NRK Meny
Normal

Sverre Lunde Pedersen: – I kveld kan det bli rekordar

Sverre Lunde Pedersen trur på verdsrekordar på rekordisen i Calgary i kveld. Der skal han møte sjølvaste Sven Kramer i siste par på 5000-meteren.

Sverre Lunde Pedersen

TRUR PÅ REKORD: Sverre Lunde Pedersen håpar på ein plass på pallen og ei knalltid på rekordisen i Calgary

Foto: Jens Meyer / Ap

Sjå verdscupopninga her frå klokka 21.55 i kveld.

Og han meiner det er på tide å ta livet av den norske rekorden.

– Ja, det er på tide at den blir slått no, seier han til NRK om Håvard Bøkkos 6.09,94 frå Salt Lake City i mars 2009. Det er seks og eit halvt år sidan.

– Iallfall hadde det vore hyggeleg å kome under 6.10, seier Pedersen. Hans personlege rekord er på 6.10,47.

No ønskjer han å kjempe i toppen på 1500 og 5000 meter. – Eg håpar å halde fram der eg slapp i fjor, og er betre no enn på same tid i fjor, seier Sverre Lunde Pedersen.

Testane før sesongen tyder på at han er endå betre trent enn i fjor.

Det viste han også med glans på testløpa i den kanadiske byen sist helg, med 3.34,27 på 3000 m. Det er over tre sekund under Eskil Erviks offisielle verdsrekord.

– Det var vel ikkje berre den raske isen som var årsak til det?

– Nei, det viser at formen er bra og at eg har teke nye steg. Det ser bra ut, seier han beskjedent.

Skal vere i toppform til meisterskapa

Han er spent på 5000-meteren i kveld.

– Då får eg sjå kvar eg står i forhold til dei andre. Det er alltid eit spenningsmoment i det første stemnet, seier han.

– Eg går ofte betre utover i sesongen. Det er til meisterskapa etter jul at toppformen skal vere der. Men eg har lyst til å vere i god form også i verdscupen før jul, seier Pedersen..

Og Sverre Lunde Pedersen ser også mot pallen i kveld.

– Er tida inne for siger?

– Ein skal aldri seie aldri, men det blir vanskeleg. Bergsma og Kramer er framleis favorittar. Eg held ein knapp på dei, men håpar å kunne utfordre. Og i sesongens første løp kan det kome overraskingar.

– Trur du på verdsrekordar denne helga?

– Det kan fort bli verdsrekordar på fleire distansar her eller i Salt Lake City neste helg, seier han.

Siste nytt

  • Liverpool og Roma risikerer straff

    Det europeiske fotballforbundet åpner sak mot både Liverpool og Roma etter tribunebråket i semifinalen i mesterligaen. Liverpool-fansen fyrte opp bluss og kastet gjenstander, mens Roma-fans angrep Liverpool-supporteren Sean Cox utenfor Anfield.

  • Northugs manager alvorlig skadd

    Are Sørum Langås, manager til Petter Northug, har tilbrakt ti dager på sykehus etter en alvorlig fallulykke, melder VG. Avisen skriver at ulykken skjedde da han skulle gjøre arbeid på sin nye hytte. Langås ble utskrevet fra sykehuset søndag. Han pådro seg flere brudd i begge armer, i ansiktet og hodeskallen.

    Are Sørum Langås
    Foto: Vegard Wivestad Grøtt / NTB scanpix
  • Yates beholdt ledertrøya

    Tom Dumoulin knappet innpå Simon Yates i Giro d'Italia, men briten beholder den rosa ledertrøya. Etter dagens tempoetappe er Yates 56 sekunder foran Dumoulin og 3:11 foran Domenico Pozzovivo i sammendraget. Rohan Dennis vant tempoetappen.

    CYCLING-ITA-GIRO
    Foto: LUK BENIES / AFP

Sendeplan

Kl. Program Kanal