NRK Meny
Normal

– Paulo Dybala er den mest interessante i fotballverda akkurat no

– Dybala har sin eigen personlege stil. Dersom han held fram utviklinga kan han utvikle seg til ein svært god Dybala, ikkje ein ny Messi, seier Viasat-kommentator Rolf-Otto Eriksen.

Paulo Dybala scoret de to første målene i kampen mot Barcelona.

YESSS: Paulo Dybala scora to gonger mot Barcelona i første kamp. (Video med løyve frå Viasat Fotball)

Laster innhold, vennligst vent..

Førre tysdag scora Paulo Dybala to mål mot Barcelona i meisterligaen. To dagar seinare forlenga 23-åringen kontrakten med Juventus til 2022.

Han blei skadd i ligakampen mot Pescara i helga, men ikkje verre enn at han er med i troppen mot Barcelona på Nou Camp i kveld, skriv calciomercato.com.

Dybala er for lengst kalla «den nye Messi». Det er ikkje berre fordi begge er frå Argentina og har gode venstrebein.

– Dei er også ekstremt gode med ballen, så det er ikkje så rart Dubala får den samanlikninga, seier Rolf-Otto Eriksen. Viasat-kommentatoren følgjer italiensk fotball svært tett.

– Langt fram til Messi

Lionel Messi

LIONEL MESSI: – Samanlikninga er overdriven. Lionel er på eit heilt anna nivå, seier Paulo Dybala

Foto: Manu Fernandez / AP

Likevel: Det skal noko til å matche meisteren frå Argentina. Som 23-åring hadde Messi allereie vunne Gullballen. Og han er berre to scoringar frå utrulege 500 mål for Barcelona, trass i at han enno ikkje har fylt 30 år.

– Det er langt fram til det Messi har oppnådd. Og det er det som er problemet med denne samanlikninga.

– Paulo Dybala er etter mitt syn den mest interessante i fotballverda akkurat no, seier Eriksen.

I same kamp for tredje gong

Dybala sjølv meiner samanlikninga er overdriven.

– Det er enorm avstand mellom han og meg. Han er på eit heilt anna nivå, seier han til goal.com.

I kveld blir berre tredje gongen dei to spelar i same kamp.

Første gong var dei lagkameratar i VM-kvalifiseringa i Mendoza heime i Argentina i september i fjor. Den kom Messi best ut av. Han scora kampens einaste mål mot Uruguay, medan Dybala fekk to gule kort før pause og blei utvist.

Paulo Dybala

RISING STAR: Paulo Dybala er superstjerne i Juventus og Serie A. I kveld kan han senke sitt førebilete Lionel Messi

Foto: GIUSEPPE CACACE / AFP

– Min draum var lenge at eg kunne spele vegg med Messi. Den kvelden fekk eg det, sa Dybala.

Men også Messi blei utvist i sin landslagsdebut, mot Ungarn i 2005. Han kom inn som innbytar og fekk raudt kort etter berre to minutt.

Barca treng nytt PSG-mirakel

Den andre gongen var i Torino førre tysdag. Den duellen vann Dybala med sine to raske mål i første omgang, og med Juventus' 3-0-siger.

– Det var ein av mine største kveldar i fotball, sa Dybala. – La oss ikkje øydeleggje det.

Han tenkte nok på at Barcelona etter 0–4 i første kamp mot PSG i åttedelsfinalen vann 6–1 i returkampen.

I kveld er det opp til Dybala å score nok til at ikkje Barcelona nok ein gong kan levere eit mirakel og gå vidare i meisterligaen.

Siste nytt

  • Tapte på overtid

    Norge tapte ishockey-kampen mot Russland i kveld 3-4. Nordmennene kjempet godt, men tapte kampen på overtid etter Vladimir Tkachyov sin scoring. Russland stilte med et redusert lag, men spilte likevel med mange gode spillere i Hamar.

    thoresen
  • Klar for USA

    Jørgen Skjelvik er klar for fotballklubben LA Galaxy, Det melder klubben selv på twitter. Skjelvik forlater dermed Rosenborg, som må finne en erstatter før neste sesong.

    Jørgen Skjelvik
    Foto: Rune Kjær Valberg / NRK
  • Bjørnsen til EM-finale på 100 meter

    Susann Bjørnsen er klar for finalen på 100 meter medley under kortbane-EM i svømming i København. Hun satte personlig rekord med 59,65 i semifinalen torsdag. Bjørnsen var langt framme etter butterfly, men falt tilbake til sjetteplass etter ryggsvømmingen.

    SUSANN
    Foto: Jessica Gow/TT / NTB scanpix

Sendeplan

Kl. Program Kanal