NRK Meny
Normal

Norsk landslagstrenar kritisk til UEFAs siste stunt

UEFA vil endre straffesparkkonkurransen slik vi kjenner den. Før utprøvinga i U17-EM er Norges landslagstrenar skeptisk.

Ronaldo

STRAFFEJUBEL: Ronaldo jublar etter straffe-scoring i 2016-EM. No testar UEFA ut eit nytt straffekonk-system.

Foto: Yves Herman / Reuters

– Eg synst det var greit sånn det var før, og såg vel ikkje noko behov for å endre regelen som har vore, seier U17-landslagstrenar Erland Johnsen.

For å hindre at det første laget som skyt straffe i ein straffekonk ikkje får eit psykologisk overtak ved scoring på første forsøk har UEFA utvikla eit nytt system.

Det blir testa ut under U17-EM i Kroatia der Norge deltar.

Dette er straffekonken «ABBA»

Det nye systemet fungerer slik:

I staden for at laga skyt annankvar straffe, vil lag A skyte første straffe før motstandaren, lag B, skyt to straffar på rad (straffe nummer to og tre).

Deretter vil lag A skyte to straffespark (straffe nummer tre og fire).

Slik held det fram til kvart lag har tatt fem straffespark. Etter det går konkurransen over i gammal form, der laga skyt kvart sitt straffespark.

Erland Johnsen

SKEPTISK: Norges U17-trenar Erland Johnsen.

Foto: Ekornesvåg, Svein Ove / SCANPIX

Systemet har fått namnet ABBA på grunn av rekkefølgen laga skal skyte i.

Undersøkingar viser nemleg at laget som tar første straffe har 60 prosent sjanse for å vinne, ifølgje Fotballens internasjonale lovkomité (IFAB).

Meiner spelarane blir overbeskytta

Landslagstrenar Erland Johnsen meiner det nye grepet er feil veg å gå.

– Eg synst ikkje vi bør overbeskytte spelarar på den måten. Ein får tåle å skyte annankvar straffe. Det er ein del av fotballen å takle press når ein er på banen, seier Johnsen.

– Tar det vekk litt av nerva i ein straffesparkkonkurranse?

– Eg synst det. No har spelarane blitt så gode på straffar, så det er ganske få som bommar på høgare nivå. Eg veit ikkje kor lenge ein skal stå og skyte straffar. Nokre blir syndebukk uansett.

Slik forklarer UEFA tanken bak systemet:

– Hypotesen er at spelaren som tar det andre straffesparket i konkurransen er under større mentalt press, opplyser forbundet til Reuters.

– Lukkast det første laget med første straffe, kan motstandaren ha tapt konkurransen der og då. Utslaget ser ein spesielt frå det fjerde straffe-paret og utover, legg UEFA til.

Utelukkar ikkje ABBA i EM

Landslagstrenar Johnsen ser ikkje vekk frå at vi etter kvart kan få sjå ein slik modell i seniormeisterskap som EM.

– Dersom tilbakemeldinga er positiv så blir det kanskje sånn. Det kan fort skje, seier Johnsen.

Sjølv har han ikkje tenkt for mykje på det nye straffekonk-systemet før Norges U17-lag skal i aksjon.

– Det kan bli ei anna rekkefølge på dei som skyt straffe. Men dette kjem ikkje før vi har gått vidare frå gruppespelet, så vi har ikkje brukt så mykje energi på dette no, seier Johnsen.

Norge møter England i første kamp torsdag.

Siste nytt

  • Northug dropper Planica

    Petter Northug er fortsatt syk og står over verdenscupen i Planica, erfarer Adressa.no

    Dermed ryker siste kvalifiseringemulighet til OL for skikongen, som også måtte stå over NM på Gåsbu med forkjølelse etter Skandinavisk Cup-rennet i svenske Piteå.

    Langrenn, Petter Northug.
    Foto: Frilans / NTB scanpix
  • Balotelli tomålsscorer for Nice

    Mario Balotelli og Nice så lenge ut til å gå seirende ut av tirsdagens seriekamp mot Monaco.

    Balotelli scoret to og så lenge ut til å bli matchvinner, men like før slutt satte Radamel Falcao inn 2–2 for Monaco. Dermed endte kampen med poengdeling.

    Mario Balotelli (Nice) scoret to mål mot Monaco i tirsdagens seriekamp.
    Foto: ERIC GAILLARD / Reuters
  • Leicester enkelt videre i FA-cupen

    Leicester gikk enkelt videre fra FA-cupens 3. runde etter å ha slått nivå-to laget Fleetwood 2–0.

    Rett før pause scoret Kelechi Iheanacho 1–0 før samme mann satte inn Leicesters andre scoringen i det 77. minutt.

    Kelechi Iheanacho scorer sitt andre mål for kvelden i FA-cupens tredje runde.
    Foto: CARL RECINE / Reuters

Sendeplan

Kl. Program Kanal