Positiv dopingprøve for britisk proffrytter

Stortalentet og OL-håpet Simon Yates (23) har testa positivt for samme stoff som nordmannen Vegard Robinson Bugge.

Paris-Nice

STORTALENT: Britiske Simon Yates avla positiv dopingtest under Paris-Nice i år.

Foto: KENZO TRIBOUILLARD / Afp

Den britiske sykkelrytteren Simon Yates har avlagt positiv dopingprøve, som viser spor av det forbudte stoffet terbutalin.

Prøva blei tatt under rittet Paris-Nice i mars.

Laget hans, Orica-Greenedge, tar ansvaret for den positive testen.

Dei skuldar på ein lege som skal ha gløymt å søke dispensasjon for bruk av astmamedisinen.

– Dette dreier seg kun om menneskeleg svikt. Legen har tatt det fulle ansvaret for feilen, skriv Orica-Greenedge i ei pressemelding gjengitt av BBC.

– Stoffet blei gitt til Simon Yates i form av ein astma-inhalator, og dette blei ikkje oppført av lagets lege på dopingkontrollørane sitt skjema, som blei signert då testen blei tatt, ifølge Orica-Greenedge, som fortel at Yates har dokumenterte astmaproblem.

Simon Yates blir sett på som ein av framtidas store, britiske sykkelryttarar, saman med tvillingbror og lagkamerat Adam Yates.

Nordmann testa positivt - fekk sparken

I juni i fjor testa den norske rytteren Vegard Robinson Bugge positivt for bruk av samme stoff.

Nordmannen blei kasta ut av laget Team Sparebanken Sør og fekk seinare ei mindre straff av Det internasjonale sykkelforbundet for å ha brukt ein astmamedisin han ikkje hadde godkjenning til å bruke under rittet Tour des Fjords.

Vegard Robinson Bugge

FEKK SPARKEN: Vegard Robinson Bugge fekk sparken då dei blei kjent at han avla positiv dopingprøve som viste spor av det forbudte stoffet terbutalin.

Foto: Junge, Heiko / NTB scanpix

Robinson Bugge har seinare forklart at det heile var ein tabbe der han forveksla astmamedisinar, som etter kvart kosta han dyrt.

Vil støtte Yates

Orica-Greenedge lovar Yates full støtte under behandlinga av dopingsaka.

«Orica vil støtte 23-åringen under etterforskinga,» skriv BBC.

Yates fullførte mellom anna Tour de France i fjor. Ungguten frå Bury i England var i utgangspunktet ein av kandidatane for det britiske OL-laget i landeveissykling.

Sportsnyheter

Hoffenheim slaktes i tyske aviser – kaller tapet «absurd» og «pinlig»

Etter noen intense sluttminutter ble Molde historiske da de torsdag kveld tok seg til åttendedelsfinale i Europaligaen.

bilde

Lundby tok sølv – men hoppsjefen og NRK-ekspertene freste etter dette

Maren Lundby klinket til med sesongbeste da hun tok VM-sølv, men den store snakkisen ble dømmingen da østerrikske Marita Kramer tilsynelatende var nede i bakken med rumpa.

Siste nytt

  • Leicester-smell i europaligaen

    Leicester skuffa med 0-2 og exit frå europaligaen mot Slavia Praha, etter 0-0 i bortekampen.

    Lukas Provod scora like etter pause, og Abdellah Sima dobla etter 79 minutt.

    Dermed er Leicester som det einaste engelske laget slått ut i europaligaens 16-delsfinale.

  • United med 0-0 og full kontroll

    Med 4-0 i ryggen frå bortekampen måtte ikkje Manchester United gå i kjellaren for å avansere til åttedelsfinalen i europaligaen. 0-0 var meir enn godt nok mot Real Sociedad.

    Bortsett frå at gjestene bomma på straffe i første omgang, skjedde det ikkje så veldig mykje i kampen.

    Uniteds motstandar blir klar i trekninga klokka 13 fredag. Kanskje møter Soslkjær Molde?

    Amad Diallo og Ole Gunnar Solskjær
    Foto: Phil Noble / Reuters
  • Veslebakke-laget er klart

    Landslagssjef Alexander Stöckl har teke ut Halvor Egner Granerud, Robert Johansson, Marius Lindvik og Daniel André Tande til VM-hopprennet i liten bakke.

    Joihann André Forfang og Anders Håre får ikkje vere med.

    Det er kvalifisering fredag kveld, rennet går laurdag.

    Granerud
    Foto: Czarek Sokolowski / AP

Sendeplan

Kl. Program Kanal