NRK Meny
Normal

Raphael Poiree slaktar norsk skytetrening: – Det står det dårleg til med

Tidlegare mangedoble verdsmeister i skiskyting Raphael Poiree blir furstrert av å sjå dei norske bomme gong etter gong på standplass.

Raphael Poiree

FOR DÅRLEG: Raphael Poiree går hardt ut mot skytetreninga i norsk skiskyting.

Foto: Ruud, Vidar / NTB scanpix

– Dei har den beste trenaren, beste smørar, beste fysio, beste skytetrenar og beste budsjett. Likevel så blir det bom-bom-bom for dei norske. Og når det likevel går bra på standplass, bommar dei på det siste skotet.

Det skriv Raphael Poiree på Facebook i dag. Då har han sett ei helg med renn i Nove Mesto, der Martin Fourcade har vunne alt i suveren stil, og der dei norske med få unntak har skote seg vekk.

– Det er frustrerande å sjå. Kom igjen, Norge, skriv Poiree.

– Den skyteprestasjonen dei norske har levert, har vore heller dårleg, må eg seie, seier Poiree til NRK.

Johannes Thingnes Bø mistet børsa på andre skyting

BOM: Her bommar Johannes Thingnes Bø på liggande skyting. - Dei norske skyteprestasjonane har vore dårlege, slår tidlegare verdsmeister Raphael Poiree fast

– Fekk du ein bom, kunne du hente det inn

Franskmannen veit kva han snakkar om. Han var i den absolutte verdstoppen med åtte VM-gull og fleire OL-medaljer frå 2000 til 2007.

– I mi tid var det nok å gå fort og skyte raskt. Fekk du ein bom eller to, kunne du hente det inn igjen. Norske skiskyttarar hadde alltid best langrennstid i mi tid. Dei var ikkje dei beste til å skyte, men det dei gjorde, var godt nok. Det forspranget er innhenta av andre, seier Poiree.

BIATHLON-WORLD-MEN

TREFF: Martin Fourcade er den fullkomne skiskyttar som er på topp både i løypa og på standplass. Han har utklassa nordmennene og vunne sju av åtte mogelege renn i haust

Luftgevær

Han fortel at i Frankrike tek utøvarane til å trene med luftgevær i ung alder. Sjølv tok han til med det som 14-åring og var 16 før han begynte å bruke kaliber 22.

– Frå talenta er 12-13 år trenar dei med luftgevær tre-fire gonger i veka. Der jobbar du med presisjon. Det er når du jobbar time etter time og økt etter økt med presisjon du lærer om skyting – om stabilitet og avtrekk.

Først når dei er 16 tek dei til med kaliber 22, som blir brukt i skiskyting. I Norge går dei rett på kaliber 22 i 9-10-årsalderen, og blir mest opptatt av å skyte raskt, fortel Poiree.

Slaktar skytetreninga

– Tanken er at talenta skal ha skytinga i fingrane og i kroppen før dei begynner å koble det med langrenn. Skytinga skal gå som ein leik ute i løypa, seier han.

Han meiner norske skiskyttarar er fysisk like sterke som konkurrentane.

– Men skytebiten står det dårleg til med, seier Poiree. – Basen for skytinga er ikkje på plass i det heile tatt.

Eigen skytetrenar for rekruttering

Espen Berg-Knutsen

LUFTGEVÆR: Espen Berg-Knutsen er ein av dei Ola Lunde nemner som mogeleg skytetrenar for junior. Her i aksjon med luftgevær i OL 2004. Luftgevær er våpen som bør brukast meir for at talenta skal bli gode skyttarar, seier Raphael Poiree

Foto: Eeg, Jon / NTB scanpix

NRK-ekspert Ola Lunde er samd i at det må meir skytetrening til.

– På ståande skyting ligg Norge klart bak Martin Fourcade og fleire andre. Vi må jobbe endå hardare med basisbiten og kanskje bruke meir skyteekspertise.

– I Frankrike har dei eigen skytetrenar for juniorlandslaget. Han gir dei ein fantastisk basis som gjer at dei presterer på høgt nivå i verdscupen, seier Lunde

Han nemner tidlegare verdsmeister Trond Kjøll, OL-finalist Vebjørn Berg og landslagstrenar Espen Berg-Knutsen som mogelege namn som kunne vore med å heve skytenivået.

Siste nytt

  • Tapte på overtid

    Norge tapte ishockey-kampen mot Russland i kveld 3-4. Nordmennene kjempet godt, men tapte kampen på overtid etter Vladimir Tkachyov sin scoring. Russland stilte med et redusert lag, men spilte likevel med mange gode spillere i Hamar.

    thoresen
  • Klar for USA

    Jørgen Skjelvik er klar for fotballklubben LA Galaxy, Det melder klubben selv på twitter. Skjelvik forlater dermed Rosenborg, som må finne en erstatter før neste sesong.

    Jørgen Skjelvik
    Foto: Rune Kjær Valberg / NRK
  • Bjørnsen til EM-finale på 100 meter

    Susann Bjørnsen er klar for finalen på 100 meter medley under kortbane-EM i svømming i København. Hun satte personlig rekord med 59,65 i semifinalen torsdag. Bjørnsen var langt framme etter butterfly, men falt tilbake til sjetteplass etter ryggsvømmingen.

    SUSANN
    Foto: Jessica Gow/TT / NTB scanpix

Sendeplan

Kl. Program Kanal
V-cup fristil: Skicross
V-cup fristil: Skicross
V-cup alpint: Super-G, menn
Vinterstudio
Vinterstudio
V-cup alpint: Super-G menn
V-cup alpint: Super-G menn
Best i verden: Kupper'n
V-cup skiskyting: Sprint menn
V-cup skiskyting: Sprint menn
EM svømming