Petter Solbergs tommel sprakk: – Klart det er vondt, men eg er tøff

Petter Solbergs venstre tommel fekk seg ein stygg knekk i VM-runden i Tyskland sist helg. – Det skal ikkje hindre meg i å køyre fort, seier han.

Petter Solbergs tommer

TOMMELPROBLEM: Petter Solbergs tommel (t.h. i biletet) er tjukk og vond. - Men det hindrar meg ikkje i å køyre raskt, seier Solberg

Foto: Privat

– Klart det var vondt. Men eg er tøff, så dette skal nok gå bra, seier Solberg til NRK.

– Det kjem aldri til å hindre meg, om eg så hadde knekt begge beina, seier den tidlegare rally-verdsmeisteren og regjerande rallycross-verdsmeisteren.

Uhellet skjedde i den fjerde kvalifiseringsrunden i Hockenheim laurdag. Då fekk Solbergs tommel ein real trøkk.

– Motoren min rauk, og Sebastien Loeb køyrde inn i sida mi. Då fekk eg ein kjempetrøkk i tommelen, som sprakk. Men det fekk vi teipa, og då gjekk det fint, seier han.

Hjelp til å få på buksa

Men den sprukne tommelen skaper problem likevel. Han må ha hjelp til mange enkle ting som ikkje har med bilkøyring å gjere.

– Ein av mekanikarane må hjelpe meg med å få på meg buksa. Eg spurde han faktisk også då eg var på toalettet om han kunne kome og hjelpe meg. Men det gjekk ikkje, ler Petter Solberg.

Til helga er det ny VM-runde i rallycross, i Belgia. Der skal han ikkje trenge hjelp til å køyre fort.

– Eg er kanskje litt redusert, men det er alltid noko. Det er berre å gjere det beste ut av det. Det skal ikkje hindre meg i å køyre fort – eg har jo den andre handa.

Siste nytt

  • Elverum sluttspillmester

    Elverum ble sluttspillmester for åttende gang på rad i håndball for herrer etter å ha slått ØIF Arendal 31-28 søndag.

    Elverum hadde vunnet de to første kampene i årets sluttspillsfinale, og dermed var søndagens kamp avgjørende i best av fem-serien.

    Elverum-jubel i håndball
    Foto: Tor Erik Schrøder / NTB scanpix
  • Brann vann i Bodø

    Brann slo Bodø/Glimt 2-1. Dei scora to raske mål etter rundt ein halv time, før Glimt reduserte like før pause. Andre omgang blei mållaus, og Brann sikra sin tredje siger på rad.

    Brann er dermed på femteplass, på målskilnaden bak Bodø/Glimt.

     Bodø/Glimt- Brann.
    Foto: Mats Torbergsen / NTB scanpix
  • Kvalik for Ryerson

    Julian Ryerson og hans «julesongklubb» Union Berlin må ut i kvalifisering for opprykk til Bundesliga. Union spela 2-2 mot Bochum, og hamna bak Paderborn på målskilnad. Paderborn rykkjer opp saman med Köln.

    Unions motstandar i kvaliken blir Stuttgart.

    Julian Ryerson
    Foto: Geir Olsen / NTB scanpix

Sendeplan

Kl. Program Kanal