– Vi kan slå innlegg til fredag ettermiddag utan å score mål

For niande gang på tolv landskampar kom Norge under før pause. For sjette gang på ni kampar gjekk Norge mållause av banen. Dårleg målteft etter marerittstart er landslagets trend under Per-Mathias Høgmo.

Norge

Per Siljan Skjelbred under EM-kvalifiseringskampen mellom Norge og Italia på Ullevaal stadion.

Foto: Pedersen, Terje / NTB scanpix

Laster innhold, vennligst vent..

Det låg på ingen måte an til at Norge skulle score i «bøtter og spann» framfor eit fullsett Ullevaal stadion i EM-kvalifiseringa.

Per-Mathias Høgmos startellevar hadde totalt 137 kampar med flagget på brystet. Til saman hadde desse elleve scora seks mål for Norge.

Score gjorde dei heller ikkje denne gangen, men anført av ein frisk Joshua King på topp opna dei unge, norske spelarane med ei offensiv haldning som varma Ullevaal-publikummet.

Per-Mathias Høgmo

Per-Mathias Høgmo prøvde å piske mannskapet framover, men mannskapet skapte ikkje nok framfor mål.

Foto: Pedersen, Terje / NTB scanpix

Bråstopp etter 16 minutt

Typisk nok for Per-Mathias Høgmos menn varma ikkje spelet alt for lenge. Kvarteret etter avspark sette 23 år gamle Simone Zaza frå Serie A-klubben Sassuolo inn 1-0.

Med det kom Norge under 0-1 for 11. gang på 12 landskampar sidan Høgmo starta karrieren som landslagssjef.

Igjen kom smellen tidleg. For sjuande gang skjedde det før det var spelt 16 minutt, og for niande gang før halvtimen var spelt.

  • Slovenia (b): 13. minutt
  • Island (h): 12. minutt
  • Danmark (b): 14. minutt
  • Skottland (h): 61. minutt
  • Moldova (n): 29. minutt
  • Polen (n): 21. minutt
  • Tsjekkia (b): 11. minutt
  • Frankrike (b): 15. minutt
  • Russland (h): 3. minutt
  • Forente arabiske emirater (h): Holdt nullen
  • England (b): 68. minutt
  • Italia (h): 16. minutt.

Null stress for svekka Italia

Italia mangla store stjerner som Andrea Pirlo, Giorgio Chiellini, Riccardo Montolivo og Claudio Marchisio, men hadde uansett få problem med å slå Norge.

Etter timen spelt stod det 2-0. Leonardo Bonucci fekk stå mutters aleine på bakre stolpe etter corner. Juventus-forsvarareb gjorde som ein 190 centimeter høg stopparbauta skal gjøre i motstandarens felt: Heade ballen enkelt i mål.

Tjærnås oppgitt over tamt Norge

I angrep viste Norge i det minste at dei er i stand til å trille ball mot eitt av dei ti beste laga i verda. Men kvar gang dei nærma seg Italias sekstenmeter sa det stopp.

Innlegga som kom frå kant fann aldri ein mann. Mykje fordi det stort sett bare var ein mann i feltet: Joshua King.

Etter fleire innlegg til ingen nytte fekk TV Norges ekspertkommentator nok.

– Vi får så mange sjansar til å slå innlegg. Når vi får dei sjansane må minst ein indreløpar på motsett kant bli med inn i feltet. Elles kan vi slå innlegg til fredag ettermiddag utan å score mål, sa Lars Tjærnås.

Italia leika seg til tider mot slutten. Det kunne raskt stått 3-0 og 4-0.

Med tapet legg Norge seg sist i EM-kvalifiseringsgruppa etter første runde.

– Når skal vi få sjå det prosjektet Per-Mathias Høgmo ønskar at vi skal få sjå?

– Det er mykje bra i laget, men det blir bare nesten. Det er den siste ballen og det siste innlegget som manglar, svarar kaptein Per Ciljan Skjelbred til TV Norge.

Neste motstandar er Malta - på Malta - 10. oktober.

Laster innhold, vennligst vent..

Sportsnyheter

Haaland på årets lag – fikk målspørsmål av trenerlegende

Erling Braut Haaland er tatt ut på årets lag i verden av det internasjonale fotballforbundet. I prat med trenerlegenden Arsène Wenger fikk han skryt.

Sikret sin tredje VM-medalje: – Det var ikke helt det jeg hadde håpet på

Jesper Saltvik Pedersen (22) var ikke fornøyd etter å ha sikret seg sølvmedalje i superkombinasjonen.

Siste nytt

  • Lewandowski årets spelar

    Robert Lewandowski er kåra til året spelar for 2020/21. Bayern Münchens polske storscorar gjekk til topps på FIFAs "The Best"-galla i kveld.

    Han scora 48 mål på 40 kampar sist sesong. Han slo også Gerd Müllers 49 år gamle rekord for Bundesliga med eitt mål og enda på 41.

    Lewandowski vann prisen for andre gong. Den første var i desember 2020.

    Dei andre spelarane i finaleheatet var Lionel Messi og Mohamed Salah.

    Årets beste kvinnelege fotballspelar blei Barcelonas Alexia Putella.

    Chelsea tok begge prisane for årets trenar, ved Thomas Tuchel og Emma Hayes.

    Robert Lewandowski
    Foto: Wolfgang Rattay / Reuters
  • Norge får ingen poeng med seg vidare

    Russland knuste Slovakia 36-27 (19-9) i den første kampen i Norges EM-gruppe i kveld. Det inneber at om Norge går vidare til hovudrunden, blir det utan å ta med seg poeng frå innleiingskampane. Berre Russland går vidare med 2 poeng etter sigeren over Norge laurdag.

    Men med dette resultatet er Norge i praksis klar for hovudrunden, saman med Russland. Berre eit heilt usannsynleg kjempetap på åtte mål eller meir for Litauen seinare i kveld kan hindre det.

    Norge skal møte Spania, Tyskland, Polen og enten Sverige eller Tsjekkia i hovudrunden, som tek til torsdag.

    Aleksandr Ermakov, Russland
    Foto: DAVID W CERNY / Reuters
  • Minkande smitte i Premier League

    Premier League opplyser at det blei tekne 33 positive korona-prøver av spelarar og i støtteapparat sist veke.

    Det stadfester ein fallande trend sidan smittetoppen før jul. I første veka av året blei det tekne 72 positive prøver, og 94 i veka før. I juleveka var talet 103.

    Totalt er 21 ligakampar utsette på grunn av covid-utbrot i ulike klubbar.

    Covid-kontroll i Premier League
    Foto: PAUL ELLIS / AFP

Sendeplan

Kl. Program Kanal