Putin kritiserer Rosenborgs neste Europa-motstandar

Om to veker møter Rosenborg sin kanskje tøffaste gruppemotstandar, Zenit St. Petersburg, på bortebane i Russland.

Storklubben er først i Rosenborgs Europaliga-gruppe med seks poeng på to kampar, men ikkje alle er imponert over det.

Popularitetsdebatt

Under eit møte om Russlands VM i 2018 sendte president Vladimir Putin eit klart stikk mot Zenits president Sergei Fursenko.

Ifølge AP sa Putin til Fursenko at Zenit ikkje gjør fotball meir populært i Russland fordi dei ikkje gir nok russarar sjansen.

Zenit-president Fursenko tok klubben i forsvar og meinte at spelarar frå ulike nasjonalitetar kan gi ein meir attraktiv og offensiv spelestil, som i eit lengre perspektiv aukar interessa for klubben.

Sarkastisk Putin: – Bra jobba!

Putin skal ha svart med å latterleggjere Zenit og Fursenko, ifølge AP.

– Du har åtte utlendingar ute på banen, som speler for Zenit i Europaligaen. Bra jobba, sa Putin.

Presidenten refererte til klubbens siste Europaliga-møte med Real Sociedad, der Zenit starta med fem argentinarar, ein slovenar, ein serbar og ein italienar. Bare tre mann i startoppstillinga var russarar.

Putins utsagn har også blitt omtala på Twitter, også av The Guardians Russland-korrespondent Shaun Walker, som har lagt ut videoen av ein sarkastisk Putin i diskusjon med Fursenko under møtet i Moskva.

I den russiske ligaen får ikkje Zenit lov til å bruke fleire enn sju utanlandske spelarar samtidig.