– Den magiske grensa er eitt minutt og 30 sekund

Skal Andy Schleck starte tempoetappen laurdag med håp om samanlagtsiger, er han avhengig av å kapre endå fleire sekund opp knallharde Alpe d' Huez i dag.

Andy Schleck

I dag er dagen Andy Schleck må avgjere Tour de France, meiner sykkelekspert Dag Erik Pedersen.

Foto: JOEL SAGET / Afp

– Han må angripe opp Alpe d' Huez og kvitte seg med Cadel Evans, seier NRKs sykkelekspert Dag Erik Pedersen.

  • Korleis trur du duellen mellom Andy Schleck og Cadel Evans ender i dag? Diskutér nedst i saka!

Det kan bli tungt på dagen etter den store Schleck-triumfen på 18. etappe. Der gjekk Leopard-Trek-ryttaren aleine i brot 60 kilometer før mål og pressa både seg sjølv og dei jagande rivalane til målgang i Galibier.

Støyten snudde om på samanlagtlista og sende Schleck 57 sekund foran hovudutfordrar Cadel Evans.

– Blir halsbrekkande om dei er likt

Men forspranget er ikkje nok, meiner Dag Erik Pedersen.

For etter rittets siste fjelletappe i dag ventar den avgjerande tempo-etappen i morgon. Der er Evans hakket kvassare enn Luxembourgs store håp.

– Eg trur Schlecks magiske klokke i hovudet er 1 minutt og 30 sekund. Det er tida han må ha på Evans før han startar tempoen, seier Pedersen.

Eit raskt dykk i resultatlistene frå tidlegare Tour de France-ritt viser at Schleck også kan klare seg med 57 sekunds leiing.

I 2009 var han bare 30 sekund bak Cadel Evans etter den 40,5 kilometer lange tempoetappen mot slutten av rittet.

Cadel Evans

Cadel Evans har vist stor køyrestyrke under touren denne sommaren. På tempoen i morgon vil han kunne avgjere heile Tour de France i til sin fordel.

Foto: LAURENT CIPRIANI / Ap

– Vi skal ikkje avskrive Andy Schleck om leiinga fortsatt er 57 sekund i morgon, men då veit han at dette blir ein halsbrekkande etappe som ikkje blir avgjort før målstreken er passert. Eg trur det er risikosport å gå laus på det forspranget og tru at han skal vinne Tour de France, seier Pedersen.

  • Sjå alle tempoduellane mellom Cadel Evans og Andy Schleck i Tour de France sidan 2008 nedst i artikkelen.

Schleck: – Betre på tempo siste året

Andy Schleck skal vere betre førebudd enn nokon gong til å takla ein tempoetappe i Tour de France. For tidlegare har han slitt tungt mot dei beste i kategorien.

– Alle veit at dei svake sidene mine er temporitt og unnabakkar i regn, seier Schleck i dokumentaren «Andy Schleck: Min Tour».

Andy Schleck

Andy Schleck har fokusert mykje på temposykling det siste året, og meiner han er betre rusta enn nokon gong.

Foto: DOUG PENSINGER / Afp

Det siste året har han endra sitjestilling, testa seg hyppig i både vindtunnel og velodrom.

– Eg er nøgd med den nye sitjestillinga. Den har gjort meg til ein betre temporyttar, seier Schleck.

Men resultata frå tempoane i Tour de France dei siste åra viser at han trass i god utvikling har vore ujamn.

– Eg har trent mykje i treningsstudio og er sterk i beina, men får ikkje alltid overført krafta til pedalane i temporitt, seier Schleck.

Blir av dei store duellane i historia

Dag Erik Pedersen

NRKs sykkelekspert Dag Erik Pedersen.

Foto: Anne Liv Ekroll / NRK

På dagens etappe vil det som vanleg vere stor merksemd rundt avslutninga opp Alpe d' Huez. Der ventar som vanleg eit folkehav på godt over ein million menneske på ryttarane.

– Alt skal avgjerast i dag. Arrangøren kunne ikkje fått det noko betre med tanke på situasjonen i samandraget før etappen. Dette blir er ein enorm sykkelfest, seier Pedersen oppstemt.

Og den store duellen mellom Schleck og Evans vil nok bli hugsa i lang tid framover.

– Eg trur kampen mellom Schleck og Evans blir ein av dei største i Tour de France-historia, meiner Pedersen.

– Glad eg ikkje har Andys bein

Skal Schleck komme godt ut av kampen vil han måtte gjere følgande, trur NRKs sykkelekspert:

– Han må gå gå fire kilometer før mål. I den fryktlause sistebakken må Andy «time» angrepet sitt slik at det blir eitt eller to forsøk. I tillegg må han gjere som i går og køyre på til målstreken, ikkje snu seg og lure på kor Evans er.

