Tysk skøytestjerne tapte dopingsak i høgsterett

Claudia Pechstein tapte saka om utestenging på grunn av høge blodverdiar. Dermed kan idretten framleis utestenge utøvarar på grunn av blodverdiar over det normale.

Claudia Pechstein

TAP: Claudia Pechstein fekk ikkje medhald i tysk høgsterett om utestenging på grunn av blodverdiar

Foto: TIMOTHY A. CLARY / AFP

Retten slo fast at det er den internasjonale idrettsdomstolen CAS som har siste ordet i dopingsaker. Og CAS har tidlegare dømt Pechstein for doping etter høge blodverdiar.

Pechstein meinte at hennar høge blodverdiar kom av ein arveleg sjukdom frå faren. Men det har CAS tidlegar avvist. Dagens dom betyr dermed at dagens idrettslege rettspraksis kan dermed halde fram.

Det har knytta seg stor spenning til høgsterettsdommen i Karlsruhe i dag. Dommen kunne i ytterste konsekvens teke frå CAS autoriteten som øvste domstol i idrettssaker.

Laster Twitter-innhold

Stressa Pechstein forlet rettssalen

Pechstein var sjølv til stades i Karlsruhe, og forlet rettssalen tydeleg stressa då dommen hadde falle.

Claudia Pechstein avgav prøver som viste for høge blodverdiar under eit verdscup-stemne på Hamar i 2009. Sjølv hevda ho at dette var naturlege verdiar for henne, ein arveleg sjukdom ho hadde etter sin far. Undersøkingar hos tyske spesialistar har seinare stadfesta dette.

Claudia Pechstein (44) er den tyske vintersportutøvaren som har teke flest medaljar i OL – fem gull, to sølv og to bronse. Ho deltok i fem OL frå 1992 til 2006, og dessutan i 2014. Og så seint som i desember i fjor vart Pechstein tysk meister for 24. gong.

– Eg har aldri dopa meg, sa ho då, og held fast på dette framleis.

Laster Twitter-innhold

Men det hjelpte ikkje. Pechstein vart utestengd i to år, og mista mellom anna OL i Vancouver i 2010 på grunn av det.

– ISU har øydelagt livet mitt, sa ho etter det.

– Eit helvete

Ho har seinare anka saka gjennom dei vanlege rettskanalane, inkludert Cas, den høgaste internasjonale idrettsdomstolen. Utan å vinne fram.

– Eg ønskjer ingen å gå gjennom det eg har, seier ho til New York Times. – Det er eit helvete.

Men Pechstein gav seg ikkje, og i januar fekk ho medhald i ein regional domstol i München. Domstolen gav grønt lys for anke til høgsterett, med eit erstatningskrav mot ISU på nærmare 50 millionar kroner for tapte inntekter.

– Kjempar til vi er døde

Der tapte ho i dag. Men sjølv om det var i hølgsterett, vil ikkje Claudia Pechstein eller hennar hjelparar gi opp.

– Nei, vi vil truleg kjempe til vi er døde. Det hlyrest kanskje truande ut, men slik er det, seier Matthias Grosse, ein av Pechsteins medhjelparar i prosessen.

Pechsteins advokat sa rett etter domsavseiinga at dei no vil sppellere saka til den tyske forvatningsdomstolen. EU-domstolen kan også vere ein utveg fpr den tyske skøytestjerna.

Siste nytt

  • Rangers gikk på en smell

    Det ble blåmandag i Florida for New York Rangers, som tapte 3–6 borte mot Tampa Bay Lightning. Mats Zuccarello var ikke på isen. Han har vært ut og inn av laget med lyskeproblemer den siste tiden, og måtte stå over også mot Tampa Bay.

    NHL: New York Rangers at Tampa Bay Lightning
    Foto: Kim Klement / Reuters
  • La Liga legger USA-planer på is

    Den spanske toppserien i fotball dropper planene om å spille en seriekamp i Miami etter at Barcelona trekker seg fra prosjektet. La Liga ønsker likevel fortsatt å arrangere en kamp i utlandet.

    Messi
    Foto: Pau Barrena / AFP
  • Digne reddet uavgjort for Everton

    Everton gikk mot et sviende tap for Watford på hjemmebane, men seks (!) minutter på overtid utlignet Lucas Digne på et strålende frispark til 2-2. Everton er dermed på 7.-plass i Premier League etter 16 spilte kamper, mens Watford ligger på 12.-plass – tre poeng bak Everton.

    FBL-ENG-PR-EVERTON-WATFORD
    Foto: LINDSEY PARNABY / AFP

Sendeplan

Kl. Program Kanal
Morgensport og musikk
Morgensport og musikk
Morgensport og musikk
Morgensport og musikk
Morgensport og musikk
VM svømming kortbane
NRK Sport Live
NRK Sport Live
NRK Sport Live
Sport i dag
EM håndball kvinner: Spania - Romania