Olsson tilbake på landslaget: – Målet er å halde seg frisk

Torgeir Bjørn trur Johan Olsson er ein av få som kan true Martin Johnsrud Sundby neste år. Nå har Olsson blinka seg ut Sundbys spesialdistanse i VM, i comebacket på landslaget.

NORDIC-SKIING/ Sweden's Johan Olsson celebrates winning the men's 15 km free individual race at the Nordic World Ski Championships in Falun

TILBAKE: Etter eit år i langløpsirkuset er Johan Olsson tilbake i verdscupen og på det svenske landslaget i oppkøyra til Lahti-VM neste år.

Foto: KAI PFAFFENBACH / Reuters

Ein kan seie at Johan Olsson er kjent for to ting. Femmilsgullet under VM i Val di Fiemme og sjukdomsperiodar. Lange sjukdomsperiodar.

Det er ei stor utfordring for meg å halde seg frisk. Nå er målet fyrst og fremst å ikkje ha så mykje fråvær som eg har hatt dei siste sesongane, seier Johan Olsson til Sveriges Radio.

– Har funne ei løysing

Johan Olsson takka for seg på det svenske landslaget etter VM-suksessen på heimebane i Falun i fjor. 36-åringen hadde berre gått eitt verdscuprenn før VM, isolert seg frå familien i nesten to månader, men reiste frå Falun med gull, sølv og bronse.

Da han reiste heim til Östersund etter VM trudde han at han var ferdig som skiløpar. I staden blei det satsing på langløp på teamet til Aukland-brørne. Men nok ein sesong har blitt øydelagd av sjukdom og skadar. Olsson har ikkje gått eit einaste skirenn i år.

– Problemet er ikkje at eg har så mange forkjølingar, men at sjukdomsperiodene er så lange som fem-seks veker. Eg har forsøkt å kome til botn i det og meiner eg har funne ei løysing nå.

Derfor er han igjen motivert for å satse i svensk landslagsklede gjennom heile oppkøyringa mot verdscupen og meisterskap.

– Lahti blir så klart viktig, eg kjem aldri til å vere ein utøvar som kan vinne den totale verdscupen. Det å forsvare ytterlagere eit VM-gull er eit stort mål. Eg kjenner eg er utruleg motivert for treningsarbeidet og har mange tankar på korleis eg skal forbetre ting, fortel Olsson.

– Strålande nyheiter

NRKs langrennsekspert, Torgeir Bjørn, meiner comebacket er svært viktig for svensk langrenn.

Det er strålande nyheiter for svensk langrenn. Olsson har vore den beste svenske herreløparen dei tre siste meisterskapa og har ein eigen evne til å prikke inn forma. Det verkar som om han fått tilbake gløden, seier Bjørn som har håpa å sjå Olsson tilbake i verdscupen.

I VM i Lahti er han tittelforsvarar på favorittdistansen 15 kilometer klassisk og har dermed friplass.

– Det er den distansen som har vore mi sterkaste dei siste ti åra. Det er enorm konkurranse der og utruleg mange som kan vinne, men det er den dagen eg vil ha alt fokus på, seier Olsson som ikkje trur han kan kjempe om gullet på femmila som neste år går i skøyting.

Torgeir Bjørn trur 36-åringen framleis kan kjempe om medaljar.

– Han er ein av få som kan utfordre Martin Johnsrud Sundby på 15 kilometer.

Siste nytt

  • Norge sendte Sverige ut av EM

    Norge vant 23-20 over Sverige i Malmö søndag, og sendte med det svenskene ut av håndball-EM. Målvakt Torbjørn Bergerud ble kåret til kampens beste spiller. Norges neste kamp er Island. Den kampen spilles tirsdag. Deretter venter Slovenia onsdag.

    Norges keeper Torbjørn Bergerud.
    Foto: Jonathan Nackstrand / AFP
  • Solskjær-nedtur mot Liverpool

    Ole Gunnar Solskjær måtte tåle tap da Manchester United møtte Liverpool på Anfield søndag. Hjemmelaget vant til slutt 2-0 etter scoringer av Virgil van Dijk etter 14 minutter og Mohamed Salah på overtid. United er på 5.-plass på tabellen med 34 poeng, mens Liverpool fremdeles troner ubeseiret på toppen med 64 poeng.

    Premier League - Liverpool v Manchester United
    Foto: Carl Recine / Reuters
  • Carlsen tok etterlengtet seier

    Etter syv remis på rad i Wijk aan Zee-turneringen, tok Magnus Carlsen en etterlengtet seier mot russiske Nikita Vitjugov. Carlsen spilte med hvite brikker og sikret seieren etter 30 trekk da Vitjugov ga seg. Det gjenstår fem runder i turneringen.

    Russia World Chess Rapid Champions
    Foto: Maria Emelianova / AP

Sendeplan

Kl. Program Kanal