Kjøpte spelarar for 1,6 milliardar på Deadline Day

Aldri før har det blitt handla for så mykje på Deadline Day. Og januar-rekorden blei nesten dobla.

Aubameyang, Badou, Giroud og Moura

SOLGT: Pierre-Emerick Aubameyang, Badou Ndiaye, Olivier Giroud og Lucas Moura.

Foto: twitter.com/Arsenal, twitter.com/stokecity, twitter.com/SpursOfficial

Med Crystal Palaces kjøp av Alexander Sørloth frå FC Midtjylland seint onsdag kveld blant dei mange overgangane, slo klubbane ein rekord som har stått i sju år. 31. januar 2011 handla PL-klubbane for 135 millionar pund.

Sørloths overgangssum er ikkje stadfesta. Men ifølgje danske Ekstrabladet kan den kome opp i 170 millionar norske kroner.

Det er Deloitte' Sports Business Group – gjengitt i BBC – som melder dette, nokre timar etter at overgangsvindauget stengde.

Den gongen, i 2011, var det Liverpools transfer-aktivitet med sal av Fernando Torres og kjøp av Luis Suarez og Andy Carroll som drog opp totalsummen.

Trass i inflasjon i både kjøpesummar og tv-pengar har ikkje rekorden blitt slått. Før i går, då klubbane signerte for 150 millionar.

Knuste januar-rekorden

Sørloth

NORSK: Alexander Sørloths overgang til Crystal Palace blei klar like før midnatt

Foto: Terje Bendiksby / NTB scanpix

Deloittes liste fortel også at klubbane har brukt 430 millionar pund – nærmar 4,7 miliardar kroner – på spelarkjøp i januar. Den gamle rekorden på 225 millionar blei dermed knust. Også den er frå 2011.

Til samanlikning brukte klubbane berre 60 millionar pund i januar i fjor.

Pierre-Emerick Aubameyangs overgang frå Borussia Dortmund til Arsenal for 56 millionar pund var den største overgangen på januars siste dag. Han kosta meir enn dobbelt så mykje som Tottenham måtte betale Paris Saint-Germain for Lucas Moura, 23 millionar.

Pierre-Emerick Aubameyang

DYRAST: Arsenals kjøp av Pierre-Emerick Aubameyang frå Borussia Dormund var det klart største på januars siste dag

Foto: BERND THISSEN / AFP

– Økonomisk forsvarleg

Men det er Liverpool som har gjort den dyraste handelen i januar. 75 millionar pund måtte dei ut med for Virgil van Dijk frå Southampton.

– Hovudårsaka til dei dyre kjøpa er den nye tv-avtalen, meiner Deloittes Dan Jones. Han er ein av partnerane i Deloitte's Sports Busness Group. Avtalen er verd 55 milliardar kroner.

– Det betyr at sjølv om klubbane sprengjer rekordar, held dei seg likevel godt innanfor det som er økonomisk forsvarleg.

Siste nytt

  • Her susar Kilde inn til leiing

    Sjå Kildes løp her.

  • Saltvik Pedersen i tet etter første omgang

    Jesper Saltvik Pedersens medaljejakt i VM i snøsport fortsetter, og nordmannen leder etter første omgang av slalåmrennet på Hafjell.

    1 sekund og 14 hundredeler skiller ned til franske Victor Pierrel på andreplass.

    Nederlenderne Jeroen Kampschreur og Niels De Langen følger på tredje- og fjerdeplass.

    Marcus Nilsson Grasto ligger på 32. plass i klassen for stående. Der leder russiske Aleksej Bugajev.

    I klassen for synshemmede er det østerrikske Johannes Aigner som er i tet.

    VM snøsport for parautøvere
    Foto: Geir Olsen / NTB
  • Uhrenholdt Jacobsen inn i Wada

    Astrid Uhrenholdt Jacobsen er oppnevnt som IOCs utøverkomités stemme i WADAs utøverkomité. Det kom frem under fredagens åpne time med idrettssstyret.

    Astrid Uhrenholdt Jacobsen
    Foto: Geir Olsen / NTB

Sendeplan

Kl. Program Kanal