Hopp til innhold

Parautøvar ut mot regjeringa: – Det er kjipt

Langrennspiggaren Thomas Morud har i eit år bede om støtte til å kjøpe sin eigen kjelke, men pengekassa er tom. Idrettspresidenten kallar regjeringa sitt statsbudsjett for småleg.

Kjelke

STØTTE: Thomas Morud og mange andre med nedsett funksjonsevne er taparane i statsbudsjettet, meiner idrettspresident Berit Kjøll.

Foto: Haron Hussain / NRK

– Eg synst det er kjipt at det ikkje er pengar til det. Det er like viktig for oss å komme seg ut og drive med idrett som funksjonsfriske, seier 36-åringen til NRK.

I ein regnfull hovudstad stakar Thomas Morud seg fram rundt grusløypa på Sognsvann. I vaksen alder har han valt å satse på idretten, men det må skje i ein lånt kjelke frå Noregs skiforbund.

Trass i at Nav har innvilga søknaden om støtte til eigen kjelke er pengekassa tom.

– Eg treng det jo absolutt. Viss ikkje får eg ikkje trene her på Sognsvann eller gå på langrenn om vinteren. Då blir det å sitte inne, og det er jo ikkje optimalt.

Småleg

Idrettsforbundet bad om ei løyving på 200 millionar kroner til utstyr for funksjonshemma. I forslaget til statsbudsjett kom det berre 80 millionar kroner.

Sjølv om det er ein auke på 30 millionar kroner frå i fjor, så får det idrettspresidenten til å bruke sterke ord.

Kjøll

– SMÅLEG: Idrettspresidenten er skuffa over regjeringa.

Foto: Terje Pedersen

– Her har man vore veldig småleg. Det er eit gap på 120 millionar kroner og eit stort etterslep dei siste åra, seier Berit Kjøll til NRK.

No festar ho sin lit til at forhandlingane skal gi full utteljing.

– Her meiner eg stortinget og regjeringa har ein gyllen mogelegheit til å legge 200 millionar kroner i potten, slik at vaksne menneske med funksjonsnedsetting faktisk kan få dei hjelpemidla dei treng.

Potten som heiter aktivitetshjelpemiddel til vaksne skal nemleg bidra til at personar som Thomas Morud og andre med funksjonsnedsetting skal kunne drive med idrett.

– Eg ser kor mykje det betyr for meg sjølv, det å kome ut i naturen, treffe vennar og drive med sport. Man held seg frisk og det er jo bra for helsa, meiner Morud.

Alle vil ha meir

Minister for forsking og høgare utdanning, Henrik Asheim, understrekar at dei trass alt har auka potten med 30 millionar kroner, sjølv om det er langt unna summen idretten bad om.

Henrik Asheim

AUKE: Minister for forsking og høgare utdanning, Henrik Asheim, understrekar at regjeringa har auka potten med 30 millionar kroner.

– Alle meiner man burde løyva meir på ein dag som dette, er svaret hans til idrettspresidenten.

Han seier at dei alt i revidert nasjonalbudsjett har sett at det er for lite pengar, men at dei no har vore opptekne av å gjennomgå ordninga.

– 30 millionar bidrar til at enda fleire får delta i dette og det er det viktigaste for oss, så er det klart vi må følgje diskusjonen nøye og sjå korleis bruken er, seier Asheim.

Thomas Morud

VIKTIG: For Thomas Morud er han heilt avhengig av støtte for å kunne drive med idretten sin.

Foto: Haron Hussain / NRK

Siste nytt

  • Hovland tre under par laurdag

    Viktor Hovland avanserte nokre plasseringar da han gjekk 3.-runden av storturneringa i Memphis på tre slag under par. Totalt står han med seks slag under par.

    Det held til foreløpig delt 29.-plass. Han starta dagen på 46.-plass. Over halve feltet har så vidt starta på sin tredje runde.

    Viktor Hovland starta med ein birdie, men rauk på ein bogey på hol nummer to og var tilbake på par for runden.

    Han slo til med ein birdie på det neste par-fem-holet.

    Etter fem hol på par følgde det ein bogey på niande holet, og han var tilbake på par for runden. Han følgde deretter opp med ein birdie på det tiande holet. Det blei bogey på hol 13 og han var nok ein gang tilbake på par.

    Han reparerte mykje da han gjorde to raske birdiar på hol 14 og 15. Et dårleg andreslag, der han måtte droppe, øydela moglegheita for å avansere ytterlegare på det 16. holet – et par-fem-hol.

    Dagens sjette birdie kom på avslutningsholet. Han hadde også tre bogeys på runden.

    Viktor Hovland
    Foto: Stacy Revere / AFP
  • Kontroversar rundt utlikning i Bergen

    Stabæk såg lenge ut til å bli det første laget som skulle slå Brann i Bergen i Toppserien denne sesongen, men Brann greidde å utlikne til 1-1 på ei kontroversiell scoring fire minutt på overtid.

    Iris Omarsdottir scora etter ein halv time i første omgang. Branns overtids-utlikning kom ved Maria Brochmann, som var sist på ballen i ei mølje etter corner.

    - Den scoringa burde ikkje blitt godkjend, sa Stabæks keeper Sunniva Skoglund til NRK.

    - I gode ni av ti tilfelle får keeper medhald i slike situasjonar, sa NRKs Carl Erik Torp.

    Brann kunne sikra seg sigeren i grunnserien og 6 poeng i sluttspelet med siger. Trass poengtapet er det likevel så godt som sikkert at Brann vinn grunnserien.

    Også Rosenborg og Vålerenga er sluttspelklare. Fire lag kjempar om den fjerde og siste sluttspelplassen, inkludert Stabæk.

    I det kontroversielle sluttspelet får dei fire laga med seg 6, 4, 2 og 0 poeng.

    Tidlegare denne veka varsla supporterklubbane i dei største Toppserie-klubbane at dei ikkje vil stille opp med organiserte aktivitetar på kampen i sluttspelet, i protest.

    – Lytt til supportarane, vi er ein ekstremt viktig del av fotballen, og vi vil ikkje ha det. Det er mange andre som ikkje vil ha det heller, ingen vil ha det, sa Gjert Moldestad frå Bataljonen då sluttspelet blei diskutert på NRK i pausen.

  • 17-åring med ellevill verdensrekord på 100 m fri

    2004-modellen David Popovici satt ny verdensrekord da han tok EM-gull under EM i Roma lørdag kveld. Den gamle rekorden har stått siden 2009, men i Roma slo han ny verdensrekord med fem hundredeler.

    Den nye rekorden står nå på 46.86 av Popovici. Det som gjør prestasjonen ekstra imponerende er at den gamle verdensrekorden til Cesar Cielo ble satt på høyden av de såkalte «superdraktene». Mange store profiler har siden mislyktes med å slå Cielos rekord.

    APTOPIX Italy Swimming Europeans
    Foto: Andrew Medichini / AP

Sendeplan

Kl. Program Kanal
Spilleliste med 52 klipp
Sport
Spiller nå
Her stagediver Vetle Sjåstad Christiansen etter den fjerde Blink-seieren 00:55
Neste