var Noregs andre og Carlsens første i OL i Tromsø. Derfor valde landslaget å roe det ned med ei lett fotballtrening måndag kveld.
– Vi brukar formiddagen til å sjå mykje på sjakk og førebu partia. Då er det fint å kunne slå seg litt laus med noko anna etter kampane, seier Jon Ludvig Hammer til NRK etter fotballturneringa mellom sjakkspelarar frå fleire deltakarland på «løkka» i Tromsø.
– Sjakk-OL er ei massemønstring, og vi har mange venner frå ulike nasjonar som vi har treft nettopp gjennom mellom anna tidlegare sjakk-OL. Det er faktisk ein del av sjakk-OL, seier Hammer.
At dei går ut for å spele fotball på kveldstid, er ikkje tilfeldig.
– Nei, det hjelper på sjakkspelet å halde seg i rørsle. Då kan ein også halde ut lenger ved brettet. I tillegg er fotball veldig gøy også. Og så får ein utløp for litt energi, seier Kjetil Aleksander Lie.
– Har du sett inn taklingar mot dei du møtte ved sjakkbrettet tidlegare på dagen?
– Det er nok best å takle dei, ikkje sine eigne lagkameratar, seier Leif Erlend Johannessen.