– Eg er glad eg ikkje har Andys bein etter etappen i går. Men det held om han er 25-30 sekund foran. Då er han på trygg grunn, seier Pedersen.

Sastre

Det er alltid stort publikumsengasjement rundt ryttarane opp til Alpe d' Huez. Her Carlos Sastre frå Tour de France i 2008.

Foto: THIERRY ROGE / REUTERS

Tour de France 2010:

Prolog - 8.9 kilometer:

  • 1. Fabian Cancellara
  • 23. Cadel Evans + 00:39
  • 122. Andy Schleck + 01:09

30 sekund i favør Evans

Tempo - 19. etappe - 52 km:

  • 1. Fabian Cancellara
  • 44. Andy Schleck +06:14
  • 166. Cadel Evans +10:57

04:43 i favør Andy Schleck (Evans tidleg ute av samandraget og køyrde ikkje for siger på tempoen).

Tour de France 2009:

Prolog - 15,5 km:

  • 1. Fabian Cancellara
  • 5. Cadel Evans + 00:23
  • 18. Andy Schleck + 01:00

37 sek. i favør Evans.

Tempo - 18. etappe - 40.5 km:

  • 1. Alberto Contador
  • 12. Cadel Evans + 1:14
  • 21. Andy Schleck + 1:44

30 sek. i favør Evans.

Tour de France 2008:

Tempo - 4. etappe - 29,5 km:

  • 1. Stefan Schumacher
  • 4. Cadel Evans + 00:27
  • 20. Andy Schleck + 01:29

1:02 sek i favør Evans.

Tempo - 20. etappe - 53 km:

  • 1. Stefan Schumacher
  • 7. Cadel Evans + 02:05
  • 30. Andy Schleck + 04:02

01:57 sek i favør Evans.

Sportsnyheter

Fall Hassan

Vant heat etter fall i siste runde: – Umenneskelig

TOKYO/OSLO (NRK): Nederlandske Sifan Hassan viste hva hun var god for i innledende runde på 1500 meter mandag. Om noen timer skal hun løpe finale på 5000 meter.

Siste nytt

  • Bodø/Glimt henter talent fra Åsane

    Bodø/Glimt har sikret seg 18 år gamle Joel Mvuka Mugisha fra 1.-divisjonsklubben Åsane. Unggutten har signert en fireårsavtale med bodøværingene.

    Det melder klubben selv på egne nettsider mandag.

    Kantspilleren har av flere blitt beskrevet som et av de største talentene i Norges nest øverste divisjon, og spilte mer eller mindre fast for Åsane forrige sesong.

    – Jeg vil gripe muligheten med en gang, men det kommer helt sikkert til å ta tid. Jeg er forberedt på å være tålmodig, sier fotballtalentet om overgangen til Glimt.

    – Jeg er god én mot én, både defensivt og offensivt. Jeg tror det blir mye show på sidene, sier Mvuka, legger han til.

    Joel Mugisha
    Foto: Jan Kåre Ness / NTB
  • Ber om 20 000 tilskuere på Ullevaal

    Norges Fotballforbund håper å kunne utnytte 75 prosent av tilskuerkapasiteten på Ullevaal når Norge spiller VM-kvalifiseringskamp mot Nederland 1. september.

    Det melder TV 2, som refererer til et brev NFF sendte Kulturdepartementet i starten av juli. Der fremgår ønsket om å få bruke 75 prosent av kapasiteten på landskamparenaen til kampen mot Nederland.

    75 prosent av kapasiteten tilsier litt i overkant av 20.000 mennesker på arenaen som har maks kapasitet på 27.200.

    Fotball, treningskamp Norge - Luxembourg (1-0)
    Foto: Geir Olsen / NTB
  • Ungarn blir kvartfinalemotstander

    Ungarn blir Norges motstander i OL-kvartfinalen kvinnehåndball onsdag. Ungarerne slo et Sverige på nær halv fart og sikret avansement.

    Ungarn vant 26-23 i siste gruppekamp og tok dermed fjerdeplassen på innbyrdes oppgjør mot Spania.

    Svenskene hadde allerede vunnet puljen før avkast og kjørte ikke maks i kampen.

    Det er fire norske spillere som til daglig spiller i den ungarske klubben Györ: Silje Solberg, Stine Bredal Oftedal, Veronica Kristiansen og Kari Brattset Dale.

    Ungarn har ikke imponert så langt i OL, og Norge blir kjempefavoritt før avkast.

    Ungarns Szandra Szollosi-Zacsik
    Foto: Sergei Grits / AP

Sendeplan

Kl. Program Kanal