23-åringen frå Qatar er mannen som hoppar høgast i verda akkurat no. gjer han til den nest beste høgdehopparen i verdshistoria.
Verdsrekorden lyder på 2,45 meter, sett av cubanaren Javier Sotomayor i juli 1993. Det er snart 22 år sidan. Sotomayor hadde også ei stund rekorden på 2,44.
– Det siste året har vore godt, men eg er ikkje nøgd likevel, seier trenar Stanislaw Szczyrba.
– Beste hoppet i verdshistoria
– Innandørshoppet på 2,41 i Irland i vinter var i realiteten minst 2,48, seier trenar Stanislaw Szczyrba
Han fortel at Barshim fleire gonger har hoppa over verdsrekorden allereie, og at fleire av resultata i konkurranse også i realiteten har vore over gjeldande verdsrekord.
– Innandørs i Irland hoppa han 2,41 i februar. Det er etter mi meining det beste hoppet som nokonsinne er gjort. Eg er sikker på at han i realiteten var over verdsrekorden i det hoppet, seier trenaren. – Han var garantert over 2,48 med alle deler av kroppen.
Og Szczyrba ramsar opp fleire:
– 2,40 i New York var garantert over 2,46. I Roma og i Eberstadt var han heilt sikkert også over 2,46. Det er konkurransar der han i realiteten har slått verdsrekorden.
Sterkt høgdefelt på Bislett
Mutaz Essa Barshim er beste høgdehopparen i verda no, og jaktar verdsrekord på Bislatt torsdag
Foto: KARIM JAAFAR / AfpTorsdag står Barshim i spissen for eit felt som tel dei aller beste høgdehopparane under Bislett Games.
– Eg håpar han går over verdsrekorden i Oslo torsdag, seier trenar Stanislaw Szczyrba.
Som går rundt med ein caps med teksten «What Gravity?» (Kva for tyngdekraft?)
Hovudpersonen sjølv er ikkje like sikker. Det er ikkje no han skal vere i toppform.
– Eg er der eg skal vere på denne tida av sesongen, men målet er VM i august, seier han. – Det betyr ikkje at eg er ute av form no. Men eg har heller ingen formtopp, den bør ikkje kome for tidleg, seier han .
– Finst inga grense
Opphevar nesten tyngdekrafta: 'What Gravity?' står det på capsen til Barshims trenar
Foto: NRK– Eg trur ikkje det finst noko spesifikk grense for kor høgt ein kan hoppe, seier Barshim.
– Eg vil ikkje talfeste noko mål, for då kan eg lett låse meg. Eg vil alltid forbetre meg, seier Barshim.
Han har alltid vore oppteken av trening. Faren var også idrettsmann, og unge Mutaz var med på det meste.
– Det vart ein livsstil for meg, seier han.
Les også:
