Nytt dramatisk fall for Lundby: – Eg var ganske livredd

LILLEHAMMER/OSLO: (NRK) Skihoppar Maren Lundby mista fotfestet i tilløpet, sklei utanfor hoppkanten og landa rett ned på betongen, i eit dramatisk fall i Lysgårdsbakken denne veka.

Maren Lundby

DRAMATISK FALL: Maren Lundby slapp unna med eit skrubbsår i panna, ein forslått kne og hjerneristing etter det dramatiske fallet.

Foto: Hans Andreas Solbakken / NRK

– Eg landa på det eine beinet/kneet før eg slo hovudet i bakken. Eg slo meg hardt, og var ganske livredd, fortel Lundby.

Det var i samband med at Lundby skulle flytte bommen dramatikken oppstod. Ho skal ha mista fotfestet og forsvunne ned tilløpet og fall utfor den to og ein halv meter høge hoppkanten, der ho landa rett på ein betongkant.

– Eg prøvde alt eg kunne å bremse då eg forsvann nedover, med både bein og armar, fortel OL-vinnaren.

– Eg visste ikkje kva som kom til å vente meg om eg forsvann utanfor hoppkanten. Eg er sjeleglad for at eg hadde hjelm på meg, og at den tok den verste støyten, fortel Lundby vidare.

Kne Lundby

SKADA: Kneet til Maren Lundby er kraftig forslått etter fallet.

Foto: Hans Andreas Solbakken / NRK

24-åringen skal ha pådratt seg hjerneristing og har eit kraftig forslått kne. Svar frå røntgen og MR som kom torsdag syner derimot at det ikkje er brot eller andre dramatiske skadar.

– Det ser ut som eg var heldig denne gongen. Men eg føler at eg kanskje har brukt opp flaksen for denne gongen, så det gjeld å halde seg unna ulykke framover, seier hopparen til NRK.

Det er ikkje første gong Lundby ramlar på trening. Tidlegare i sommar heldt ho på å ta salto under trening i Trondheim.

Støkk i hoppsjefen

Sportssjef Clas Brede Bråthen er letta over at det ikkje vart brotskadar.

– Eg har sett mykje i hoppbakken opp gjennom årene, men ingen kan vel vente seg at noko slikt skal kunne skje. Dette har verkeleg sett ein støkk i oss.

VM på ski 2019. Pressetreff

LETTA: Hoppsjef Clas Brede Bråthen er glad det ikkje vart brotskadar etter det stygge fallet.

Foto: Fredrik Hagen / NTB scanpix

Han understrekar at miljøet er letta over at skadane førebels ikkje er verre enn kva eit så dramatisk fall faktisk kunne hatt.

– Eg er trygg på at ho er i dei beste hender. Det er lærdom i dette også, og eg håper vi snart ser Maren fly i hoppbakken slik vi normalt ser ho, seier hoppsjefen.

Vil raskt tilbake

Fallet skjedde under trening, og Lundby er klar på at ho vil tilbake i hoppbakken så raskt som mogleg, sjølv om ho vedgår at fallet skremte ho.

– Eg var frykteleg redd, men det kjem ikkje til å gå ut over sjølvtilliten min i bakken, for det var ikkje der det skjedde.

– Eg kjem nok til å reflektere litt meir over livet, men må jo berre legge det bak meg, legg ho til.

Skrubbsår

SKRUBBSÅR: Lundby hadde flaks og pådrog seg ingen alvorlege skadar. Her syner ho fram skrubbsåret i panna etter å ha landa på betongen under hoppkanten.

Foto: Hans Andreas Solbakken / NRK

Samstundes er ho litt irritert på seg sjølv over måten det heile skjedde på.

– Følte meg litt klønete når det skjedde og veldig irritert over korleis dette kunne skje. Eg må berre lære av det, seier 24-åringen.

Siste nytt

  • Johaug med sterk prolog

    Therese Johaug har vunnet alle de fire første etappene av Ski Tour, men er ikke favoritt i dagens klassiske sprint. Men i prologen overrasket Johaug med en veldig godt løp og gikk inn til en tredjeplass. – Det var veldig bra det. Jeg klarer å gå fort i en sånn løype også, det er ikke verst, sier Johaug til NRK. Svenske Jonna Sundling gikk fortest i prologen med tiden 3:22.75. Johaug gikk i mål under sekundet bak. Tiril Udnes Weng var nest beste norske utøver med en sjuendeplass.

    Therese Johaug imponerte i prologen
    Foto: Terje Pedersen / NTB scanpix
  • Rapport: Bryant-pilot braut reglar

    Helikopterpiloten som styrta saman med basketball-stjerna Kobe Bryant og sju andre i Califiornia, hadde tidlegare fått refs for å ha brote luftfartsreglane. Det skriv amerikanske luftfartsstyresmakter (FAA) i ein rapport, skriv Los Angeles Times.

  • Lewandowski redda Bayern

    Bayern München sleit lenge mot botnlaget Paderborn og såg ut til å miste viktige poeng i tittelkampen i Bundesliga. Paderborn kjempa seg heroisk til 2-2 på bortebane med eit kvarter igjen å spele. Men da det var to minutt igjen på klokka dukka Robert Lewandowski opp og scora sitt 25 mål for sesongen. Dermed vann Bayern 3-2 og har fire poeng ned til Leipzig med ein kamp meir spelt.

    Robert Lewandowski
    Foto: Matthias Schrader / Matthias Schrader

Sendeplan

Kl. Program Kanal