Verdens første vegan-klubb er klar for ligaen

Forest Green Rovers er ikkje som andre fotballklubbar. Det er den einaste i verda som er gjennomført vegansk og miljøvenleg. I dag blei dei ligalag.

Forest Green Rovers

TØMMER-BANE: Forest Green Rovers kjem frå den minste byen som nokosinne har hatt lag i ligaen. Men dei skal byggje heilt nytt stadion – det første i verda som er laga hundre prosent av tømmer

Foto: HANDOUT / Reuters

Den vesle klubben frå Nailsworth i Gloucestershire nordaust for Bristol fekk for første gong i historia status som ligaklubb etter 3-1 over Tranmere i playoff-finalen på Wembley søndag.

Tilreisande motsandarfans kan berre gløyme å setje tennene i ein tradisjonell burger eller typisk engelsk kjøttpai når dei kjem til ligakampar på The New Lawn. Fish and chips også. Og tradisjonelt øl.

Veggie-burgarar er derimot å få kjøpt. – Og dei er blitt skikkeleg populære blant fansen, seier Vince til The Independent.

– Raudt kjøt er negativt

– Det er godt kjent at raudt kjøt er negativt for prestasjonane, seier klubbeigar Dale Vince. – Det er ikkje uvanleg for topp-idrettsutøvarar å unngå det.

Burgers are really awful. They’re the most awful parts of an animal and are really unappealing products that are cheap as dirt. We’ve replaced them with really high quality plant-based food.

Dale Vince, klubbeigar

Alt som inneheld kjøt, fisk eller meieriprodukt er bannlyst på klubbens område. Det er rikeleg med ladestasjonar for el-køyretøy på stadion, elektrisiteten kjem frå solpanel, og robotar trimmar det organiske grasdekket på bana.

Rik på miljøvenleg energi

Vegan-mat

MAT FOR MENN: Vegansk mat er blitt populært på arenaen til Forest Green, men tradisjonelle burgerar og paiar er bannlyst

Foto: LARRY CROWE / Ap

Forest Green er definitivt ikkje som andre ligaklubbar. Det er det Dale Vince som er årsaka til. Han har slått seg stort opp på produksjon av miljøvenleg energi, og skal vere god for godt over ein milliard kroner.

– Personleg er eg veganar og har svært sterke synspunkt på miljø, dyrevelferd og folkehelse, seier Vince til The Sun.

No planlegg Vince nytt stadion. Det skal ta opptil 10.000 tilskodarar og bli det første stadion i verda som blir bygd hundre prosent av tømmer.

Vince tok over som klubbeigar i 2010 og tok straks til å implemetere sine eigne idear i klubbdrifta. Allereie året etter skapte han overskrifter ved å nekte sal av alt raudt kjøt på klubbens område.

Redda frå konkurs

Det var klubben sjølv som tok kontakt, ettersom dei var i alvorleg pengeknipe og var på randa av konkurs.

Med hans bakgrunn og interesser var klubbnamnet Forest Green logisk å satse på når Vince gjekk inn i fotballen. Han hadde frå starten visjonar om vegansk satsing.

– Det var litt motstand til å byrje med, men det endra seg raskt, seier Vince til The Guardian.

Ny arena av tømmer

Kampen mot Lincoln 1. november 2014 er rekna som den aller første gjennomførte vegan-kampen i verdshistoria.

– Dette er første steget for å ta klubben til Championship, sa Dale Vince før kampen mot Tranmere på Wembley.

The New Lawn har plass til berre 5141 tilskodarar. Byen har eit offisielt folketal på 5794, så nesten alle får plass. Det er også den aller minste byen som noko gong har hatt lag i den profesjonelle ligaen.

Klubben var i playoff-finalen i fjor også, men tapte for Grimsby.

Siste nytt

  • Aron Dønnum forlenget med Vålerenga

    Aron Dønnum har forlenget kontrakten med eliteserieklubben Vålerenga til 2024. – Jeg vil at Vålerenga skal sitte igjen med noe om jeg blir solgt, sier han.

    I begynnelsen av september gikk en overgang til italienske Lecce i vasken. 22 år gamle Dønnums opprinnelige kontrakt med Oslo-klubben varte ut 2021. Nå er den forlenget til juli 2024.

    – Det er en veldig viktig signering for oss, og det at han skriver under på en så lang kontrakt viser Arons kjærlighet til Vålerenga, sier Dag-Eilev Fagermo til Vålerengas nettsted.

    Aron Dønnum
    Foto: Fredrik Hagen / NTB
  • Dyre koronatester skaper problemer

    USA er blant nasjonene som ikke har råd til å delta i alle verdenscuphelgene i langrenn på grunn av kostnaden for koronatesting, skriver Aftonbladet.

    Ifølge avisen må flere nasjonale skiforbund regne nøye på hvilke konkurranser de har råd til å delta i den kommende vinteren.

    For utøvere må testes én gang før avreise og én gang etter ankomst. Med en prislapp på rundt 1500 kroner per test, blir det store beløp.

    – Det er en stor uro vi har. Sparepengene våre kommer bare til å rekke til halve vinteren. Vi må virkelig håpe på enklere og billigere tester framover, sier USAs landslagssjef Chris Grover til Aftonbladet.

    VQnRSSvCa_I
    Foto: Terje Bendiksby / NTB
  • Fana møter Vipers

    Vipers Kristiansand blir tar imot Fana i NM-semifinalen i håndball for kvinner. I den andre semifinalen tar Fredrikstad imot Sola. Det ble klart i trekningen som ble foretatt i Norges Håndballforbunds lokaler torsdag ettermiddag. Semifinalene i håndball-NM spilles onsdag 11. november.

    Mesterligaen håndball kvinner, Team Esbjerg - Vipers Kristiansand (27-27)
    Foto: John Randeris/scanpix Ritzau / NTB

Sendeplan

Kl. Program Kanal