Portland granskar Diomandes rasisme-påstand

– Vi undersøker saka aktivt, seier Portland Timbers om rasisme-bråket rundt Adama Diomandé.

Adama Diomande

N-ORDET: Ein av Portlands spelarar skal ha kome med rasistiske utbrot mot Adama Diomandé. Det skal Portland no undersøke nærmare

Foto: Chris Carlson / AP

Los Angeles FCs norske spelar gjekk sjølv ut med melding på Instagram etter kampen onsdag, der han skriv at ein motspelar kalla han med "n-ordet" under kampen.

Det er ikkje kjent kva for spelar som skal ha kome med dei rasistiske kommentarane.

– Men spelaren er innrapportert, seier Diomande ifølgje deadspin.com.

– Det er første gongen eg har opplevd det i kamp, skriv Diomande i instagram-meldinga.

Saka har vekt oppsikt i amerikanske media, og Portland har svara med å setje i gang ei gransking av episoden.

– Vi granskar saka aktivt, og vil kome med meir informasjon når vi har det, skriv klubben i ei pressemelding.

– Verken klubben eller nokon med tilknyting til klubben vil akseptere diskriminerande eller respektlaus oppførsel av noko slag og i nokon samanheng. Det reflekterer ikkje verdiane for klubben, heiter det vidare i meldinga.

Klubben skriv at det er Major League Soccer som skal leia granskinga, sjølv om det ikkje var dei som organiserte cupkampen.

Diomande kom inn som innbytar midt i andre omgang i cupkampen som hans lag vann 3–2. Episoden skal ifølgje espn.com ha skjedd i samband med ein samanstøyt heilt mot slutten av kampen.

Portland har elles levert protest på kampen, fordi dei meiner Los Angeles FC har for mange utanlandske spelarar i troppen. Cup-reglementet seier at ein klubb maks kan bruke fem utlendingar.

Diomande kom til Los Angeles FC frå engelske Hull City i vår, og blei i mai kåra til månadens spelar i MLS. Tidlegare Stabæk-trenar Bob Bradley er trenar for klubben.

Siste nytt

  • Pedersen vant verdenscupen

    Jesper Saltvik Pedersen ble nummer tre i slalåmrennet i franske Morzine. Det betyr seier i verdenscupen sammenlagt.

    Karmøy-gutten har vært i fyr og flamme den siste tiden. 19-åringen har også vunnet slalåmcupen og super-G-cupen denne sesongen.

    Saltvik Pedersen.
    Foto: Jessica Gow/tt / NTB scanpix
  • Ruud klar for Miami Open

    Casper Ruud tapte første sett på tie break, men snudde kampen mot russiske Jevgenij Donskoj og er klar for hovedturneringen i Miami Open. Dette er første gang Ruud kvalifiserer seg for en ATP Masters-turnering, ifølge nettstedet tennis-Norge.com.

    Ruud.
    Foto: Daniel Bockwoldt / AFP
  • Norge tok telemark-gull

    I den første øvelsen av telemark-VM på Rjukan tok Trym Nygaard Løken gull. Sivert Hole sørget for to nordmenn på pallen med sin bronse.

    Torsdag er det mixed lagsprint, fredag sprint og det hele avsluttes med lagsprint på lørdag.

    VM i Telemark
    Foto: Terje Pedersen / NTB scanpix

Sendeplan

Kl. Program Kanal