Slik skal taktikaren Bråten forsvare X Games-gullet

Mindre risiko og meir tryggleik i køyringa skal hjelpe Øystein Bråten (22) med å forsvare gullet frå X Games 2017.

X-Games Hafjell.

FAVORITT: Øystein Bråten skal forsvare gullet frå 2017 i X Games Aspen.

Foto: Geir Olsen / NTB scanpix

  • 20.55: X Games: Kvalifisering, ski slopestyle

– Han er svært strategisk og kalkulert i konkurransar. Han har repetert triksa til det keisame. Andre utøvarar tar ofte høgare risiko, men ein ser kvar gong at det er utøvarar som Bråten, som kanskje senkar vanskegraden og risikoen litt som tek topp-plasseringane.

Derfor meiner NRKs ekspertkommentator Fridtjof Fredricsson at Øystein Bråten er favoritt. Han er nemleg litt annleis enn andre skikøyrarar.

Fridtjof Fredricsson

FRIDTJOF FREDRICSSON: NRKs ekspertkommentator er tydeleg: Øystein Bråten er favoritt i X Games Aspen.

Foto: Christian Nerdrum

– Eg forsøker å gjere triks som eg veit eg har inne. Det handlar om å prøve å køyre trygt, samstundes som du tek sjansar. Men så skal ein sjølvsagt ikkje ta for store sjansar da. Eg er kanskje litt taktisk. Ein må jo vere litt lur, seier Bråten.

– Aldri vore betre

Tidlegare skikøyrar og no ekspertkommentator for Eurosport Andreas Håtveit, er einig med Fredricsson.

– Han er god allround, flink taktisk og han har lært seg å velje run der prosenten for å lande er veldig høg. Men likevel får han nok poeng til gode plasseringar, seier Håtveit.

Mesternes mester

ANDREAS HÅTVEIT: – Øystein er ein luring og han er så stabil.

Foto: Roy Darvik

Bråten vann slopestylegull i både Aspen og i Hafjell i 2017. I helga skal han forsvare draumetittelen i Aspen.

– Eg tykkjer det er artig at folk ser på meg som ein favoritt, seier Bråten til NRK.

I tillegg til gode prestasjonar i fjor har Bråten vore på pallen i tre av fire slopestylekonkurransar i verdscupen han har stilt opp i denne sesongen.

– Med den sesongen eg har hatt så langt, har eg aldri vore betre, seier Bråten.

– Han er ein luring og han er så stabil, seier Andreas Håtveit.

Pallen er målet

Øystein Bråten har vore med i mange år og han enda på 8.-plass i OL 2014. Men det var fyrst i fjor at han slo gjennom for fullt med gulla i X Games. Skikøyraren vedgår at det er artig å endeleg vere blant dei beste.

– Det er veldig kult å vere i toppen. Artig at folk har trua. Men det er berre to runs i ein konkurranse, og berre eit som tel. Så da gjeld det å få klaff den dagen da, seier Bråten.

Sjølv om han no blir rekna som ein av dei største favorittane i X Games, er han tilfreds om han får ein plass på pallen.

– Målet mitt er å sette saman eit run som kan vinne, men viss eg kjem topp tre så skal eg ikkje klage, seier Bråten.

Øystein Bråten

TITTELFORSVARAR: Øystein Bråten skal forsvare gullet frå X Games 2017 i helga.

Foto: Emil Kjos Sollie / Red Bull Content Pool

Siste nytt

  • VM ryker for Tande

    Daniel-André Tande blir ikke med til VM. Hopperen skadet seg under et treningshopp i Lahti og skadet kneet. Nå er det altså klart at 25-åringen, som har slitt med å finne formen denne sesongen, må stå over årets VM.

    Tande.
    Foto: Matthias Schrader / AP
  • Norge inn til en 5.-plass

    Erlend Bjøntegård og Ingrid Landmark Tandrevold gikk Norge inn til en 5.-plass på single mixed stafett i USA søndag.

    Italia vant stafetten, mens Østerrike kom på 2.-plass. Frankrike sikret 3.-plassen.

    Med totalt seks ekstraskudd ble Norge til slutt slått med ett minutt og sju sekunder av Italia.

    Ingrid Landmark Tandrevold
    Foto: Berit Roald / NTB scanpix
  • Hirscher: – Kan være mitt siste VM

    Gullvinneren i søndagens VM-slalåm, Marcel Hirscher (29), annonserte under søndagens pressekonferanse at mesterskapet i Åre mest sannsynlig er hans siste VM.

    – Det tror jeg, ja, sa Hirscher, som ikke utelukket at han ville gi seg allerede etter denne sesongen.

    – Men det venter 10 renn til på meg, så får vi se igjen etter en pause. Da vil kanskje ting være litt klarere, kommenterer han.

    Marcel Hirscher
    Foto: Dimitar Dilkoff / AFP

Sendeplan

Kl. Program Kanal