværet av russiske utøvarar vil vera mindre verdt enn om dei hadde vunne i konkurranse med russarar.

– Fråværet av russiske sportsfolk i Rio kjem til å skade internasjonal idrett, i tillegg til OL, skal Putin ha fortalt utøvarane.

IOC vurderte å utestengde heile Russland frå OL, etter at det vart funne bevis for at Russland hadde eit statleg system, der dei dopa sine utøvarar.

Til slutt valde IOC å opne for russiske deltakarar i OL, men sette strenge krav. Det har gjort at fleire utøvarar har fått beskjed om at dei ikkje får reise til Rio, grunna tidlegare dopingdommar eller at namnet står i rapporten til Richard McLaren (sjå faktaboks under).

Isinbajeva på gråten

Stavhoppar Jelena Isinbajeva talte til utøvarane som skal til OL, ikledd den russiske uniforma til Rio-OL. 34-åringen får ikkje delta i OL, då heile den russiske friidrettstroppen er utestengd. Ho kjempa ein hard kamp mot tårene på talarstolen.

SPORT-DOPING/PUTIN

SKUFFA: Stavhoppar Jelena Isinbajeva får ikkje reise til OL, etter at alle friidrettsutøvarane er utestengd. Ho har tidlegare uttalt at avgjerda har drepne friidretten.

Foto: MAXIM SHEMETOV / Reuters

– Vis dei kor gode dykk er, for dykkar sjølv og nasjonen, sa Isinbajeva til troppen som reiser til Rio.

Ho kallar behandlinga dei har fått for frekk og at dei ikkje fekk sjansen til å visa si uskuld.

Russlands sportsminister, som også var til stades i dag, Vitaly Mutko, sende brev til president i det internasjonale friidrettsforbundet (IAAF) og bad om at reine russiske utøvarar skulle få reise til Rio. I dag fekk han det endelege avslaget.

Russian Doping

HEILE TROPPEN: Den russiske OL-troppen tok eit bilde av alle mann, før avreise til Rio.

Foto: Pavel Golovkin / Ap

Siste nytt

  • Curling-tap mot Sveits

    Thomas Ulsrud og hans lag tapte 6-8 for vertsnasjonen Sveits i andre kampe i curling- EM. Tidlegare i dag opna Norge med 11-3 over Russland.

    Neste kamp går mot Nederland søndag.

Sendeplan

Kl. Program Kanal
Sesongstart langrenn: 15 km fri teknikk, menn
Vinterstudio
Vinterstudio
Sesongstart langrenn: 15 km fri teknikk, menn
Langrenn: 15 km fri teknikk menn
Vinterstudio
Vinterstudio
Sesongstart skiskyting: fellesstart kvinner
Sesongstart skiskyting: Fellesstart kvinner
NM kombinert: 10 km langrenn
Sesongstart skiskyting: Fellesstart kvinner