OL-håpet lever for fotballjentene etter siger mot Nederland

Med 4–1 siger i kveldens kamp mot Nederland kan dei norske fotballjentene framleis ta seg til OL, men dei må ha hjelp i siste runde, av kveldens motstandar.

Ada Hegerberg Norge

MÅL OG MÅLGJEVANDE: Ada Hegerberg spelte ein viktig rolle då Norge slo Nederland. Ho noterte seg for to scoringar og ein målgjevande pasning.

Foto: Matt Kryger / Reuters

– Å herregud, det var så deilig det her. For ein stor siger for oss. Måten vi tok oss opp igjen etter Sverige-kampen var utruleg. OL-håpet lever, seier tomålsscorar Ada Hegerberg.

Ada Hegerberg scora 3–1 målet for Norge i det 82. minutt. Ho vart spelt gjenom av Isabell Herlovsen og aleine med keeper gjorde ho ingen feil. Det same skjedde igjen på overtid, Herlovsen til Hegerberg, 4–1.

Revansje frå sist

Norge tok leiinga i kampen etter halvtimen, då Hegerberg fann Emilie Haavie i feltet med eit innlegg.
2–0 kom etter ein times spel etter scoring av kapteinen Maren Mjelde.

– Det var deilig å score, vi gjer ein ufattelig bra kamp og får revansjert oss frå den forrige kampen mot Sverige. Alt fungerte for oss i dag, seier kaptein Maren Mjelde til Max.

Det vart spennande mot slutten, etter at Nederland reduserte med 25 minutt igjen av kampen, men Norge trakk tilslutt det lengste strået.

Må ha hjelp frå Nederland

For at Norge skal ta seg til OL må dei no slå Sveits i den siste kampen i gruppespelet, i tillegg til at Nederland må slå svenskane. Svenskane slo nemleg Sveits 1–0.

Då vil det bli avgjort på innbyrdes målforskjell mellom dei tre laga, men med 4–1 mot Nederland lever håpet om Rio for dei norske fotballjentene.

Roger Finjord

NØGD: Trenar Roger Finjord var godt fornøgd etter 4-1 sigeren.

Foto: Roald, Berit / NTB scanpix

– Eg er veldig stolt av dei, dei treff perfekt med inngangen til kampen. For ein fotballkamp vi gjennomfører her idag. Det er ein kjempeprestasjon. Det er ikkje opp til oss om vi skal til OL, vi må slå Sveits og håper Nederland gjer jobben mot Sverige. Men uansett, det vi viser her er bra for framtida, seier landslagssjef Roger Finjord.

Norge tapte den første kampen, 1-0 mot Sverige, etter at Sverige scora etter to minutt av kampen.

Norges lag (4-4-2): Cecilie Fiskerstrand - Ingrid Moe Wold, Marita Skammelsrud Lund, Nora Holstad Berge, Elise Thorsnes - Kristine Minde, Maren Mjelde, Trine Rønning, Emilie Haavi - Ada Hegerberg, Caroline Graham Hansen.

Benken: Kristine Nøstmo, Ingvild Stensland, Andrine Hegerberg, Hege Hansen, Lisa-Marie Karlseng Utland, Isabell Herlovsen, Lene Mykjåland.

Siste nytt

  • Dobbelbogeyar øydela for Hovland

    Viktor Hovland låg an til ein plass heilt i toppen i US Open etter 15 hol på nest siste runde. Men med bogey på hol 16 og dobbelbogeyar på både hol 17 og 18 fall han nedover resultatlista.

    Med 5 slag over par på runden og 7 over par totalt var han nummer 13 etter å ha spela ferdig. Då var framleis fleire av dei beste ute på sin runde.

    Viktor Hovland
    Foto: John Minchillo / AP
  • Odd tilbake på tredjeplass

    Odd slo Stabæk 2-0 og tok tredjeplassen på tabellen tilbake, med like mange poeng som Molde.

    Begge måla kom etter samarbeid mellom Elbasan Rashani og Espen Ruud. Rashani scora etter 27 minutt, Ruud etter 77.

     Stabæk – Odd
    Foto: Vidar Ruud / NTB
  • Ødegaard startar for Real

    Martin Ødegaard får sin første start for Real Madrid i kveld, når laget møter Real Sociedad borte.

    Det er arenaen som var hans heimebane i førre sesong, då han var utlånt til nettopp Sociedad.

    Kampen startar kolkka 21.00.

    Martin Ødegaard
    Foto: Heiko Junge / NTB

Sendeplan

Kl. Program Kanal