OL-vinnarane sitt grep sikra historisk EM-gull

Anders Mol og Christian Sørum sikra sitt fjerde strake og Noregs sjette EM-gull i sandvolleyball.

Anders Mol og Christian Sørum

GULL: Anders Mol og Christian Sørum tok sitt fjerde strake EM-gull

Dei norske storfavorittane i EM slo nederlandske Stefan Boermans og Yorick de Groot med 21-19, 24–26 og 15–12 i ein dramatisk finale.

Då det såg ut til å gå mot nederlandsk siger i tredje sett, slo OL-meistrane til. Frå 9–11 snudde dei til 14–12.

Så leverte Mol ei fantastisk blokk, og meisterskapet var norsk. Igjen.

Det såg så mørkt ut. Rett nok blei det norsk siger i første sett. Men Nederland vann det andre, og leia det tredje lenge. Men Mol og Sørums innspurt var god som gull.

– Motivasjonen vår var å vinne vårt fjerde strake. Men motstandarane spela strålande villeyball, sa Mol i sigersintervjuet rett etter kamsplutt.

– No er vi slitne. No gler vi oss til å reise heim og la alt dette synke inn, la han til.

– Det er godt å framleis vere utan tap i Wien. Vi kjenner oss heime her. Det er helt fantastisk å stå her og spele.

Det er Mol og Sørums fjerde strake EM-tittel. Det er også Noregs sjette totalt på herresida, og det er det ingen andre som har.

Viasat-kommentator Vegard Høidalen, sjølv europameister i 1997, meinte dette kanskje var like stort som OL-gullet.

– Det trur eg nesten gutane meiner, ikkje minst etter ein så dramatisk finale, sa Høidalen.

– Dei har levert på eit nivå eg ikkje trudde var mogeleg.

Slitne OL-vinnarar tok grep før EM

Mol og Sørum
Foto: Florian Schroetter / AFP

Mol og Sørum tok OL-gull i Tokyo for berre ei veke sidan, og kom til EM slitne etter presset der, og den lange reisa tilbake til Europa etterpå.

– Det har dei fått ein reaksjon på, og derfor har dei teke nokon grep, sa Iver Horrem i Volleyballforbundet etter kvartfinalen i går.

Grepet er å ikkje sjå på nokon av dei andre EM-kampane, og har heller ikkje fått snakka med pressa. Dessutan får dei ha familie og kjærastar til stades.

– Dei er slitne. Det går litt på reservetankane etter OL, sa Herrem.

Mol og Sørum har då heller ikkje vore like overlegne som i dei siste kampane i OL, og fleire av matchane har gått til tre sett. Men dei har hanka inn sigrar.

Finalen som hadde alt

Kampen innleia jamt, og laga følgde kvarandre til den obligatoriske tekniske timeouten på 11–10.

Så rykka Mol og Sørum frå og gjekk raskt opp til 16–12. På 20–17 hadde Noreg tre settballar. Nederland sto imot dei to første, men ein knallhard diagonal frå Sørum på den tredje sikra settsigeren 21–19.

Det andre settet blei ein skikkeleg thriller. Nederland leia med eitt og to poeng til 8–6. Så gjorde den norske duoen nokre feil, og Nederland drog frå til 15–10.

Men då sette Noreg opp farten og tok inn på Nederland. Dei kom på sida ved å blokkere ein nederlandsk settball, og det stod 20–20.

Deretter blokkerte Noreg settball etter settball for Nederland. På stillinga 23–22 slo Mol ein ball som blei dømd ut. Det måtte videodømming til, og den viste at millimeteren var på Mols side.

Men det heldt ikkje heilt inn. Nederland vann det dramatiske settet med 26-24, og det måtte eit tredje sett til.

Det opna som det andre slutta. Nederland heldt seg eit poeng eller to framfor Noreg lenge.

Men Mol og Sørum var à jour på 11–11. Og avslutninga var heilnorsk, den makta ikkje nederlendarane å hange med på.

Tidlegare søndag slo dei eit anna nederlandsk par, Alexander Brouwer og Robert Meeuwsen, med 17-21, 21–17 og 15–13 i ein jamn semifinale.

Det første norske EM-gullet for Norge til Bjørn Maaseide og Jan Kvalheim i 1994, det andre tok Jørre Kjemperud og Vegard Høidalen i 1997. Og no Anders Mol og Christian Sørum dei fire siste åra.

Totalt har Norge teke 25 EM-medaljar på seniornivå.

Sportsnyheter

Europa conference leauge 2021: Bodø/Glimt - Roma

Mourinho-slakt: – Jeg overvurderte spillerne mine

Avisene i Italia er ikke nådige i sin dom over Roma i kveld. Jose Mourinhos første 6-1-tap i karrieren beskrives som pinlig og skammelig.

Siste nytt

  • Sørloth-assist høydepunktet

    Alexander Sørloth ble byttet inn og fikk målgivende i Real Sociedads 1-0-seier i europaligaen torsdag. West Ham slo Kristian Thorstvedt og Genk 3-0.

    Det var en lang stillingskrig i oppgjøret mellom Sturm Graz og Real Sociedad, og det sto lenge målløst. Men det var før Alexander Sørloth ble byttet inn etter en time. Han satte umiddelbart preg på kampen da han fant navnebror Alexander Isak med en pasning. Svensken skjøt via både forsvarer og keeper før ballen trillet i mål.

    Hjemmelaget Sturm Graz klarte ikke skape de største sjansene mot slutten å måtte tåle sitt tredje tap på tre kamper. Sørloths Sociedad har fem poeng og deler tabelltoppen sammen med PSV.

    Oppgjøret mellom West Ham og Genk var målløst lenge, men London-laget hadde god kontroll og sikret 3-0-seier.

    Craig Dawson scoret først på hodet etter innlegg fra Aaron Cresswell, før Cresswell igjen assisterte Issa Diop som stanget inn 2-0. Kun minuttet etter scoret Jarrod Bowen etter en fin soloprestasjon til 3-0 som også ble sluttresultatet.

    Thorstvedt spilte 83 minutter i kampen.

    Jens Petter Hauge kom inn helt mot slutten i Eintrach Frankfurts 3-1-seier mot Olympiacos.

    Spain Soccer La Liga
    Foto: Miguel Morenatti / AP
  • Supporter bortvist fra Aspmyra

    En italiensk supporter er bortvist fra kampen på Aspmyra mellom Bodø/Glimt og Roma for rasistiske tilrop.

    Det melder politiet i Nordland på Twitter.

    Glimt mot Roma på Aspmyra
    Foto: Sondre Skjelvik / NRK
  • Flertall for kvinnelag i Brann

    Torsdag stemte 42 av de 45 stemmeberettige på Årsmøtet for forslaget om at Brann skal ha kvinnelag i 2022. Det skriver Brann på sin nettside.

    Brann har godkjent vedtaket om at IL Sandviken Toppfotball kan skifte navn til SK Brann Kvinner.

    Nå er det opp til IL Sandviken Toppfotball og IL Sandviken om de vil gjennomføre sammenslåingen.

    Rungane ja til kvinnefotball i Brann.
    Foto: Andrea A Krüger / NRK

Sendeplan

Kl. Program Kanal