Overraskingslaget Florø har berre ein tilsett: – Vi har overprestert

FLORØ/OSLO (NRK): «Alle» tippa at Florø skulle rykka rett ned i debutsesongen i førstedivisjon. No kan dei vere på veg mot eliteserie-playoff.

Florø fotball, supporter banner Stimen

ELLEVILL STEMNING: Florø har spelt for så godt som fulle tribunar heile sesongen og heimefansen har fått mykje å jubla for.

Foto: Truls Kleiven

– Vi har heilt klart overprestert ut frå dei ressursar vi har, seier Harald Gjervik.

Han er den einaste tilsette i administrasjonen i Florø Sportsklubb.

FSK er på femteplass på tabellen i 1. divisjon, ein plass som ved sesongslutt gir playoff om opprykk til eliteserien.

Lågt budsjett

Harald Gjervik og Simen Reksten Solheim

DAGLEG LEIAR: Harald Gjervik er den einaste som er fast tilsett i Florø.

Foto: Florø Fotball

Spådommane før sesongen frå alle ekspertar var klar. Florø kom til å rykka rett ned att.

– Eg trudde nok før sesongen at vi heller skulle kjempe for å få kvalikplassen i den andre enden av tabellen, seier Gjervik.

– Målsetjinga er å overleve, slik at vi får vere med på dette eit år til.

Med ti kampar att av sesongen har dei tatt 31 poeng. Historisk er det nok til å halda plassen.

Sidan det historiske opprykket førre sesong har laget frå kystbyen satsa på dei same spelarane. Budsjettet er berre på seks millionar og det har gitt lite handlingsrom på overgangsmarknaden.

– Vi satsar på lokale spelarar så langt det er mogeleg, seier Gjervik.

I dag har klubben to spelarar frå Austlandet og tre importar. Resten er lokale, dei fleste frå Florø og omland. Det er ein policy de ikkje har lyst til å endre på.

Laget har ein stamme han har trent sidan dei gjekk i småskulen.

Mest effektiv i landet

Terje Rognsø, Florø-trenar

JUBEL: Florø-trenar Terje Rognsø har trena store delar av laget sidan dei var smågutar og stammen i årets overraskingslag i har vore med sidan tredjedivisjon.

Foto: Truls Kleiven

Florø starta sesongen med ein mager poengfangst, men vann seks kampar på rad i serien i sommar. Det tok laget opp frå botnkampen og inn i opprykkskampen.

– Vi nærmar oss målsetjinga om å etablere oss i divisjonen, seier trenar Terje Rognsø.

Han kan nyte livet etter 5–0 over Mjøndalen heime i Florø onsdag, og den gode forma har gjort spelarane attraktiv. På den siste dagen av overgangsvindauget vart kantspelar Rashad Muhammed seld til Sarpsborg 08.

Men den heitaste spelaren i Florø om dagen er storscorar Endre Kupen. 13 mål, 13 kampar og ei scoring kvart 74 minutt har gjort at han har blitt samanlikna med Sergio Agüero.

– Vi hadde konkret bod på Endre frå Start, men det passa oss ikkje å selje no, seier Rognsø om mannen som scora fire av måla mot Mjøndalen, og som har skrive kontrakt med FSK til 2021.

Florø fotball. Endre Kupen

FRÅ FJERDEDIVISJON: Endre Kupen kom til Florø då dei var i andredivisjon frå fjerdedivisjonsklubben Tornado Måløy. Han har bøtta inn mål jamt og trutt, trass i at laget har klatra oppover i divisjonane. – Eg er Florø-spelar, og blir her ut sesongen, seier han sjølve om interessa frå større klubbar.

Foto: Truls Kleiven

Skyhøgt engasjement

Gjervik er innforstått med at om Florø skal etablere seg i divisjonen, er dei nøydd til å byggje større administrasjon.

– Det er vi smerteleg klar over. Vi jobbar kontinuerleg med å finne løysingar og å byggje det gradvis opp.

Han fortel om eit skyhøgt engasjement i Norges vestlegaste by.

– Eg må rekne med lang tid gjennom sentrumsgata no, for alle skal snakke fotball, seier Gjervik og ler.

Laster innhold, vennligst vent..
Laster innhold, vennligst vent..

Siste nytt

  • Etterlengta Liverpool-siger

    Liverpool slo Sheffield United 2-0 og tok dermed sin første ligasiger etter fire strake tap.

    Liverpool dominerte kampen. Curtis Jones og eit sjølvmål avgjorde kampen i Liverpools favør. Begge scoringane kom etter pause.

    Liverpool er med sigeren berre to poeng unna fjerdeplassen. Sheffield United er framleis parkert på botnen av tabellen.

    Adrian og Klopp
    Foto: Shaun Botterill / Reuters
  • Solskjær: - 100 prosent straffe

    Ole Gunnar Solskjær freste over at Manchester United ikkje fekk straffe for ein hands i kampen mot Chelsea.

    – Dersom det er ein naturleg posisjon for ei hand å vere i når ballen kjem, må eg vere blind, seier han til BBC.

    Dommaren vurderte straffe for det som kunne sjå ut som hands etter eit kvarter. Men etter VAR-inspeksjon avviste han kravet om straffe.

    – Det var absolutt ikkje straffe. Det var ei hand i raud trøye som var borti ballen, sa Chelsea-manager Thomas Touchel.

    Men det enda 0-0 i storkampen i London. United makta dermed ikkje å ta serleg inn på nabo City, som er 12 poeng framfor. Chelsea missa sjansen til å ta steget opp i topp 4.

    – Vi er nøgde med uavgjort, men vi kunne avgjort etter pause, for då var vi best, seier Chelseas Anders Christensen.

    Kampen blei prega av godt organiserte forsvar, og dei få målsjansane som oppstod, var nokolunde likt fordelte. Dei fleste kom etter pause.

    United har no spela 20 bortekampar utan tap i Premier League. Samstundes har Tomas Tuchel enno ikkje tapt som Chelsea-manager.

    – Det blei den tette kampen vi venta, sa Nils Johan Semb i TV 2-studio.

    Callum Hudson-Odoi handsar - eller?
    Foto: Ian Walton / AFP
  • Norsk sølv i blanda laghopp

    Norge tok sølvet i den blanda laghoppkonkurransen, 5,2 poeng bak Tyskland. Austerrike tok bronsen.

    Silje Opseth, Robert Johansson, Maren Ludnby og Helvor Egner Granerud var på det norske laget.

    Tyskland vinn denne konkurransen for fjerde VM på rad.

Sendeplan

Kl. Program Kanal