NRK Meny
Normal

Norge «stal» suksesstrenaren til Fourcade: – Han er X-faktoren

Siegfried Mazet har gjort Martin Fourcade til verdas beste skiskyttar. No skal han gjere dei norske gutane betre, men han trur ikkje det er gjort over natta.

Bø og Fourcade

DUELL: Martin Fourcade måtte sjå seg slegen av Johannes Thingnes Bø på fellesstarten i VM i Holmenkollen. Bø håpar å vise franskmannen ryggen fleire gonger kommande vinter.

Foto: Grøtt, Vegard Wivestad / NTB scanpix

I vinter sa Siegfried Mazet opp jobben som skytetrenar på det franske skiskyttarlandslaget. Der har han fått mykje av æra for dei gode resultata til franskmennene, Martin Fourcade især.

No har han teke over ansvaret på det norske landslaget. Det er Johannes Thingnes Bø svært glad for.

– Starten har vore knallbra. Frå første møte har eg hatt veldig stor respekt for han, og stor tru på det han kan tilføre oss som lag.

Duellen

Og Mazet har definitivt bidrege positivt til det franske landslaget gjennom sine åtte år som trenar der. No må Fourcade og resten av laget klare seg utan, og han meiner Thingnes Bø har like stort potensial som Fourcade.

Mazet

PÅ PLASS: Siegfried Mazet er på plass i Sandnes, for å følgje dei norske skiskyttargutane under Blinkfestivalen.

Foto: Gjermund Midtbø / NRK

– Forskjellen er at Martin (Fourcade journ.anm.) er meir stabil. Johannes er enno ikkje stabil nok til å vinne verdscupen samanlagt, men kanskje om eitt år eller to. Potensialet er der, seier Mazet til NRK.

Thingnes Bø gler seg til å møte franskmannen i konkurranse til vinteren.

– Det står att å sjå kven som går sigrande ut av den duellen. Men at me har fått ein fordel av å ha med Mazet som ny trenar, er eg 110 prosent sikker på. Han har gjort meg betre, og eg håpar det kan vere X-faktoren som hevar oss til same nivå som Fourcade.

Mazet

SUKSESS: Frankrike har opplevd stor suksess med Mazet som skytetrenar

For å komme seg dit, er det særleg ein ting nordmennene har jobba med.

– Det er mykje likt, men den største forskjellen er det mentale. Det blir sett høge krav.

Nye impulsar

Thingnes Bø har allereie fått merke skilnaden etter at Mazet tok over som skyterenar for skiskyttarherrane.

Johannes Thingnes Bø

GULLGUT: Johannes Thingnes Bø håpar å vinne endå meir med Mazet på laget.

Foto: Grøtt, Vegard Wivestad / NTB scanpix

– Eg har hatt stor nytte av han som trenar allereie, og håpar å kunne bygge vidare på det i tida som kjem.

23-åringen leverte ein god fjorårsvinter, og sjølv med to gull i VM i Holmenkollen, kunne det nok blitt endå fleire med betre klaff på standplass.

– Det måtte endringar til. Me har alltid vore det eine bomskotet frå. Me håpar at det ekstra løftet me får no, vil gje oss fleire toppresultat.

Mazet skal løfta fokuset på skytinga.

– Før har det vore mykje fokus på langrenn og mindre på skyting. Skal ein vinne i internasjonal skiskyting må ein gå fort, men også skyta fullt, seier Mazet.

– No har det vore likt i mange år, og den norske filosofien har vore lik heilt sidan Ole Einar byrja. Me har godt av litt innspel frå ein anna nasjon. Særleg av han som har gjort det so godt med Frankrike.

Siste nytt

  • Singh klar for Sarpsborg

    Den tidligere VIF-profilen Harmeet Singh er tilbake i norsk fotball. Midtbanespilleren signerte i dag en 1,5-årskontrakt med Sarpsborg.

    – Sarpsborg 08 har et lag der alle gir alt for hverandre. Et tøft og robust lag, sier Singh til sarpsborg08.no.

    Harmeet Singh
    Foto: Sarpsborg 08
  • Birkeland går stafetten

    Lars Helge Birkeland går inn på stafettlaget, sammen med brødrene Bø og Emil Hegle Svendsen. Det betyr at Erlend Bjøntegaard er vraket, til tross for at Bjøntegaard blant annet havnet på en kanonsterk femteplass på 10km sprint tidligere i OL.

    Vinter-OL. Olympiske leker i Pyeongchang 2018. Skiskyting menn.
    Foto: Terje Pedersen / NTB scanpix
  • Positiv b-prøve for Krusjelnitskij

    Aleksandr Krusjelnitskijs b-prøve viser spor av meldonium. Det bekrefter Russlands olympiske komite i en pressemelding. Krusjelnitskij spilte for OURs lag i mixed curling, som tok bronse.

    Hvis laget nå diskvalifiseres, blir det norsk bronse.

    Aleksandr Krusjelnitskij
    Foto: CATHAL MCNAUGHTON / Reuters

Sendeplan

Kl. Program Kanal
OL-magasin
Mester mot legende i vintersport
Mester mot legende i vintersport