Norsk 6.-plass i VM
På VMs finaledag kunne Tyskland juble høgast då kampen om 5.-plassen skulle avgjerast. For mot Noreg blei det tyske laget for sterke, då dei til slutt vann 28–24.
Tyskland tok føringa frå start av kampen, og Noreg var konstant jaktande bakfrå. Opp mot ein sterk tysk målvakt i form av Andreas Wolff var det lite dei norske spelarane kunne stå opp med i finalearenaen.
Både på kontringar, gjennombrot og skot frå distanse stod den tyske målvakta i vegen, og blei etter kampen kåra til banas beste.
Tyskarane sikra seg med det 5.-plassen, medan Noreg måtte ta til takke med å bli nummer 6 i årets meisterskap.
Det var etter det knappe kvartfinaletapet for Spania at Noreg måtte ut i plasseringskampar i meisterskapet. Fredag slo dei Ungarn, som gjorde at dei søndag møtte Tyskland i kampen om 5.-plassen.